ÏOANNIS 16:3 - Khasi CL Bible (BSI)

³ Ki briew kin leh ïa kine kiei kiei ïa phi namar ba kim pat ithuh ïa U Kpa lymne ïa nga.

KA BAIBL

³ Te ïa kine kiei kiei ruh, kin leh ïa phi, naba kim ithuh ïa U Kpa, lymne ïa nga.

ÏOANNIS 16:3 ပူးပေါင်းရင်းမြစ်များ

LOUKAS 10:22

“U Kpa jong nga u la ai ha nga ïa kiei kiei baroh. Ym don batip U Khun u long uei lait tang U Kpa, bad ym don batip U Kpa u long uei lait tang U Khun bad kito ha kiba U Khun u jied ban pynpaw ïa U.”

ÏOANNIS 15:21

Hynrei kin leh ïa kane baroh ïa phi namar ba phi long ki jong nga; naba kim ithuh ïa uta uba la phah ïa nga.

ÏOANNIS 15:23

Uno uno uba shun ïa nga u shun ïa U Kpa jong nga ruh.

ÏOANNIS 17:25

Ko Pa Bahok! Ka pyrthei kam ithuh ïa me, hynrei nga ithuh ïa me, bad kine ki tip ba me la phah ïa nga.

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

ÏOANNIS 8:19

“Shaei uta U Kpa jong me?” ki la kylli ïa u. “Phim ithuh ïa nga lymne ïa U Kpa jong nga,” U Jisu u la jubab. “Lada phi la ithuh ïa nga, phin jin da la ithuh ïa U Kpa jong nga ruh.”

ÏOANNIS 8:55

Phim pat ju ithuh ïa u, hynrei nga ithuh ïa u. Lada nga la ong ba ngam ithuh ïa u, ngan long u nongshukor kum ma phi. Hynrei nga ithuh ïa u, bad nga kohnguh ïa ka ktien jong u.

KI KAM 3:17

“Bad mynta, ko hynmen ko para jong nga, nga tip ba kaei kaba ma phi bad ki nongïalam jong phi, phi la leh ïa U Jisu ka long namar ka jingbymtip jong phi.

1 KORINTH 2:8

Ym don uwei ruh na ki nongsynshar jong kane ka pyrthei, uba la tip ïa kane ka jingstad. Lada ki la tip ïa ka, kin ym da la sahnarphna ïa U Trai ka burom.

2 THESSALONI 1:8

lem bad ka ding baklang, ban pynshitom ïa kito kiba kyntait ïa U Blei bad ki bymkohnguh ïa ka Khubor Babha shaphang U Jisu uba U Trai jong ngi.

1 TIMOTHI 1:13

Hynrei U Blei u la leh-isynei ïa nga namar ngam pat shym la don ka jingngeit bad kumta ngam shym tip ïa kaei kaba nga la leh.

1 ÏOANNIS 2:23

Naba uno uno uba kyntait ïa U Khun u kyntait ruh ïa U Kpa; uno uno uba pdiang ïa U Khun u don ïa U Kpa ruh.

1 ÏOANNIS 3:1

Ha khmih haduh katno U Kpa u la ieit ïa ngi! Ka jingieit jong u ka long kaba khraw katta katta ba ïa ngi la khot ki khun U Blei — bad kumta, ha ka jingshisha, ngi long. Dei kane ba balei ka pyrthei kam ithuh ïa ngi: Kam pat la ithuh ïa U Blei.

1 ÏOANNIS 4:8

Uno uno u bym ieit, um ithuh ïa U Blei, naba U Blei u long ka jingieit.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.