ÏOANNIS 18:4 - Khasi CL Bible (BSI)

⁴ U Jisu u la tip ïa kaei kaei baroh ka ban sa jia ïa u, kumta u la tur sha khmat bad u la kylli ïa ki, “Ïano phi ïawad?”

KA BAIBL

⁴ U Jisu te ba u tip ïa kiei kiei baroh ki ban sa jia ha u, haba u la mih noh, u la ong ha ki, “Ïano phi ïawad?”

ÏOANNIS 18:4 ပူးပေါင်းရင်းမြစ်များ

1 SYIEM 18:10

Da U Trai uba im, U Blei jong phi, nga smai ba u syiem u la phah wad ïa phi ha baroh sawdong ki ri ka pyrthei. Haba uno uno u nongsynshar ka ri u ïathuh ba phim don ha ka ri jong u, u Ahab un dawa na uta u nongsynshar ban smai ba phi long u bym lah ban shem.

NEHEMAÏAH 6:11

Nga jubab, “Ngam dei u briew uba shait phet bad rieh. Hato phi pyrkhat ba ngan pyrshang ban pynim ïa la ka jingim da kaba rieh ha ka Templ? Ngan ym leh kumta.”

SALM 27:3

Wat lada ka kynhun shipai baroh kawei ka kerkut ïa nga, ngan ym sheptieng; wat lada ki nongshun ki tur ïaleh ïa nga, ngan ïai shaniah ha U Blei.

SALM 3:6

Ngam sheptieng ïa ki hajar ki nongshun kiba ker sawdong ïa nga na ki liang baroh.

PROBERB 28:1

Ki bymman ki phet ha bym don ba beh ïa ki, hynrei u briew uba hok u shlur kum u sing.

MATHAÏOS 16:21

Naduh kata ka por U Jisu u la sdang ban kren shai ha la ki synran, “Nga dei ban leit sha Jerusalem bad shahshitom shibun na ki tymmen ki san, ki rangbah lyngdoh bad ki nonghikai ka Hukum. Ïa nga yn pynïap, hynrei hadien lai sngi yn sa pynmihpat ïa nga.”

MATHAÏOS 26:2

“Sa ar sngi, kumba phi tip, kan long ka Jingkhawai Niam Ka Jinglait, bad ïa U Khun U Briew yn sa aiti noh ïa ka ban shah sahnarphna.”

MATHAÏOS 26:21

Katba ki dang ïabam, U Jisu u la ong, “Nga ong ha phi, uwei na phi un shetkylla ïa nga.”

MATHAÏOS 26:31

Nangta U Jisu u la ong ha ki, “Ha kane hi ka miet phi baroh phin ïaphet noh bad iehnoh ïa nga, naba ka Jingthoh Bakhuid ka ong, ‘U Blei un pynïap ïa u nongaplangbrot, bad ïa ki langbrot jong ka kynhun yn pynsakma.’

LOUKAS 24:44

Nangta u la ong ha ki, “Kine ki long kita kiei kiei kiba nga la ïathuh ha phi mynba nga dang don lem bad phi: Kaei kaei baroh kaba la thoh shaphang jong nga ha ka Hukum u Moses, ha ki jingthoh jong ki nongïathuhlypa, bad ha Ki Salm ka dei ban urlong shisha.”

ÏOANNIS 13:1

Ka la dei shi sngi ha shuwa ka Jingkhawai Niam Ka Jinglait. U Jisu u la tip ba ka kynta ka la poi ban iehnoh ïa kane ka pyrthei bad ban leit sha U Kpa. U la ju ieit borabor ïa kito kiba ha ka pyrthei kiba long ki jong u hi, bad u la ieit ïa ki haduh kaba kut.

ÏOANNIS 13:11

(U Jisu u la lah tip lypa uei u ban sa shetkylla ïa u; na kata ka daw balei u la ong, “Baroh na phi, lait noh uwei, phi long kiba khuid.”)

ÏOANNIS 18:5

“U Jisu uba na Nasareth,” ki la jubab. “Dei ma nga” u la ong. U Judas, u nongshetkylla, u la ïeng hangta ryngkat bad ki.

ÏOANNIS 18:7

U Jisu u la kylli biang ïa ki, “Ïano phi ïawad?” “U Jisu uba na Nasareth,” ki la ong.

ÏOANNIS 19:28

U Jisu u la tip ba mynta la pyndep ïa kiei kiei baroh; bad khnang ban pynlong ïa ka Jingthoh Bakhuid ban urlong shisha, u la ong, “Nga sliang.”

ÏOANNIS 6:64

Pynban don na phi ki bymngeit.” (U Jisu u la tip naduh kaba mynnyngkong kino ki dei kita ki ban ym ngeit bad uno na ki u ban shetkylla ïa u.)

KI KAM 2:28

Me la pyn-i ha nga ïa ki lynti ïaid kiba ïalam sha ka jingim, bad ka jingdon ryngkat jong me kan pyndap ïa nga da ka jingkmen.’

1 PETROS 4:1

Haba U Khrist u la shahshitom ha ka doh, phi ruh phi dei ban pynkhlaiñ ïa lade da kajuh ka jingpyrkhat kaba u la don; namar uno uno uba shahshitom ha ka doh um ïakhleh shuh bad ka pop.