ÏOANNIS 17:15 - Khasi CL Bible (BSI)

¹⁵ Ngam kyrpad ba men shim noh ïa ki na ka pyrthei, hynrei nga da kyrpad ba men ri kyndong ïa ki na uta u bymman.

KA BAIBL

¹⁵ Ngam duwai ba men shim noh ïa ki na kata ka pyrthei, hynrei, ba men sumar ïa ki na u bymman.

ÏOANNIS 17:15 ပူးပေါင်းရင်းမြစ်များ

JENESIS 48:16

To u angel uba la pyllait ïa nga na ka jingsniew baroh, un kyrkhu ïa ki! To ka kyrteng jong nga, bad ka jong ki kpa jong nga, u Abraham bad u Isaak, Kan ïai im lyngba kine ki khun! To kin don bun ki khun ki kti bad ki khun ki ksiew kiba bun!”

1 KHRONIKL 4:10

Hynrei u Jabes u la duwai ha U Blei ki Israel, “To kyrkhu ïa nga, A Blei, bad ai ha nga bun ka khyndew. To long bad nga bad sumar ïa nga na kano kano kaba sniew kaba lah ban pynshitom ïa nga.” Bad U Blei u la ai ha u ïa kaei kaba u la kyrpad.

SALM 121:7

U Trai un ïada ïa phi na ka jingma baroh; un sumar kyndong ïa phi.

SALM 30:9

“Kaei kaba men ïohnong na ka jingïap jong nga? Kaei ka jingïohnong na ka jingleit jong nga sha ka jingtep? Hato ki briew ba la ïap ki lah ban ïaroh ïa me? Ki lah ne em ban pynbna ïa ka jingbha baïaineh jong me?

EKLESIASTIS 9:10

Trei shitom ha kaei kaei kaba phi leh, namar yn ym don kano kano ka jingtrei, ka jingpyrkhat, ka jingtip, ka jingstad ha ka pyrthei kiba ïap — bad kata ka dei sha kaba phi leit.

ISAÏAH 57:1

Ki briew kiba bha ki ïap, bad ym don uba sngewthuh lane wat ban suidñiew. Hynrei haba ki ïap, yn ym don jingjynjar shuh ki ban ktah ïa ki.

MATHAÏOS 5:37

Shu ong ‘Ho-oid’ lane ‘Em’ — kano kano kawei pat kaba phi ong ka wan na Uta uba Sniew.

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

LOUKAS 11:4

To map ïa ki pop jong ngi, naba ngi map ïa uwei pa uwei uba leh bakla ïa ngi. Bad wat ïalam ïa ngi sha ka jingtynjuh kaba eh.’ ”

LOUKAS 22:32

Hynrei nga la duwai na ka bynta jong me, ko Simon, ba ka jingngeit jong me kan ym duh noh. Bad haba me la wan phai pat sha nga, me dei ban pynkhlaiñ ïa ki hynmen ki para jong me.”

GALATIA 1:4

Khnang ban pyllait ïa ngi na kane ka juk basniew kaba mynta, U Khrist u la aiti ïa lade na ka bynta ki pop jong ngi, da kaba kohnguh ïa ka mon U Blei bad U Kpa jong ngi.

2 THESSALONI 3:3

Hynrei U Trai u long uba ïaineh, bad un pynshaitbor ïa phi bad ri sumar ïa phi na Uta u Basniew.

2 TIMOTHI 4:8

Bad mynta kaba ap ïa nga ka long ka bainong jong ka jingjop ïa kaba la buh beit da U Blei uba U Trai, u nongbishar bahok, u ban ai ha nga ha kata ka Sngi — ym tang ïa nga, hynrei ïa kito baroh kiba ap ïa u da ka jingieit ba un wanpaw.

1 ÏOANNIS 5:18

Ngi tip ba ym don uno uno napdeng ki khun U Blei uba ïai leh pop, naba U Khun U Blei u sumar ïa u, bad u Basniew um lah ban pynmynsaw ïa u.

1 ÏOANNIS 5:19

Ngi tip ba ngi long ki jong U Blei, wat la ka pyrthei baroh kawei ka don hapoh ka jingsynshar jong u Basniew.