ÏOANNIS 16:8 - Khasi CL Bible (BSI)

⁸ Bad haba un wan, un pynshisha ïa briew jong ka pyrthei ba ki bakla shaphang ka pop bad shaphang kaei kaba dei bad shaphang ka jingbishar jong U Blei.

KA BAIBL

⁸ Te ynda u la wan ma u, un pynkynduh ïa ka pyrthei shaphang ka pop, bad shaphang ka hok, bad shaphang ka jingbishar de:

ÏOANNIS 16:8 ပူးပေါင်းရင်းမြစ်များ

LEBITIKOS 13:12

Lada kata ka jingpang 'ñiangthohlieh ka la pur ha ka met jong u naduh khlieh haduh kjat,

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

ÏOANNIS 16:7

Hynrei nga ïathuh ha phi ïa ka jingshisha: Ka kham bha ïa phi ba nga leit noh, namar lada ngam leit noh, U Nongïarap un ym wan sha phi. Hynrei lada nga leit noh, te ngan phah ïa u sha phi.

ÏOANNIS 16:9

Ki bakla shaphang ka pop, namar ba kim shym la ngeit ha nga;

ÏOANNIS 8:46

Uno na phi uba lah ban pynshisha ba nga long uba shah pynrem ha ka pop? Lada nga ïathuh ïa ka jingshisha, te balei ba phim ngeit ïa nga?

ÏOANNIS 8:9

Haba ki la ïohsngew ïa kane, baroh ki la phet, uwei hadien uwei, nyngkong kiba kham rangbah. U Jisu u la sah marwei, lem bad kata ka briew kaba shu ïeng hangta.

KI KAM 2:37

Haba ki paidbah ki la ïohsngew ïa kane, ki la khuslai shikatdei eh bad ki la ong ha u Petros bad ha kiwei pat ki apostol, “Kaei kaba ngin leh, ko para?”

1 KORINTH 14:24

Hynrei lada uwei pa uwei u pynbna ïa ka khubor U Blei haba u bymngeit ne u riewpaidbah u rung hapoh, un ïoh jingkynduh ïa la ki pop da kaei kaba u ïohsngew.

JUDAH 1:15

ban wallam ïa ka jingbishar ha baroh, ban pynrem ïa ki baroh na ka bynta ki kam bymriewblei ba ki la leh bad na ka bynta ki ktien ba sngewtriem kiba ki nongpop ba khlem blei ki la kren pyrshah ïa u!”