ÏOANNIS 18:37 - Khasi CL Bible (BSI)

³⁷ Kumta u Pilat u la kylli ïa u, “Haba kumta, me, me dei u syiem?” U Jisu u la jubab, “Me hi me ong ba nga long u syiem. Ïa nga la kha bad nga la wan sha ka pyrthei na ka bynta kane kawei ka jingthmu, ban kren shaphang ka jingshisha. Uno uno uba dei jong ka jingshisha u shahshkor ïa nga.”

KA BAIBL

³⁷ Namar kata, u Pilat u la ong ha U, “Ma me, me long u syiem te?” U Jisu u la ïathuh, “Me ong keiñ ba nga long ma nga u syiem. Ïa kane khnang la kha ïa nga, bad ïa kane khnang nga la wan sha ka pyrthei, ba ngan ïoh phla skhem ïa ka jingshisha. Uei uei baroh uba da long na ka jong ka jingshisha, u shahshkor ïa ka ktien jong nga.”

ÏOANNIS 18:37 ပူးပေါင်းရင်းမြစ်များ

ISAÏAH 55:4

Nga la pynlong ïa u, u nongïalam bad u nongai hukum ïa ki jaitbynriew; bad lyngba jong u nga la pyn-i ha ki ïa ka bor jong nga.

MATHAÏOS 26:64

U Jisu u la jubab ïa u, “Me ong kumta. Hynrei nga ong ïa phi baroh: Naduh kane ka por phin ïohi ïa U Khun U Briew ba u da shong ha ka liang kamon jong U Bakhrawbor tam bad u da wan ha ki lyoh bneng!”

MATHAÏOS 27:11

U Jisu u la ïeng ha khmat u lyngskor ka hima Rom, uba la kylli jingkylli ïa u. “Hato me long u Syiem ki Jiw?” u la kylli. “Me ong kumta,” la jubab U Jisu.

MARKOS 14:62

“Nga long,” U Jisu u la jubab, “bad phin ïohi ïa U Khun U Briew uba shong ha ka liang kamon jong U Badonbor Baroh bad ba u wan ha ki lyoh jong ka bneng!”

MARKOS 15:2

U Pilat u la kylli jingkylli ïa u, “Me long u syiem jong ki Jiw?” U Jisu u la jubab, “Kumba me ong hi.”

LOUKAS 22:70

Baroh ki la ong, “Hato ma me, te, me long U Khun U Blei?” U la jubab ïa ki, “Phi ong ba nga long.”

LOUKAS 23:3

U Pilat u la kylli ïa u, “Hato me long u syiem ki Jiw?” “Me ong kumta,” la jubab U Jisu.

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 1:17

U Blei u la ai ïa ka hukum lyngba u Moses, hynrei ka jingaiei bad ka jingshisha ki la wan lyngba U Jisu Khrist.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 3:32

U ïathuh ïa kaei kaba u la ïohi bad la ïohsngew, pynban ym don ba pdiang ïa ka khubor jong u.

ÏOANNIS 7:17

Uno uno uba mon ban leh ïa kaei kaba U Blei u kwah, un tip la kaei kaba nga hikai ka wan na U Blei ne la nga kren ha ka bor jong nga hi.

ÏOANNIS 8:14

“Em” U Jisu u la jubab, “wat la nga phla da lade na ka bynta ïa lade, kaei kaba nga ong ka long kaba shisha, namar nga tip nangno ba nga la wan bad shano ba ngan leit. Phim tip nangno nga la wan ne shano ba ngan sa leit.

ÏOANNIS 8:45

Hynrei nga ïathuh ïa ka jingshisha, bad na kata ka daw balei ba phim ngeit ïa nga.

ÏOANNIS 8:46

Uno na phi uba lah ban pynshisha ba nga long uba shah pynrem ha ka pop? Lada nga ïathuh ïa ka jingshisha, te balei ba phim ngeit ïa nga?

ÏOANNIS 8:47

Uta uba wan na U Blei u shahshkor ïa ki ktien U Blei. Phi, pynban, phim dei na U Blei, bad dei na kata ka daw balei ba phim shahshkor.”

1 TIMOTHI 6:13

Ha khmat U Blei, uba ai jingim ïa kiei kiei baroh, bad ha khmat U Khrist Jisu, uba phla shai ïa la ka jingngeit ha khmat u Pontios Pilat, nga hukum ïa me ba men kohnguh ïa la ki hukum bad ban sumar hok ïa ki haduh kata ka Sngi haba U Jisu Khrist uba U Trai jong ngi un paw.

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 ÏOANNIS 2:21

Nga thoh sha phi, namarkata, ym namar ba phim tip ïa ka jingshisha; pynban, ka long namar ba phi da tip ïa ka, bad phi tip ruh ym don ka lamler kaba ju mihnoh na ka jingshisha.

1 ÏOANNIS 3:14

Ngi tip ba ngi la iehnoh ïa ka jingïap bad ngi la wan noh sha ka jingim; ngi tip ïa ka namar ba ngi ieit ïa la ki hynmen ki para. Uno uno u bym ieit, u dang don hi hapoh ka bor jong ka jingïap.

1 ÏOANNIS 3:19

Kane, te, ka long kumno ngin tip ba ngi long ki jong ka jingshisha; kane ka long kumno ngin sngewskhem ha khmat U Blei.

1 ÏOANNIS 4:6

Hynrei ngi, ngi long ki jong U Blei. Uno uno uba ithuh ïa U Blei, u shahshkor ïa ngi; uno uno u bym long u jong U Blei, um shahshkor ïa ngi. Kane te, ka long kumno ngi lah ban ïathuh ïa ka jingïapher hapdeng U Mynsiem ka jingshisha bad u mynsiem ka jinglamler.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

JINGPYNPAW 1:4

Na u Ïoannis sha ki hynñiew tylli ki balang ha ka probins jong ka Asia: Ka jingaiei bad ka jingsuk ïa phi na U Blei, uba long, uba la long bad u ban sa wan, bad na ki hynñiew ki mynsiem kiba ha khmat ka khet jong u,

JINGPYNPAW 3:14

“Thoh ha u angel jong ka balang ha Laodikaïa: “Kane ka long ka khubor na U Amen, uba ïaineh bad u sakhi bashisha, uba long u jingsdang jong baroh kaba U Blei u la thaw.