ÏOANNIS 17:11 - Khasi CL Bible (BSI)

¹¹ Bad mynta nga wan noh sha me; ngam don shuh ha kane ka pyrthei, hynrei ma ki, ki don ha ka pyrthei. Ko Pa Bakhuid! To ri kyndong ïa ki da ka bor ka kyrteng jong me, ka kyrteng kaba me la ai ha nga, ba kin ïoh long kawei kumba ma me bad nga ngi ïalong kawei.

KA BAIBL

¹¹ Te ngam don shuh ha kata ka pyrthei, hynrei, kine ki don ha kata ka pyrthei; nga te ngan sa wan ha me. Ko Kpa Bakhuid, to ri pynim ïa ki ha ka kyrteng jong me ïa kiba me la ai ha nga, ba kin ïalong shitylli, kumba ngi, ngi long.

ÏOANNIS 17:11 ပူးပေါင်းရင်းမြစ်များ

SALM 79:9

To ïarap ïa ngi, A Blei, bad to pynim ïa ngi; to pyllait ïa ngi, bad map ïa ki pop jong ngi na ka bynta ka burom ka jong me hi.

PROBERB 18:10

U Trai u long kum ka kut baskhem, sha kaba kiba hok ki lah ban leit bad sngewshngain.

ISAÏAH 27:3

“Ngan khmih ïa ka bad ïai ai um ïa ka. Ngan ap phira ïa ka mynmiet bad mynsngi khnang ba yn ym don mano mano u ban pynsniew ïa ka.

ISAÏAH 64:2

Kin khynñiuh kum ka um ba dang shet halor ka ding kaba khluit. Ale bad pynpaw ïa ka bor jong me ha ki nongshun jong me, bad pynlong ïa ki jaitbynriew ban khynñiuh ha khmat jong me!

JEREMAÏAH 14:21

To kynmaw ïa ki jingkular jong me bad wat ñiewbeiñ ïa ngi; wat wallam ka jingjahburom halor ka Jerusalem ka jaka jong ka khet badonburom jong me. Wat pynkheiñ ïa ka jutang kaba me la pynlong bad ngi.

JEREMAÏAH 14:7

Ki briew jong nga ki kyang jam sha nga, ‘Wat la ki pop jong ngi ki pynrem ïa ngi, to ïarap ïa ngi, A Trai, kumba me la kular. Ngi la phai dien noh na me bun bunsien; ngi la leh pop pyrshah ïa me.

ESEKIEL 20:22

Hynrei ngam shym la leh kumta, naba kata kan jin da la wallam ka jingjahburom ïa ka kyrteng jong nga hapdeng ki jaitbynriew kiba la lah ïohi ïa nga ba nga ïalam ïa ki Israel shabar na ka Ijipt.

ESEKIEL 20:44

Haba nga leh ban da ïa la ka burom, ma phi ki Israel phin tip ba nga long U Trai, namar ngam shym leh ïa phi kat kum ki jingbymman jong phi, ki jingleh basniew kiba phi dei hok ban ïoh.” U Trai Nongsynshar u la kren.

ESEKIEL 20:9

Hynrei ngam shym la leh kumta, naba kata kan wallam ka jingjahburom ïa ka kyrteng jong nga, namar ha ka jingdon ryngkat jong ki briew ha kiba hapdeng jong ki, ki shong ki sah nga la lah pynbna ha ki Israel ba nga ngan ïalam noh ïa ki na Ijipt.

MATHAÏOS 10:16

“To shahshkor! nga phah noh ïa phi kum ki langbrot sha ka kynhun ki suri. Phi dei ban phikir kum ki bseiñ bad kiba jemnud kum ki paro.

MATHAÏOS 5:48

Phi dei ban long kiba janai — kumba U Kpa jong phi uba ha bneng u long uba janai!

MATHAÏOS 6:9

Kane keiñ, ka long kumno phi dei ban duwai: “ ‘Ko Kpa jong ngi uba ha bneng: Ai ba ka kyrteng bakhuid jong me kan long kaba la pyndonburom;

ÏOANNIS 13:1

Ka la dei shi sngi ha shuwa ka Jingkhawai Niam Ka Jinglait. U Jisu u la tip ba ka kynta ka la poi ban iehnoh ïa kane ka pyrthei bad ban leit sha U Kpa. U la ju ieit borabor ïa kito kiba ha ka pyrthei kiba long ki jong u hi, bad u la ieit ïa ki haduh kaba kut.

ÏOANNIS 13:3

U Jisu u la tip ba U Kpa u la ai ha u ïa ka bor baroh; u la tip ba u la wan na U Blei bad ba un sa leit sha U Blei.

ÏOANNIS 14:20

Haba kata ka sngi ka poi, phin sa tip ba nga long ha U Kpa jong nga bad ba ma phi ha nga, kumba nga long ha phi.

ÏOANNIS 16:28

Nga la wan na U Kpa, bad nga la wan sha ka pyrthei; bad mynta ngan sa iehnoh ïa ka pyrthei bad ngan leit sha U Kpa.”

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

ÏOANNIS 17:23

Ma nga ha ki bad ma me ha nga, khnang ba ka pyrthei ka lah ban tip ba me la phah ïa nga bad ba me ieit ïa ki kumba me ieit ïa nga.

