ÏOANNIS 16:22 - Khasi CL Bible (BSI)

²² Kumta kan long bad phi: Mynta phi ïasngewsih, hynrei ngan sa wan khmih pat ïa phi, bad ki dohnud jong phi kin dap da ka jingkmen; ka jingkmen kaba yn ym don uba lah ban shim noh na phi.

KA BAIBL

²² Kumta, ma phi ruh, phi don ka jingsngewsih shisha mynta, hynrei, ngan wan-i ïa phi pat, bad ka dohnud jong phi kan sngewkmen, bad ïa kata ka jingkmen jong phi ym don u ban shim noh na phi.

ÏOANNIS 16:22 ပူးပေါင်းရင်းမြစ်များ

Ka Kitab U Job 34:29

Lada U Blei u rai ban nym leh ei ei ruh, ym don uno uno uba lah ban wad daw ïa u. Lada u buhrieh ïa ka khmat jong u, ki briew kin long kiba khlem ïoh jingïarap.

SALM 146:2

Ngan ïaroh ïa u katba nga dang im; ngan rwai ha U Blei jong nga baroh shi lynter ka jingim jong nga.

SALM 33:21

Ngi la kmen namar jong u, ngi shaniah ha ka kyrteng bakhuid jong u.

ISAÏAH 25:9

Haba kane kan jia, baroh kin ong, “U long U Blei jong ngi! Ngi la buh ïa ka jingshaniah jong ngi ha u, bad u la pyllait im ïa ngi. U long U Trai! Ngi la buh ïa ka jingshaniah ha u, bad mynta ngi kmen namar ba u la pynim ïa ngi.”

JEREMAÏAH 31:12

Kin wan bad rwai da ka jingkmen ha u lum Seïon bad kin kmen ha ki jingai sngewbha jong nga — ki jingai sngewbha da u kew bad ka waiñ bad ka umphniang Olib, ki jingai sngewbha da ki langbrot bad ki masi. Kin long kum ka kper bad la ai um bha; kin don baroh kat kaba ki donkam.

MATHAÏOS 28:8

Kumta ki la mihnoh ha ka jingkyrkieh na ka jingtep, da ka jingsheptieng bad pynban kiba la pyndap da ka jingkmen, bad ki la mareh ban ïathuh ha ki synran jong u.

LOUKAS 10:42

hynrei, tang kawei kaba donkam. Ka Mari ka la jied ïa kaei kaba dei, bad yn ym shim noh ïa kata na ka.”

LOUKAS 16:25

“Hynrei, u Abraham u la ong, ‘To kynmaw, ko khun jong nga, ba ha ka por ka jingim jong me la ai ha me ïa baroh kiei kiei kiba bha, katba u Lasaros u la ïohpdiang ïa kiei kiei baroh kiba sniew. Hynrei mynta u lehkmen ïa lade hangne, katba me don ha ka jingshitom.

LOUKAS 19:26

‘Nga ong ha phi,’ u la jubab, ‘ba ha uno uno u briew uba don ei ei, yn ai kham bun shuh shuh; hynrei ha u briew u bym don ei ei, wat ïa kaba rit kaba u don yn shim noh na u.

LOUKAS 24:41

Kim pat lah hi ban ngeit, ki la shlei da ka jingkmen bad ka jingphylla; kumta u la kylli ïa ki, “Phi don ei ei hangne ban bam?”

ÏOANNIS 14:1

“Wat sngewkhuslai bad sngewdiaw,” U Jisu u la ong ha ki. “To ngeit ha U Blei bad to ngeit ha nga ruh.

ÏOANNIS 14:19

Sa tang shipor ka pyrthei kan ym ïohi shuh ïa nga, hynrei phin ïohi ïa nga; bad namar ba nga im, phi ruh phin ïoh im.

ÏOANNIS 14:27

“Ïa ka jingsuk nga iehnoh ha phi, ïa ka jingsuk jong nga hi, nga ai ha phi. Ngam ai ïa ka kumba ka pyrthei ka ai. Wat sngewkhuslai bad sngewdiaw; wat sngewsheptieng.

ÏOANNIS 16:16

“Sa tang shipor phin ym ïohi shuh ïa nga, bad nangta sa shipor hadien phin sa ïohi ïa nga.”

ÏOANNIS 16:20

Nga ong ha phi ïa ka jingshisha: Phin ïam bad phin ïamkthang, hynrei, ka pyrthei kan shadkmen; phin ïasngewsih, hynrei ka jingsngewsih jong phi kan kylla sha ka jingkmen.

ÏOANNIS 16:6

Bad mynta ba nga la ïathuh ïa phi, ki dohnud jong phi ki la dap da ka jingsngewsih.

ÏOANNIS 21:7

U synran ïa uba U Jisu u ieit u la ong ha u Petros, “U dei U Trai!” Haba u Petros u la ïohsngew ba dei U Trai, u tap da ka jaiñ ïa la ka met (naba u la loit noh ïa la ki jaiñphong) bad u la ryngkoh shapoh um.

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

KI KAM 13:52

Ki riewngeit ha Antiokh ki la dap da ka jingkmen bad da U Mynsiem Bakhuid.

KI KAM 16:25

Kumba shiteng synñia, u Paul bad u Silas ki dang duwai bad rwai ki jingrwai ïaroh ïa U Blei bad kiwei pat ki koidi ki dang shahshkor ïa ki.

KI KAM 2:46

Na kawei ka sngi sha kawei pat ki ju ïakynduh kum ka kynhun hapoh ka Templ, bad ki ïabam jingbam lang ha ki ïing jong ki, ki da bam da ka dohnud kaba kmen bad kaba sngewrit,

KI KAM 5:41

Katba ki apostol ki mihnoh na ka Dorbar, ki la kmen, namar U Blei u la ñiew ïa ki, kiba bit ban shah ïa ka jahburom na ka bynta U Jisu.

2 KORINTH 6:10

Wat haba la pynshitom, ym shym la pynïap; wat haba la pynsngewsih, ngi long borabor kiba kmen; ngi paw kum kiba duk, hynrei ngi pynriewspah ïa ki briew kiba bun; ngi paw kum ki bym don ei ei, pynban ngi don lut ïa kiei kiei baroh.

2 THESSALONI 2:16

Ai ba U Jisu Khrist Uba U Trai jong ngi da lade hi bad U Blei uba U Kpa jong ngi, uba la ieit ïa ngi, bad ha ka jingaiei jong u un ai ha ngi ka jingshlur baneh bad ka jingkyrmen baskhem,

HEBRU 10:34

Phi shahshitom lem bad ki koidi, bad haba ki jingdon jingem jong phi baroh ki la shah kurup, phi la shah ïa la ka jingduh da kaba kmen, namar phi la tip ba phi la ïoh kam kynti shibun kiei kiei kiba kham bha, kiba neh junom.

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

1 PETROS 1:8

Phi ieit ïa u, wat haba phim pat ïohi ïa u, bad phi ngeit ha u, wat la phim pat ïohi ïa u mynta. Te phi shadkmen da ka jingkmen kaba khraw bad kaba dap da ka burom kiba ki ktien kim lah ban batai,