ÏOANNIS 17:3 - Khasi CL Bible (BSI)

³ Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

KA BAIBL

³ Kane te ka long ka jingim bymjukut, ba kin ïoh ithuh ïa me U Blei uba shisha tang ma me hi, bad ïa U Jisu Khrist, ïa uba me la phah.

ÏOANNIS 17:3 ပူးပေါင်းရင်းမြစ်များ

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

2 KHRONIKL 15:3

Slem bah ki Israel ki la im khlem U Blei uba shisha, khlem ki lyngdoh ban hikai ïa ki, bad khlem ka hukum.

SALM 9:10

Kito kiba ithuh ïa me, A Trai, kin shaniah ha me, mem ju iehnoh ïano ïano ba wan sha me.

PROBERB 8:35

U briew uba shem ïa nga u shem ïa ka jingim, bad U Trai un sngewbha ïa u.

ISAÏAH 48:16

“Mynta to wan sha jan jong nga bad sngap ïa kaei ba nga ong. Naduh mynnyngkong nga la kren da kaba shai, bad borabor nga la pynlong ba ki ktien jong nga kin wan urlong shisha.” (Mynta U Trai Nongsynshar u la ai ha nga ïa ka bor jong u bad u la phah ïa nga.)

ISAÏAH 53:11

Hadien ka jingim ba la shahshitom, un ïoh pat ïa ka jingkmen; un tip ba um shym la shahshitom lehnoh-ei. U shakri ba la aiti lut jong nga, ha uba nga sngewbha, un shah ïa ka jingpynshitom jong kiba bun bad na ka bynta jong u ngan map ïa ki.

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

JEREMAÏAH 10:10

Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

HOSIA 6:3

To ngin ïai pyrshang ban tip ïa U Trai. Da shisha un sa wan sha ngi kum ka step phyrngab, shisha kum u slap pyrem uba ai um ïa ka khyndew.”

MARKOS 9:37

“Uno uno uba pdiang sngewbha ha ka kyrteng jong nga ïa uwei na kine ki khynnah rit, u pdiang sngewbha ïa nga; bad uno uno uba pdiang sngewbha ïa nga, u pdiang sngewbha ym tang ïa nga hynrei ïa uta ruh uba la phah ïa nga.”

LOUKAS 9:48

“Uno uno uba pdiang sngewbha ïa une u khynnah ha ka kyrteng jong nga, u pdiang sngewbha ïa nga; bad uno uno uba pdiang sngewbha ïa nga, u pdiang sngewbha ruh ïa uta uba la phah ïa nga. Naba uta uba rit tam napdeng jong phi baroh u long uba khraw tam.”

ÏOANNIS 10:36

Na ka bynta jong nga, U Kpa u la jied ïa nga bad u la phah ïa nga sha ka pyrthei. Kumno, te, phi lah ban ong ba nga krenbeiñ blei namar ba nga la ong ba nga long U Khun U Blei?

ÏOANNIS 11:42

Nga tip ba me shahshkor ïa nga borabor, hynrei nga ong ïa kane na ka bynta u paidbah hangne, ba kumta kin ngeit ba me la phah ïa nga.”

ÏOANNIS 14:26

Uta U Nongïarap, U Mynsiem Bakhuid, ïa uba U Kpa un phah ha ka kyrteng jong nga, un hikai ïa phi ïa kiei kiei baroh bad un pynkynmaw ïa baroh kaba nga la ïathuh ha phi.

ÏOANNIS 17:18

Nga la phah ïa ki sha ka pyrthei, kumba me la phah ïa nga sha ka pyrthei.

ÏOANNIS 17:21

Nga duwai ba ki baroh kin ïalong kawei. Ko Pa! To ai ba kin ïalong ha ngi, kumba me long ha nga bad ma nga ha me. To ai ba kin ïalong kawei, khnang ba ka pyrthei kan ngeit ba me la phah ïa nga.

ÏOANNIS 17:23

Ma nga ha ki bad ma me ha nga, khnang ba ka pyrthei ka lah ban tip ba me la phah ïa nga bad ba me ieit ïa ki kumba me ieit ïa nga.

ÏOANNIS 17:25

Ko Pa Bahok! Ka pyrthei kam ithuh ïa me, hynrei nga ithuh ïa me, bad kine ki tip ba me la phah ïa nga.

ÏOANNIS 17:8

Nga la ai ha ki ïa ka khubor kaba me la ai ha nga, bad ki la pdiang ïa ka; ki tip ba ka long kaba shisha ba nga la wan na me, bad ki ngeit ba me la phah ïa nga.

ÏOANNIS 3:17

Naba U Blei um shym la phah ïa la U Khun sha ka pyrthei ba un long u nongbishar jong ka, hynrei, ba un long u nongpynim jong ka.

