ÏOANNIS 17:1 - Khasi CL Bible (BSI)

¹ Hadien ba U Jisu u la dep ong ïa kane, u la khmied sha bneng bad u la ong, “Ko Pa, ka kynta ka la poi. To ai ka burom ïa la U Khun, ba U Khun un ïoh ban ai ka burom ïa me.

KA BAIBL

¹ Ïa kine kiei kiei ruh U Jisu u la kren; bad u la khmied la ki khmat sha bneng, bad u la ong, “Ko Kpa, kata ka por ka la jia; to pyndonburom ïa U Khun jong me, ba uta U Khun ruh un ïoh pyndonburom ïa me:

ÏOANNIS 17:1 ပူးပေါင်းရင်းမြစ်များ

SALM 123:1

A Trai, sha me nga khmied, sha bneng shajrong, ha kaba me synshar.

ISAÏAH 38:14

Ka sur jong nga ka rit bad tlot, bad nga ud kum ka paro. Ki khmat jong nga ki la thait na kaba khmied sha bneng. A Trai, pyllait im ïa nga na kane ka jingjynjar baroh.

MARKOS 14:41

Haba u la wan pat ha ka sien kaba lai, u la ong ïa ki, “Hato phi dang ïohthiah bad dang shongthait? Ka la biang! Ka kynta ka la poi! Khmih, ïa U Khun U Briew yn ai noh mynta ha ka bor jong ki briew kiba pop.

LOUKAS 18:13

“Hynrei u nonglum khajna u la ïeng ha pajih bad um shym khmied la ka durkhmat sha bneng, hynrei u ïai tied ïa la ka shadem bad u la ong, ‘A Blei, to isynei ïa nga, u nongpop!’

LOUKAS 22:53

Nga la don bad phi ha ka Templ man ka sngi, bad phim shym la pyrshang ban kem ïa nga. Hynrei kane ka dei ka kynta jong phi ban leh, haba ka bor jong ka jingdum ka synshar.”

ÏOANNIS 11:4

Haba U Jisu u la ïohsngew ïa kata, u la ong, “Kaba kut jong kane ka jingpang kan ym dei ka jingïap jong u Lasaros; kane ka la jia khnang ban wallam ka burom ïa U Blei, bad kan long ka lad ha kaba U Khun U Blei un ïohpdiang ïa ka burom.”

ÏOANNIS 11:41

Ki la pyntyllun noh ïa uta u mawkhang. U Jisu u la khmied shajrong bad u la ong, “Nga ainguh ïa me, ko Kpa, ba me shahshkor ïa nga.

ÏOANNIS 12:23

U Jisu u la jubab ïa ki, “Ka kynta ka la poi mynta ïa U Khun U Briew ban ïohpdiang ïa ka burom kaba khraw.

ÏOANNIS 13:1

Ka la dei shi sngi ha shuwa ka Jingkhawai Niam Ka Jinglait. U Jisu u la tip ba ka kynta ka la poi ban iehnoh ïa kane ka pyrthei bad ban leit sha U Kpa. U la ju ieit borabor ïa kito kiba ha ka pyrthei kiba long ki jong u hi, bad u la ieit ïa ki haduh kaba kut.

ÏOANNIS 16:32

Ka por kan poi, bad ka la lah long mynta, haba ïa phi baroh yn sa pynsakma, uwei pa uwei sha la ka jong ka ïing, bad ngan shah iehnoh tang marwei. Hynrei ngam long shisha marwei, namar U Kpa u long lem bad nga.

ÏOANNIS 7:30

Te ki la pyrshang ban kem ïa u, hynrei ym don uba la ktah kti ïa u, namar ba ka kynta jong u kam pat poi.

ÏOANNIS 7:39

U Jisu u la kren ïa kane shaphang U Mynsiem, uba kito kiba la ngeit ha u kin ïohpdiang. Ha kata ka por ïa U Mynsiem ym pat shym la ai, namar ïa U Jisu ym pat shym la kyntiew sha ka burom.

ÏOANNIS 8:20

U Jisu u la kren ïa kane baroh katba u dang hikai ha ka Templ, ha ka kamra ha kaba la buh ïa ki synduk pdiang jingainguh. Bad ym don mano mano ba la kem ïa u, namar ba ka kynta jong u kam pat poi.

KI KAM 3:13

U Blei jong u Abraham, u Isaak, bad jong u Jakob, U Blei ki kpa tymmen jong ngi, u la ai ïa ka burom ba kynja blei ha U Jisu u shakri jong u. Hynrei phi la aiti ïa u ha ki bor synshar, bad phi la kyntait ïa u ha khmat u Pilat, wat hadien ba u Pilat u la rai ban pyllait noh ïa u.

1 PETROS 1:21

Da u, phi ngeit ha U Blei, uba la pynmihpat ïa u na ka jingïap bad la ai ha u ïa ka burom; bad kumta ïa ka jingngeit bad ka jingkyrmen jong phi la pynskhem ha U Blei.