ÏOANNIS 17:2 - Khasi CL Bible (BSI)

² Naba me la ai ha u ïa ka bor halor u bynriew baroh, khnang ba u lah ban ai ïa ka jingim bymjukut ha kito baroh ïa kiba me la ai ha u.

KA BAIBL

² kumba me la ai ha u ka bor halor ka doh baroh, ba ïa kita baroh kiba me la ai ha u, un ai ha ki ka jingim bymjukut.

ÏOANNIS 17:2 ပူးပေါင်းရင်းမြစ်များ

SALM 110:1

U Trai u la ong ha u trai jong nga, u syiem, “Shong hangne ha ka liang kamon jong nga haduh ba ngan da pyndem ïa ki nongshun jong me hapoh ki kjat jong me.”

DANIEL 7:14

La ai ha u ka iktiar, ka jingpyndonburom, bad ka bor ba kynja syiem, khnang ba ki briew jong ki jaitbynriew baroh, ki jait ki kynja, bad ki ktien ki thylliej kin shakri ïa u. Ka iktiar jong u kan neh junom, bad ka hima jong u kan ym kut shuh.

MATHAÏOS 11:27

“U Kpa jong nga u la ai ha nga ïa kiei kiei baroh. Ym don mano mano ba ithuh ïa U Khun lait tang U Kpa, bad ym don mano mano ba ithuh ïa U Kpa lait tang U Khun bad kito ha kiba U Khun u jied ban pynpaw ïa u.

MATHAÏOS 25:46

Te, ïa kine, yn phah noh sha ka jingpynshitom bymjukut, hynrei kiba hok kin leit sha ka jingim bymjukut.”

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

ÏOANNIS 17:6

“Nga la pynithuh ïa me ha kito ïa kiba me la ai ha nga na ka pyrthei. Ki la long ki jong me, bad me la ai ïa ki ha nga.

ÏOANNIS 17:9

“Nga duwai na ka bynta jong ki. Ngam duwai na ka bynta ka pyrthei hynrei na ka bynta kito ïa kiba me la ai ha nga, namar ki long ki jong me.

ÏOANNIS 3:35

U Kpa u ieit ïa la U Khun bad u la buh ïa kiei kiei baroh ha ka bor jong u.

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

ÏOANNIS 6:27

Wat trei na ka bynta ka jingbam ka ban sa sniew; pynban, trei na ka bynta ka jingbam ka ban neh sha ka jingim bymjukut. Kane ka long ka jingbam kaba U Khun U Briew un ai ha phi, namar ba U Blei uba U Kpa, u la sngewbha ban shonshab ha u.”

ÏOANNIS 6:37

Uno uno ïa uba U Kpa jong nga u ai ha nga un wan sha nga. Ngan ym kyntait ïa uno uno uba wan sha nga, namar nga la wan hiar na bneng ban leh ym ïa ka mon ka jong nga hynrei ïa ka mon jong uta uba la phah ïa nga.

ÏOANNIS 6:39

Bad ka long ka mon jong uta uba la phah ïa nga ba ngam dei ban duh noh ïa uno uno na kita baroh kiba u la ai ha nga, hynrei ba nga dei ban pynmihpat ïa ki baroh ha ka sngi kaba khatduh.

Ka Shithi U Paul Sha Ki Nong Rom 6:23

Naba ka pop ka siew ïa la ka bainong — ka jingïap; hynrei ka jingaiei jong U Blei ka long ka jingim bymjukut ha U Khrist Jisu uba U Trai jong ngi.

1 KORINTH 15:25

Naba U Khrist u dei ban synshar haduh ba U Blei un da pyndem ïa ki nongshun baroh hapoh ki kjat jong u.

EPHESOS 1:20

Kane ka bor kaba trei ha ngi ka long kajuh kum ka jingkhlaiñbor ba u pyndonkam haba u la pynmihpat ïa U Khrist na kiba ïap, bad u la pynshong ïa u sha ka kti kamon jong u ha ka pyrthei ba kynja bneng.

PHILIPPI 2:10

Bad kumta, kum ka burom ïa ka kyrteng U Jisu baroh ki jingthaw ha bneng, ha pyrthei bad ha ka pyrthei hapoh kin dem khrup ha ki khohsiew jong ki,

1 TIMOTHI 1:16

hynrei U Blei u la leh-isynei ïa nga khnang ba U Khrist Jisu un ïoh pynpaw ïa ka jingïaishah slem jong u ha kaba ïadei bad nga, uba sniew tam na kiba pop, kum ka nuksa ïa kito baroh ki ban sa ngeit ïa u hadien bad ïohpdiang ïa ka jingim bymjukut.

HEBRU 1:2

Hynrei ha kine ki sngi kiba khatduh u la kren ha ngi lyngba U Khun jong u. U la long uta da uba U Blei u la thaw ïa ka pyrthei, uta ïa uba U Blei u la jied ban long u nongïoh kynti ïa kiei kiei baroh ha kaba kut.

1 PETROS 3:22

uba la leit noh sha bneng bad u don ha ka kti kamon U Blei, da kaba synshar halor ki angel baroh bad ki nongsynshar bad ki bor ba kynja bneng.

1 ÏOANNIS 1:2

Haba ïa une u jingim la pynpaw, ngi la ïohi ïa u; kumta ngi kren shaphang jong u bad ngi ïathuh ïa phi shaphang ka jingim bymjukut kaba la don bad U Kpa bad ba la pynithuh ha ngi.

1 ÏOANNIS 2:25

Bad kane ka long kaei kaba U Khrist hi da lade u la kular ban ai ha ngi — ka jingim bymjukut.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

JUDAH 1:21

bad to ri ïa lade ha ka jingieit U Blei, da kaba ap khmih ïa U Jisu Khrist uba U Trai jong ngi ha ka jingisynei jong u ban ai ha phi ïa ka jingim bymjukut.