ÏOANNIS 18:8 - Khasi CL Bible (BSI)

⁸ “Nga la lah ïathuh ha phi ba dei ma nga uta,” U Jisu u la ong. “Te, lada phi ïawad ïa nga, shah ba kine kiwei kin leit noh.”

KA BAIBL

⁸ U Jisu u la ïathuh, “Nga la ong ha phi ba nga long ma nga; namar kata, lada phi wad ïa nga, ai ïa kine ban leit noh.”

ÏOANNIS 18:8 ပူးပေါင်းရင်းမြစ်များ

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

MATHAÏOS 26:56

Hynrei kane baroh ka la lah jia khnang ban pynlong ïa kaei kaba ki nongïathuhlypa ki la thoh ha ki Jingthoh Bakhuid ban jia shisha.” Nangta baroh ki synran ki la iehnoh ïa u bad ki la ïaphet noh.

ÏOANNIS 10:28

Nga ai ha ki ïa ka jingim bymjukut, bad kin ym ïap da lei lei ruh. Ym don uno uno uba lah ban knieh noh ïa ki na nga.

ÏOANNIS 13:1

Ka la dei shi sngi ha shuwa ka Jingkhawai Niam Ka Jinglait. U Jisu u la tip ba ka kynta ka la poi ban iehnoh ïa kane ka pyrthei bad ban leit sha U Kpa. U la ju ieit borabor ïa kito kiba ha ka pyrthei kiba long ki jong u hi, bad u la ieit ïa ki haduh kaba kut.

ÏOANNIS 13:36

“Ko Trai, shano men leit?” u Petros u la kylli ïa u. “Mem lah ban bud ïa nga mynta shano sha ba ngan sa leit,” U Jisu u la jubab; “hynrei hadien men sa bud ïa nga.”

ÏOANNIS 16:32

Ka por kan poi, bad ka la lah long mynta, haba ïa phi baroh yn sa pynsakma, uwei pa uwei sha la ka jong ka ïing, bad ngan shah iehnoh tang marwei. Hynrei ngam long shisha marwei, namar U Kpa u long lem bad nga.

ÏOANNIS 18:7

U Jisu u la kylli biang ïa ki, “Ïano phi ïawad?” “U Jisu uba na Nasareth,” ki la ong.

ÏOANNIS 18:9

(U la ong ïa kane khnang ba ïa kaei kaba u la lah ong kan urlong shisha: “Ko Pa, ngam shym la duh noh wat uwei ruh na kita ïa kiba me la ai ha nga.”)

1 KORINTH 10:13

Man la ka jingtynjuh kaba phi la mad ka long kata kaba ju wan ha ki briew. Hynrei U Blei u long uba bat ïa la ka kular, bad un ym shah ban tynjuh ïa phi sha palat ka bor jong phi ba phin ïoh ïaineh skhem; ha ka por ba phi shah tynjuh, un ai ha phi ïa ka bor ba phi lah ban shah ïa ka, bad kumta un thaw ïa ka lad ba phi lah ban lait na ka.

2 KORINTH 12:9

Hynrei ka jubab jong u ka la long: “Ka jingaiei jong nga ka long baroh kaba me donkam, naba ka bor jong nga ka khraw tam dei haba me tlot.” Nga kmen eh, namarkata, ban sngewsarong ha ki jingtlot jong nga, khnang ban mad ïa ka jingïada ka bor jong U Khrist halor jong nga.

EPHESOS 5:25

Ko ki shynrang, to ieit ïa la ki tnga kumba U Khrist u la ieit ïa ka balang bad u la ai ïa la ka jingim na ka bynta jong ka.

1 PETROS 5:7

To buh ha u ïa ki jingkhuslai jong phi baroh, namar u sumar sukher ïa phi.