ÏOANNIS 16:33 - Khasi CL Bible (BSI)

³³ Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

KA BAIBL

³³ Nga la kren ïa kine kiei kiei ruh ha phi, ba phin ïoh ka jingsuk ha nga; ha kata ka pyrthei phin ïoh ka jynjar, hynrei, to long shlur phi! nga, nga la jop ïa kata ka pyrthei.”

ÏOANNIS 16:33 ပူးပေါင်းရင်းမြစ်များ

SALM 68:18

U kiew sha kiba kynjang, u da ïalam bad u shibun ki koidi; u pdiang ki jingai sngewbha na ki briew kiba ïeng ïaleh pyrshah. U Trai U Blei un ïoh shong hangta.

MIKAH 5:5

Haba ki Assyria ki hiarthma ïa ka ri jong ngi bad tur lyngba ki jingïada jong ngi, ngin phah ïa ki nongïalam bakhlaiñ tam ban ïaleh ïa ki.

MATHAÏOS 9:2

ha kaba katto katne ki briew ki la wallam sha u ïa u briew uba ïapshiliang, uba thiah ha ka jingthiah. Haba U Jisu u la ïohi haduh katno ka jingngeit ki don, u la ong ha u briew uba ïapshiliang, “To long shlur, ko khun jong nga! Ïa ki pop jong me la map.”

LOUKAS 19:38

“U Blei u kyrkhu ïa u syiem uba wan ha ka kyrteng jong U Trai! Ka jingsuk ha ki bneng bad ka burom ïa U Blei!”

LOUKAS 2:14

“Ka burom ïa U Blei ha ki bneng kiba hajrong tam, bad ka jingsuk ha ka pyrthei ha kito kiba u sngewbha!”

ÏOANNIS 12:31

Mynta ka dei ka por ba ïa kane ka pyrthei yn bishar; mynta ïa u nongsynshar jong kane ka pyrthei yn pynhiar khet.

ÏOANNIS 14:1

“Wat sngewkhuslai bad sngewdiaw,” U Jisu u la ong ha ki. “To ngeit ha U Blei bad to ngeit ha nga ruh.

ÏOANNIS 14:27

“Ïa ka jingsuk nga iehnoh ha phi, ïa ka jingsuk jong nga hi, nga ai ha phi. Ngam ai ïa ka kumba ka pyrthei ka ai. Wat sngewkhuslai bad sngewdiaw; wat sngewsheptieng.

ÏOANNIS 16:11

bad ki bakla shaphang ka jingbishar, namar ba ïa u nongsynshar jong kane ka pyrthei la lah bishar.

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

KI KAM 23:11

Ha kata ka miet U Trai u la ïeng hajan u Paul bad u la ong, “Wat sheptieng! Me la ai ka jingsakhi na ka bynta jong nga hangne ha Jerusalem, bad me dei ban leh kumjuh ruh ha Rom.”

KI KAM 27:22

Hynrei mynta nga kyrpad ïa phi, to long shlur! Ym don uwei ruh na phi u ban duh ïa la ka jingim, hynrei yn duh tang ka lieng.

KI KAM 27:25

Kumta, ko ki rangbah, to sngew shlur! Naba nga shaniah ha U Blei ba kan long thik kumba la ïathuh ha nga.

KI KAM 9:31

Bad kumta ka la long ba ka balang ha kylleng ka Judia, Galilaïa bad Samaria ka la ïoh shongsuk. Da ka jingïarap jong U Mynsiem Bakhuid la pynshaitbor ïa ka bad ka la nang san ha ka jingbun briew, haba ka ïaid ha ka jingsheptieng ïa U Trai.

2 KORINTH 1:3

To ngin ai ka jingnguh sha U Blei bad U Kpa jong U Jisu Khrist uba U Trai jong ngi, U Kpa ba-dap da jingisynei, U Blei na uba ka jingïarap baroh ka wan!

2 KORINTH 13:11

Bad mynta, ko parabangeit jong nga, khublei! To ïabeh sha ka jingjanai; to shahshkor ïa ki jingkyrpad jong nga, to don kajuh ka jingmut para ma phi, to ïa-im ha ka jingsuk. Bad U Blei ka jingieit bad ka jingsuk un long ryngkat bad phi.

2 KORINTH 2:14

Hynrei ki jingnguh ki long sha U Blei! Naba ha U Khrist ngi long borabor kiba la ïalam da U Blei kum ki koidi ha ka jingïaid lynti ka jingjop U Khrist. U Blei u pyndonkam ïa ngi ba kata ka jingtip ïa U Khrist kan saphriang kylleng kum ka jingiwbih.

2 KORINTH 4:7

Pynban ma ngi kiba don ïa kane ka jingkynshew kaba kynja mynsiem ngi long kum ki khiew khyndew, khnang ban pyn-i ba ka bor kaba halor tam ka long ka jong U Blei, ym ka jong ngi.

