ÏOANNIS 18:36 - Khasi CL Bible (BSI)

³⁶ U Jisu u la ong, “Ka Hima jong nga kam long na ka jong kane ka pyrthei, lada ka hima jong nga ka la long na ka jong kane ka pyrthei, ki nongbud jong nga kin jin da la ïaleh ban ïada ïa nga na kaba aiti ha ki nongsynshar jong ki Jiw. Em, ka hima jong nga kam long hangne!”

KA BAIBL

³⁶ U Jisu u la ïathuh, “Ka hima jong nga kam long na ka jong kane ka pyrthei; lada ka hima jong nga ka la long na ka jong kane ka pyrthei, ki shakri jong nga kin da ïaleh, ba yn ym aiti noh ïa nga ha ki Jiw; hynrei, mynta, ka hima jong nga kam long nangne.”

ÏOANNIS 18:36 ပူးပေါင်းရင်းမြစ်များ

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

DANIEL 7:14

La ai ha u ka iktiar, ka jingpyndonburom, bad ka bor ba kynja syiem, khnang ba ki briew jong ki jaitbynriew baroh, ki jait ki kynja, bad ki ktien ki thylliej kin shakri ïa u. Ka iktiar jong u kan neh junom, bad ka hima jong u kan ym kut shuh.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

MATHAÏOS 26:53

Hato phim tip ba nga lah ban kyrpad jingïarap na U Kpa jong nga, bad shisyndon un da la phah palat khat-ar kynhun ki angel?

LOUKAS 12:14

U Jisu u la jubab ïa u, “Ko paralok jong nga, mano ba la ai ha nga ka bor ban bishar lane ban pynbynta ïa ka jingdon jingem hapdeng jong phi ar ngut?”

ÏOANNIS 18:35

U Pilat u la phai ktien, “Me tharai nga dei u Jiw? Dei ki briew jong me hi bad ki rangbah lyngdoh kiba la aiti ïa me sha nga. Kaei kaba me la leh?”

ÏOANNIS 6:15

U Jisu u la tip lypa ba kin sa wan bad kem ïa u khnang ban pynlong syiem ïa u da ka bor; kumta u la leit phai biang sha ki jaka lum marwei hi.

ÏOANNIS 8:15

Phi pynlong ïa ki jingbishar kat kum ka rukom briew; ngam ai jingbishar ïano ïano ruh.

Ka Shithi U Paul Sha Ki Nong Rom 14:17

Naba ka Hima U Blei kam long ha kaba bam bad kaba dih, hynrei ka long ka hok, ka jingsuk, bad ka jingkmen kiba U Mynsiem Bakhuid u ai.

1 TIMOTHI 6:13

Ha khmat U Blei, uba ai jingim ïa kiei kiei baroh, bad ha khmat U Khrist Jisu, uba phla shai ïa la ka jingngeit ha khmat u Pontios Pilat, nga hukum ïa me ba men kohnguh ïa la ki hukum bad ban sumar hok ïa ki haduh kata ka Sngi haba U Jisu Khrist uba U Trai jong ngi un paw.