ÏOANNIS 17:12 - Khasi CL Bible (BSI)

¹² Mynba nga la don lem bad ki, nga la ri kyndong ïa ki da ka bor ka kyrteng jong me, ka kyrteng kaba me la ai ha nga. Nga la ïada ïa ki, bad ym don uwei ruh na ki uba la jah noh, lait tang u briew uba la dei ban jah — khnang ba ka Jingthoh Bakhuid kan urlong shisha.

KA BAIBL

¹² Mynba nga la don lem bad ki, nga la sumar ïa ki ha ka kyrteng jong me: ïa kita kiba me la ai ha nga, nga la ri kyndong, bad ym don ba la jot noh na ki, hynrei, tang uta u khun ka jingjot, ba yn ïoh pyndep ïa ka jingthoh.

ÏOANNIS 17:12 ပူးပေါင်းရင်းမြစ်များ

SALM 41:9

Wat u paralok babha tam jong nga, uta uba nga shaniah tam, uta uba ju ïadon bynta na ka jingbam jong nga, u la phai pyrshah ïa nga.

ÏOANNIS 13:18

“Ngam shym kren shaphang jong phi baroh; nga tip ïa kito kiba nga la jied. Hynrei ka Jingthoh Bakhuid ka dei ban urlong shisha, kaba ong, ‘U briew uba la ïabam lang ïa ka jingbam jong nga u phai pyrshah ïa nga.’

ÏOANNIS 17:6

“Nga la pynithuh ïa me ha kito ïa kiba me la ai ha nga na ka pyrthei. Ki la long ki jong me, bad me la ai ïa ki ha nga.

ÏOANNIS 18:9

(U la ong ïa kane khnang ba ïa kaei kaba u la lah ong kan urlong shisha: “Ko Pa, ngam shym la duh noh wat uwei ruh na kita ïa kiba me la ai ha nga.”)

ÏOANNIS 6:37

Uno uno ïa uba U Kpa jong nga u ai ha nga un wan sha nga. Ngan ym kyntait ïa uno uno uba wan sha nga, namar nga la wan hiar na bneng ban leh ym ïa ka mon ka jong nga hynrei ïa ka mon jong uta uba la phah ïa nga.

KI KAM 1:25

ban shakri kum u apostol ha ka jaka jong u Judas, uba la iehnoh ban leit sha ka jaka kaba u dei ban leit.”

PHILIPPI 2:9

Na kane ka daw U Blei u la kyntiew eh ïa u sha ka jaka kaba hajrong tam eh, bad u la ai ha u ïa ka kyrteng kaba kham khraw ban ïa kano kano kawei pat ka kyrteng.

2 THESSALONI 2:3

Wat shah ïano ïano ban shukor ïa phi ha kano kano ka rukom. Naba ka Sngi kan ym wan tad ynda ka Jingïaleh pyrshah ka jia bad ba uta Uba Sniew u mihpaw ïa uba la buh lypa na ka bynta ka dujok.

HEBRU 2:13

U ong ruh, “Ngan buh ïa la ka jingshaniah ha U Blei.” Bad u ong ruh, “Hangne nga don bad ki khun ïa kiba U Blei u la ai ha nga.”

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.

JINGPYNPAW 19:12

Ki khmat jong u ki la long kum ka thylliej ding, bad u la phong shibun ki pansngiat ha ka khlieh jong u. U la don ka kyrteng ïa kaba la thoh halor jong u ïa kaba ym don batip hynrei lait tang ma u hi.