ÏOANNIS 17:25

Ko Pa Bahok! Ka pyrthei kam ithuh ïa me, hynrei nga ithuh ïa me, bad kine ki tip ba me la phah ïa nga.

ÏOANNIS 17:6

“Nga la pynithuh ïa me ha kito ïa kiba me la ai ha nga na ka pyrthei. Ki la long ki jong me, bad me la ai ïa ki ha nga.

ÏOANNIS 7:33

U Jisu u la ong, “Ngan don bad phi tang shipor, bad nangta ngan sa leit noh sha uta uba la phah ïa nga.

KI KAM 3:21

U dei ban don ha bneng tad ynda ka poi ka por ha kaba yn thaw thymmai kiei kiei baroh, kumba U Blei u la pynbna lyngba ki nongïathuhlypa bakhuid jong u kiba la im slem bah mynshuwa.

Ka Shithi U Paul Sha Ki Nong Rom 12:5

Ha kajuh ka rukom, wat la ngi long shibun, ngi long kawei ka met ha U Khrist, bad la pynïasoh iwei bad iwei pat kum ki dkhot bapher jong kawei ka met.

Ka Shithi U Paul Sha Ki Nong Rom 9:17

Naba ka Jingthoh Bakhuid ka ong ïa u syiem ka Ijipt, “Nga la pynlong syiem ïa me khnang ban pyndonkam ïa me ban pyn-i ïa ka bor jong nga bad ban pynphriang ïa ka nam jong nga ha ka pyrthei baroh kawei.”

1 KORINTH 1:10

Da ka bor jong U Jisu Khrist uba U Trai jong ngi nga kyrpad ïa phi baroh, ki parabangeit jong nga, ba phin ïamynjur lang ïa kaei kaba phi ong, khnang ba yn ym don ka jingïapait hapdeng jong phi. To phin ïalong kawei, tang ha kawei ka jingpyrkhat bad kawei ka jingthmu.

GALATIA 3:28

Kumta, ym don jingïapher hapdeng ki Jiw bad ki Jentil, hapdeng ki mraw bad kiba laitluid, hapdeng ki shynrang bad ki kynthei; phi baroh phi ïalong kawei ha U Khrist Jisu.

EPHESOS 4:4

Don tang kawei ka met bad uwei U Mynsiem, kumba don tang kawei ka jingkyrmen sha kaba U Blei u la khot ïa phi.

PHILIPPI 2:9

Na kane ka daw U Blei u la kyntiew eh ïa u sha ka jaka kaba hajrong tam eh, bad u la ai ha u ïa ka kyrteng kaba kham khraw ban ïa kano kano kawei pat ka kyrteng.

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

HEBRU 9:24

Namar U Khrist um shym la leit rung shapoh ka Jaka kaba Kyntang Tam ba la shna da u briew, kaba long tang ka jingpyrthuh bud ïa kata kaba shisha. U la rung shapoh ka bneng hi, ha kaba mynta u mihkhmat na ka bynta jong ngi ha ka jingdon ryngkat U Blei.

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.

1 PETROS 1:5

Ki long na ka bynta jong phi, kiba da ka jingngeit la ri kyndong da ka bor U Blei ïa ka jingpynim kaba la pynkhreh ban sa pynpaw ha kaba kut jong ka por.

1 ÏOANNIS 3:12

Ngim dei ban long kum u Kain; u la long jong u Basniew bad u la pynïap ïa u Abel, u para jong u. Balei u Kain u la pynïap ïa u? Namar kiei kiei kiba u la leh da lade hi ki la long ki bym dei, hynrei kiei kiei kiba u para jong u, u la leh ki la long kiba dei.

1 ÏOANNIS 5:19

Ngi tip ba ngi long ki jong U Blei, wat la ka pyrthei baroh kawei ka don hapoh ka jingsynshar jong u Basniew.

JUDAH 1:1

Na u Judah, u shakri jong U Jisu Khrist, bad u para jong u Jakob — Sha kito kiba la khot da U Blei, kiba im hapoh ka jingieit jong U Blei U Kpa bad ha ka jingsumar U Jisu Khrist:

JUDAH 1:24

Ha uta uba lah ban ri kyndong ïa phi na ka jinghap noh, bad ban wallam ïa phi kiba khlem jingduna bad kiba kmen ha khmat ka burom ka jingdon ryngkat jong u —

JINGPYNPAW 15:4

Uei u ban ym ïeng ha ka jingtiengburom ïa me, A Trai? Uei u ban kyntait ban pynbna ïa ka jingkhraw jong me? Tang ma me hi uba khuid. Baroh ki jaitbynriew kin wan bad mane ïa me, namar ïa ki jingleh bahok jong me la ïohi da baroh.”

JINGPYNPAW 19:12

Ki khmat jong u ki la long kum ka thylliej ding, bad u la phong shibun ki pansngiat ha ka khlieh jong u. U la don ka kyrteng ïa kaba la thoh halor jong u ïa kaba ym don batip hynrei lait tang ma u hi.

JINGPYNPAW 4:8

Baroh kita ki saw tylli ki jingthaw ba-im, ki don mar hynriew tylli ki thapniang, bad ïa ki la tap da ki khmat, shapoh bad shabar. Mynsngi bad mynmiet kim ju sangeh noh na kaba rwai: “Bakhuid, bakhuid, bakhuid, long U Trai U Blei Badonbor Baroh, Uba la long, uba long bad u ban sa wan.”