ÏOANNIS 17:22 - Khasi CL Bible (BSI)

²² Nga la ai ha ki ïa kajuh ka burom kaba me la ai ha nga, khnang ba kin long kawei, kumba ma me bad nga ngi long kawei.

KA BAIBL

²² Ïa kata ka burom ruh kaba me la ai ha nga; nga, nga la ai ha ki; ba kin ïoh ïalong shitylli, kumjuh kumba ngi, ngi ïalong shitylli;

ÏOANNIS 17:22 ပူးပေါင်းရင်းမြစ်များ

MARKOS 6:7

U la khot lang ïa ki khat-ar ngut ki synran bad u la phah ïa ki ar ngut ar ngut. U la ai ïa ki ka bor halor ki mynsiem bymkhuid

LOUKAS 22:30

Phin bam bad dih ha ka miej jong nga ha ka Hima jong nga, bad phin shong halor ki khet ban synshar halor ki khat-ar jait ki Israel.

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 1:16

Na ka jingdap jong ka jingaiei jong u, u la kyrkhu ïa ngi baroh, da kaba ai ha ngi ïa ka jingkyrkhu kawei hadien kawei pat.

ÏOANNIS 14:20

Haba kata ka sngi ka poi, phin sa tip ba nga long ha U Kpa jong nga bad ba ma phi ha nga, kumba nga long ha phi.

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

KI KAM 5:41

Katba ki apostol ki mihnoh na ka Dorbar, ki la kmen, namar U Blei u la ñiew ïa ki, kiba bit ban shah ïa ka jahburom na ka bynta U Jisu.

Ka Shithi U Paul Sha Ki Nong Rom 8:30

Bad kumta kito ïa kiba U Blei u la pynkyrpang, u la khot; bad ïa kito kiba u la khot, u la pynlong ka hok ïa ki bad u hi, bad u ai bynta ïa ki ha ka burom jong u.

2 KORINTH 3:18

Te, baroh na ngi, ngi phalang ïa ka burom jong U Trai da ki durkhmat ba khlem tap; bad kata kajuh ka burom, kaba wan na U Trai, uba long U Mynsiem, ka pynkylla dur ïa ngi sha ka jingïasyriem ïa u ha kata ka kyrdan kaba kham khraw jong ka burom.

2 KORINTH 5:20

Hangne ngi don, namarkata, da kaba kren na ka bynta U Khrist, la kumba U Blei hi da lade u kyrpad lyngba jong ngi. Ngi kyrpad na ka bynta U Khrist: To ai ba U Blei un pynkylla ïa phi na ki nongshun sha ki paralok jong u!

2 KORINTH 6:1

Ha ka jingtrei jong ngi lem bad U Blei, namarkata, ngi kyrpad ïa phi kiba la ïohpdiang ïa ka jingaiei U Blei ban ym pynlehnoh-ei ïa ka.

EPHESOS 2:20

Ïa phi ruh, la tei ha ka nongrim ba la buh da ki apostol bad ki nongïathuhlypa, u mawdong uba long U Khrist Jisu hi.

PHILIPPI 1:29

Naba ïa phi la ai ka lad ban shakri ïa U Khrist, ym tang ban ngeit ha u, hynrei ban shahshitom ruh na ka bynta jong u.

KOLOSSAI 1:24

Bad mynta nga kmen shaphang ki jingshahshitom jong nga na ka bynta jong phi, naba da ki jingshahshitom jong nga ha ka doh, nga ïarap ban pyndep ïa kaei kaba dang sah na ki jingshahshitom jong U Khrist na ka bynta ka balang, kaba long ka met jong u.

1 ÏOANNIS 1:3

Ïa kaei kaba ngi la ïohi bad la ïohsngew ngi pynbna ha phi ruh, khnang ba phin ïasnoh bad ngi ha ka jingïasyllok kaba ngi don bad U Kpa lem bad U Jisu Khrist U Khun jong u.

1 ÏOANNIS 3:24

Uno uno uba kohnguh ïa ki hukum jong U Blei, u ïaisah ha U Blei bad U Blei u ïaisah ha u. Bad dei namar U Mynsiem uba U Blei u la ai ha ngi, ngi tip ba U Blei u ïaisah ha ngi.

1 ÏOANNIS 4:17

Ïa ka jingieit la pynjanai noh ha ngi, ba ngin don ka jingshlur ha ka Sngi ka Jingbishar; bad ngin don ïa ka namar ka jingim jong ngi ha kane ka pyrthei ka long kumjuh kum ka jong U Khrist.

JINGPYNPAW 21:14

Ïa ka kynroh jong ka nongbah la tei halor ki khat-ar tylli ki maw nongrim, kiba halor jong ki la thoh ïa ki kyrteng jong ki khat-ar ngut ki apostol jong U Khunlangbrot.