ÏOANNIS 3:34

Uta ïa uba U Blei u la phah, u kren ïa ki ktien jong U Blei, namar ba U Blei u ai ha u ïa ka jingdap jong U Mynsiem jong u.

ÏOANNIS 5:44

Phi sngewtynnat ban ïohpdiang jingïaroh uwei na uwei pat, hynrei phim pyrshang ban ïoh ïa ka jingïaroh na uta uba ma u hi u long U Blei; kumno, te, phi lah ban ngeit ha nga?

ÏOANNIS 6:57

U Kpa uba im u la phah ïa nga, bad namar jong u nga ruh nga im. Ha kajuh ka rukom uno uno uba bam ïa nga un im namar jong nga.

ÏOANNIS 7:29

Phim ithuh ïa u; hynrei, nga ithuh ïa u, namar nga wan na u bad u la phah ïa nga.”

ÏOANNIS 8:19

“Shaei uta U Kpa jong me?” ki la kylli ïa u. “Phim ithuh ïa nga lymne ïa U Kpa jong nga,” U Jisu u la jubab. “Lada phi la ithuh ïa nga, phin jin da la ithuh ïa U Kpa jong nga ruh.”

1 KORINTH 15:34

To wan phai pat sha ka jingtipbriew bad sangeh na ki lynti bapop jong phi. Nga pynbna ba phin lehrain ba don hapdeng jong phi ki bymtip ïa U Blei.

1 KORINTH 8:4

Kumta te, shaphang kaba bam ïa ka jingbam kaba la kñia sha ki bleithaw: Ngi tip ba ka bleithaw ka ïeng na ka bynta kano kano ka bym don ei ei shisha; ngi tip ba don tang uwei U Blei.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

PHILIPPI 3:10

Baroh kaba nga kwah ka long ba ngan ithuh ïa U Khrist bad ban mad ïa ka bor ka jingmihpat jong u, ban ïoh bynta ha ki jingshahshitom jong u, bad ban long kum ma u ha ka jingïap jong u,

PHILIPPI 3:8

Ym tang ïa kita kiei kiei; nga ñiew ïa kiei kiei baroh kum ka jingduh ba-pura na ka bynta kata kaba kham kor palat, ka jingtip ïa U Jisu Khrist uba U Trai jong nga.

1 THESSALONI 1:9

Kito ki briew baroh, ki kren shaphang kumno ba phi la pdiang ïa ngi myn haba ngi la wan jngoh ïa phi, bad kumno ba phi la phai noh na ki bleithaw sha U Blei, ban shakri ïa U Blei uba shisha bad uba im

2 THESSALONI 1:8

lem bad ka ding baklang, ban pynshitom ïa kito kiba kyntait ïa U Blei bad ki bymkohnguh ïa ka Khubor Babha shaphang U Jisu uba U Trai jong ngi.

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

2 PETROS 1:2

To ai ba ka jingaiei bad ka jingsuk ba-dap pura kin long ki jong phi lyngba ka jingtip jong phi ïa U Blei bad ïa U Jisu U Trai jong ngi.

2 PETROS 1:3

Ka bor jong U Blei ka la ai ha ngi ïa kiei kiei baroh kiba ngi donkam ban im ïa ka jingim riewblei bashisha da ka jingtip jong ngi ïa uta uba la khot ïa ngi ban ïadon bynta ha ka burom bad ka jingbha jong u hi.

2 PETROS 1:8

Kine ki long ki jinglong kiba phi donkam, bad lada phi don kyrhai ïa ki, kin pynlong ïa phi kiba smat bad kiba seisoh ha ka jingtip ïa U Jisu Khrist U Trai jong ngi.

1 ÏOANNIS 1:2

Haba ïa une u jingim la pynpaw, ngi la ïohi ïa u; kumta ngi kren shaphang jong u bad ngi ïathuh ïa phi shaphang ka jingim bymjukut kaba la don bad U Kpa bad ba la pynithuh ha ngi.

1 ÏOANNIS 1:3

Ïa kaei kaba ngi la ïohi bad la ïohsngew ngi pynbna ha phi ruh, khnang ba phin ïasnoh bad ngi ha ka jingïasyllok kaba ngi don bad U Kpa lem bad U Jisu Khrist U Khun jong u.

1 ÏOANNIS 2:23

Naba uno uno uba kyntait ïa U Khun u kyntait ruh ïa U Kpa; uno uno uba pdiang ïa U Khun u don ïa U Kpa ruh.

1 ÏOANNIS 4:6

Hynrei ngi, ngi long ki jong U Blei. Uno uno uba ithuh ïa U Blei, u shahshkor ïa ngi; uno uno u bym long u jong U Blei, um shahshkor ïa ngi. Kane te, ka long kumno ngi lah ban ïathuh ïa ka jingïapher hapdeng U Mynsiem ka jingshisha bad u mynsiem ka jinglamler.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.