ÏOANNIS 17:13 - Khasi CL Bible (BSI)

¹³ Bad mynta nga wan noh sha me, bad nga ong ïa kine kiei kiei ha ka pyrthei khnang ba kin lah ban ïoh ïa ka jingkmen jong nga ha ki dohnud jong ki ha ka jingdap pura baroh.

KA BAIBL

¹³ Hynrei, mynta ngan sa wan ha me; bad nga kren ïa kine kiei kiei ruh ha kata ka pyrthei, ba ki lah ban ïoh ïa ka jingkmen jong nga kaba la pyndap ha ki.

ÏOANNIS 17:13 ပူးပေါင်းရင်းမြစ်များ

NEHEMAÏAH 8:10

Mynta leit noh sha la ïing bad bam bad dih sngewbha. Ïasam ïa ka jingbam bad ka waiñ bad kito ki bym dap bym biang. Mynta ka sngi ka long kaba khuid ha U Trai jong ngi, kumta wat sngewsih. Ka jingkmen kaba U Trai u la ai ha phi kan pynlong khlaiñ ïa phi.”

SALM 126:5

Ai ba kito kiba ïam katba ki bet ïa ki symbai jong ki kin ïohlum ïa ka jingot ha ka jingkmen!

SALM 43:4

Te ngan leit sha ka duwan jong me, A Blei; me long ka thymmei jong ka jingkmen jong nga. Ngan tem ïa ka duitara jong nga bad rwai ka jingïaroh ïa me, A Blei, U Blei jong nga.

ÏOANNIS 13:3

U Jisu u la tip ba U Kpa u la ai ha u ïa ka bor baroh; u la tip ba u la wan na U Blei bad ba un sa leit sha U Blei.

ÏOANNIS 15:11

“Nga la ïathuh ha phi ïa kane khnang ba ka jingkmen jong nga kan ïoh long ha phi bad ba ka jingkmen jong phi kan long kaba dap pura.

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

ÏOANNIS 17:11

Bad mynta nga wan noh sha me; ngam don shuh ha kane ka pyrthei, hynrei ma ki, ki don ha ka pyrthei. Ko Pa Bakhuid! To ri kyndong ïa ki da ka bor ka kyrteng jong me, ka kyrteng kaba me la ai ha nga, ba kin ïoh long kawei kumba ma me bad nga ngi ïalong kawei.

ÏOANNIS 3:29

Ka nongleitkurim ka dei ka jong u nongleitkurim; hynrei u paralok jong u nongleitkurim, uba ïeng marsyndah bad shahshkor, u kmen haba u ïohsngew ïa ka sur jong u nongleitkurim. Kane ka long kumno ba ïa ka jingkmen jong nga la pyndap pura.

ÏOANNIS 7:33

U Jisu u la ong, “Ngan don bad phi tang shipor, bad nangta ngan sa leit noh sha uta uba la phah ïa nga.

KI KAM 13:52

Ki riewngeit ha Antiokh ki la dap da ka jingkmen bad da U Mynsiem Bakhuid.

Ka Shithi U Paul Sha Ki Nong Rom 14:17

Naba ka Hima U Blei kam long ha kaba bam bad kaba dih, hynrei ka long ka hok, ka jingsuk, bad ka jingkmen kiba U Mynsiem Bakhuid u ai.

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

1 ÏOANNIS 1:4

Ngi thoh ïa kane khnang ba ka jingkmen jong ngi kan long kaba dap pura.

2 ÏOANNIS 1:12

Nga don shibun eh ban ïathuh ha phi, hynrei ngan ym leh ïa kata ha ka kot bad ka sia; pynban, nga kyrmen ban da wan jngoh ïa phi bad ïakren markhmat bad phi, ba ka jingkmen jong ngi kan ïoh long kaba dap pura.