2 KORINTH 6:4

Pynban, ha kiei kiei baroh kiba ngi leh ngi pyn-i ba ngi long ki shakri U Blei da kaba ïaishah slem ha ki jingjynjar, ki jingeh, bad ki jingshitom.

2 KORINTH 7:4

Nga sngewthikna katta katta ïa phi; nga sngewsarong na ka bynta jong phi! Ha ki jingjynjar jong ngi baroh nga dang dap hi da ka jingshlur; nga shlei da ka jingkmen.

GALATIA 1:4

Khnang ban pyllait ïa ngi na kane ka juk basniew kaba mynta, U Khrist u la aiti ïa lade na ka bynta ki pop jong ngi, da kaba kohnguh ïa ka mon U Blei bad U Kpa jong ngi.

GALATIA 6:14

Pynban, na ka bynta jong nga, ngan sngewsarong tang shaphang ka diengphna U Jisu Khrist uba U Trai jong ngi; naba da ka diengphna jong u, ka pyrthei ka la ïap ïa nga, bad nga la ïap ïa ka pyrthei.

PHILIPPI 4:7

Bad ka jingsuk U Blei kaba palat ïa ka jingshemphang briew baroh, kan ri jai jai ïa ki dohnud jong phi, bad ïa ki jingmut jong phi ha U Khrist Jisu.

KOLOSSAI 1:20

Da U Khun, te, U Blei u la kut jingmut ban wallam pat ïa ka jingpynlong baroh kawei sha lade hi. U Blei u la pynïasuk da ka jingïap U Khun jong u kum ka jingkñia halor ka diengphna bad kumta u la wallam pat sha lade hi ïa kiei kiei baroh, kiba ha ka pyrthei bad kiba ha bneng.

1 THESSALONI 3:4

Naba mynba ngi dang ïadon lem bad phi, ngi la ïathuh shuwa ba ngin sa shah pynshitom beiñ; bad kumba phi tip kham bha, dei kata hi keiñ ka long kaei kaba la jia thik.

1 THESSALONI 3:7

Kumta, ha ki jingjynjar bad jingshahshitom jong ngi baroh, la pynshlur ïa ngi da ma phi, ko parabangeit. Ka dei ka jingngeit jong phi kaba la pynshlur ïa ngi,

2 THESSALONI 3:16

To ai ba U Trai hi, uba long ka tyllong jong ka jingsuk jong ngi, un ai ha phi ka jingsuk ha ki por baroh bad ha ka jingim jong phi baroh. U Trai un long lem bad phi baroh.

2 TIMOTHI 3:12

Baroh kiba kwah ban im ïa ka jingim bariewblei ha U Khrist Jisu kin shah pynshitom;

HEBRU 11:25

U la kham jied ban shahshitom bad ki briew jong U Blei ban ïa kaba lehkmen ha ka pop katto katne por.

HEBRU 7:2

bad u Abraham u la ai ïa u kawei-na-kaba-shiphew na baroh kaba u la lum, (ka jingmut kaba nyngkong jong ka kyrteng u Melkhisedek ka long “U syiem jong ka hok;” bad namar ba u la long u syiem jong ka Salem, ka kyrteng jong u ruh ka mut “U syiem jong ka Jingsuk.”)

1 PETROS 5:9

To long kiba skhem ha ka jingngeit jong phi bad to ïaleh pyrshah ïa u, namar phi tip ba ki parabangeit jong phi ha ka pyrthei baroh ki ïaid lyngba ïa kajuh ka rukom shahshitom.

1 ÏOANNIS 2:13

Nga thoh sha phi, ko ki kpa, namar phi ithuh ïa u uba la long naduh kaba mynnyngkong. Nga thoh sha phi, ko ki khun samla, namar phi la jop noh thiaw ïa Uta u Basniew.

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.

1 ÏOANNIS 5:4

namar man u khun U Blei u lah ban jop noh thiaw ïa ka pyrthei. Bad ngi ïoh ïa ka jingjop halor ka pyrthei lyngba ka jingngeit jong ngi.

JINGPYNPAW 12:11

Ki hynmen ki para jong ngi ki la ïoh ka jingjop halor jong u da ka snam jong U Khunlangbrot bad da ka jingshisha kaba ki la pynbna; bad ki la mon bad aiti ïa la ka jingim bad ban ïap.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.

JINGPYNPAW 7:14

Nga la jubab ïa u, “Ngam tip, ko kynrad. Phi te phi tip.” U la ong ha nga, “Kine ki long ki briew kiba la lait na kata ka jingpynshitom kaba triem. Ki la sait ïa la ki jaiñkup bad ki la pynlieh ïa ki da ka snam jong uta U Khunlangbrot.

NONGBISHAR 3:2

U la leh ïa kane khnang ban hikai ïa kawei pa kawei ka pateng jong ki Israel shaphang ka thma, khamtam ïa kito ki bym pat ju mad ïa ka thma mynshuwa.