ÏOANNIS 17:21 - Khasi CL Bible (BSI)

²¹ Nga duwai ba ki baroh kin ïalong kawei. Ko Pa! To ai ba kin ïalong ha ngi, kumba me long ha nga bad ma nga ha me. To ai ba kin ïalong kawei, khnang ba ka pyrthei kan ngeit ba me la phah ïa nga.

KA BAIBL

²¹ ba baroh kin ïalong shitylli; kum ma me, ko Kpa, ha nga, nga ruh ha me, ba ki ruh kin ïalong shitylli ha ngi; ba kata ka pyrthei kan ïoh ngeit ba la phah ma me ïa nga.

ÏOANNIS 17:21 ပူးပေါင်းရင်းမြစ်များ

JEREMAÏAH 32:39

Ngan ai ha ki ïa kawei ka jingthmu ha ka jingim: ban burom ïa nga ha ki por baroh, na ka bynta ka jingbha jong ki hi bad ka jingbha jong ki khun ki ksiew jong ki.

SEPHANAÏAH 3:9

“Nangta ngan pynkylla ïa ki briew jong ki hima, bad kin duwai tang sha nga bad ym sha kiwei pat ki blei. Ki baroh kin kohnguh ïa nga.

SEKHARAÏAH 14:9

Nangta U Trai un long u syiem jong ka pyrthei baroh; uwei pa uwei baroh un mane ïa u kum U Blei bad tip ïa u da kajuh ka kyrteng.

MARKOS 3:24

Lada ka ri ka phiah ïa lade ha ki kynhun kiba ïaleh pyrshah para ma ki, kata ka ri kan kyllon noh.

ÏOANNIS 10:16

Don kiwei pat ki langbrot ki bym dei na kane ka sem langbrot. Nga dei ban wallam ïa ki ruh; kin shahshkor ïa ka sur jong nga, bad kin ïalong kawei ka kynhun langbrot bad uwei u nongaplangbrot.

ÏOANNIS 10:30

U Kpa bad ma nga ngi long kawei.”

ÏOANNIS 10:38

Hynrei lada nga leh ïa ki, wat lada phim ngeit ïa nga, phi la dei ban ngeit ïa ki kam jong nga, khnang ba phi lah ban tip shi syn tip ba U Kpa u long ha nga bad ba nga long ha U Kpa.”

ÏOANNIS 11:42

Nga tip ba me shahshkor ïa nga borabor, hynrei nga ong ïa kane na ka bynta u paidbah hangne, ba kumta kin ngeit ba me la phah ïa nga.”

ÏOANNIS 13:32

Bad lada ïa ka burom U Blei la pynpaw lyngba jong u, te U Blei un pynpaw ïa ka burom jong U Khun U Briew ha lade, bad un leh kumta kumne kumne.

ÏOANNIS 13:35

Lada phi don ka jingieit iwei ïa iwei, te baroh kin tip ba phi long ki synran jong nga. Kumba nga la ieit ïa phi, kumta phi dei ban ieit iwei ïa iwei.”

ÏOANNIS 17:11

Bad mynta nga wan noh sha me; ngam don shuh ha kane ka pyrthei, hynrei ma ki, ki don ha ka pyrthei. Ko Pa Bakhuid! To ri kyndong ïa ki da ka bor ka kyrteng jong me, ka kyrteng kaba me la ai ha nga, ba kin ïoh long kawei kumba ma me bad nga ngi ïalong kawei.

ÏOANNIS 17:18

Nga la phah ïa ki sha ka pyrthei, kumba me la phah ïa nga sha ka pyrthei.

ÏOANNIS 17:20

“Nga duwai ym tang na ka bynta jong ki, hynrei na ka bynta kito ruh kiba ngeit ha nga namar ka khubor jong ki.

ÏOANNIS 17:25

Ko Pa Bahok! Ka pyrthei kam ithuh ïa me, hynrei nga ithuh ïa me, bad kine ki tip ba me la phah ïa nga.

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

ÏOANNIS 17:8

Nga la ai ha ki ïa ka khubor kaba me la ai ha nga, bad ki la pdiang ïa ka; ki tip ba ka long kaba shisha ba nga la wan na me, bad ki ngeit ba me la phah ïa nga.

ÏOANNIS 3:17

Naba U Blei um shym la phah ïa la U Khun sha ka pyrthei ba un long u nongbishar jong ka, hynrei, ba un long u nongpynim jong ka.

ÏOANNIS 5:23

Uno uno u bym burom ïa U Khun um burom ïa U Kpa uba la phah ïa u.

KI KAM 2:46

Na kawei ka sngi sha kawei pat ki ju ïakynduh kum ka kynhun hapoh ka Templ, bad ki ïabam jingbam lang ha ki ïing jong ki, ki da bam da ka dohnud kaba kmen bad kaba sngewrit,

KI KAM 4:32

Ka kynhun ki riewngeit ka la long ha kawei ka jingmut bad kawei ka mynsiem. Ym don uba ong ba kano kano ka jingdon jong u ba ka long ka jong u hi, hynrei baroh ki la ïasam iwei ïa iwei pat ïa kaei kaei kaba ki la don.

Ka Shithi U Paul Sha Ki Nong Rom 12:5

Ha kajuh ka rukom, wat la ngi long shibun, ngi long kawei ka met ha U Khrist, bad la pynïasoh iwei bad iwei pat kum ki dkhot bapher jong kawei ka met.

1 KORINTH 1:10

Da ka bor jong U Jisu Khrist uba U Trai jong ngi nga kyrpad ïa phi baroh, ki parabangeit jong nga, ba phin ïamynjur lang ïa kaei kaba phi ong, khnang ba yn ym don ka jingïapait hapdeng jong phi. To phin ïalong kawei, tang ha kawei ka jingpyrkhat bad kawei ka jingthmu.

1 KORINTH 12:12

U Khrist u long kum kawei ka met, kaba don shibun ki dkhot; ka long hi tang kawei ka met, wat haba la pynlong ïa ka da ki dkhot kiba ïapher.

1 KORINTH 6:17

Hynrei uta uba pynïasoh ïa lade sha U Trai u long kawei bad u ha kaba kynja mynsiem.

GALATIA 3:28

Kumta, ym don jingïapher hapdeng ki Jiw bad ki Jentil, hapdeng ki mraw bad kiba laitluid, hapdeng ki shynrang bad ki kynthei; phi baroh phi ïalong kawei ha U Khrist Jisu.

PHILIPPI 1:27

Mynta, ka bynta kaba donkam eh ka long, ba ka rukom ka jingim jong phi ka dei ban long kat kumba ka gospel U Khrist ka dawa, khnang ba, la nga lah ne ngam lah ban leit bad ïohi ïa phi, ngan ïohsngew ba phi ïeng skhem ha kawei ka jingthmu, bad kata, da kawei ka jingthrang, phi ïakhun lang na ka bynta ka jingngeit ha ka gospel.

1 ÏOANNIS 1:3

Ïa kaei kaba ngi la ïohi bad la ïohsngew ngi pynbna ha phi ruh, khnang ba phin ïasnoh bad ngi ha ka jingïasyllok kaba ngi don bad U Kpa lem bad U Jisu Khrist U Khun jong u.

1 ÏOANNIS 5:7

Ki don lai ki sakhi: U Mynsiem, ka um bad ka snam; bad kine baroh lai ki ai ïa kajuh ka jingphla.