ÏOANNIS 16:21 - Khasi CL Bible (BSI)

²¹ Haba ka briew kan sa kha khun, ka sngewsih namar ba ka kynta jong ka jingshahshitom jong ka, ka la poi; hynrei haba la kha ïa i khunlung, ka klet noh ïa la ka jingshah shitom, namar ka kmen ba la kha ïa i khunlung sha ka pyrthei.

KA BAIBL

²¹ Ka briew haba ka suhkhun, ka don ka jingsngewsih, naba ka la jia ka por jong ka; hynrei, ynda la kha ïa ita i khun, kam kynmaw shuh ïa la ka pang shitom, namar ka jingkmen ba la kha briew sha ka pyrthei.

ÏOANNIS 16:21 ပူးပေါင်းရင်းမြစ်များ

JENESIS 3:16

Ha kata ka briew pat u ong, “Ngan pynjur ïa ka jingjynjar jong pha haba pha punkhun, bad ïa ka jingshitom jong pha haba pha kha khun. La katta ruh, phan ïai kwah ïa la u tnga, pynban yn pyndem ïa pha ha u.”

Ka Kitab U Job 11:16

Nangta baroh ki jingjynjar jong me kin shu jah noh na ki jingkynmaw jong me, kum ki jingshlei um kiba la ïaid lait noh bad ym don jingkynmaw shuh.

SALM 113:9

U pyndonburom ïa ka tnga ka bym don khun ha ka ïingshong jong ka; u pynkmen ïa ka da kaba ai ki khun ha ka. A to ïaroh ïa U Trai!

ISAÏAH 13:8

Ki baroh kin shah pynshyrkhei, bad ka jingpang kan ban ïa ki, kum ka jingpang jong ka briew ha ka por suh kha. Kin ïakhmih iwei ïa iwei pat ha ka jingtieng, bad ki durkhmat jong ki kin pluh da ka jinglehrain.

ISAÏAH 21:3

Kaei kaba nga la ïohi bad ïohsngew ha ka jingïohipaw ka la pyndap ïa nga da ka jingsngewtriem bad sngewpang, ka jingpang kum ka jong ka kynthei ha ka por suh kha.

ISAÏAH 66:7

“Ka nongbah bakhuid jong nga ka long kum ka briew kaba kha kynsan ïa i khun, khlem da suh kha.

MIKAH 4:10

To phai bad to ud, ko ki briew ka Jerusalem, kum ka briew ka ban sa kha khun, naba mynta phin sa hap ban ieh ïa ka nongbah bad ban im ha rudnong. Phi dei ban leit sha Babilon, hynrei hangta U Trai un pyllait ïa phi na ki nongshun jong phi.

MIKAH 4:9

Balei pha kyang jam? Balei ba pha shahshitom kum ka briew kaba suh kha? Hato ka long namar ba pham don u syiem, bad ki nongaibuit jong pha ki la ïap?

GALATIA 4:27

Naba ka Jingthoh Bakhuid ka ong, “Suk, pha ka kynthei kaba lyngki! To risa bad kyang da ka jingkmen, pha ka bym ju la ïohmad ïa ki jingpang jong ka jingsuh kha! Naba kata ka kynthei kaba la shah iehnoh kan ïoh kham bun ki khun ban ïa ka kynthei kaba u tnga um ju iehnoh ïa ka.”

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.