ÏOANNIS 16:20 - Khasi CL Bible (BSI)

²⁰ Nga ong ha phi ïa ka jingshisha: Phin ïam bad phin ïamkthang, hynrei, ka pyrthei kan shadkmen; phin ïasngewsih, hynrei ka jingsngewsih jong phi kan kylla sha ka jingkmen.

KA BAIBL

²⁰ Shisha, shisha nga ong ha phi; phi, phin ïam bad phin lynñiar ruh, hynrei, ka pyrthei kan kmen; ma phi, te phin sngewsih, hynrei, kata ka jingsngewsih jong phi kan kylla sha ka jingkmen.

ÏOANNIS 16:20 ပူးပေါင်းရင်းမြစ်များ

Ka Kitab U Job 20:5

ym don u briew uba sniew uba kmen slem.

SALM 30:11

Me la pynkylla ïa ka jingsngewsih jong nga sha ka jingshadkmen; me la shim noh ïa ka jingsngewsih jong nga bad kerkut ïa nga da ka jingkmen.

SALM 30:5

Ka jingbitar jong u ka neh tang shipor, ka jingbha jong u ka neh shi rta. Ki ummat ki lah ban jaw mynmiet, hynrei ka jingkmen ka wan pat mynstep.

SALM 97:11

Ka jingshai ka tyngshaiñ ha kiba hok, bad ka jingkmen ha kiba bha.

ISAÏAH 12:1

Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

JEREMAÏAH 31:25

Ngan pynthymmai bor ïa kito kiba la thait bad pynhun da ka jingbam ïa baroh kiba la tlot na ka jingthngan.

MATHAÏOS 21:38

Hynrei haba ki nongshimwai ki la ïohi ïa u khun, ki la ong ha lade, ‘Une u long u khun jong u trai. Ale, to ngin pynïap ïa u, bad ngin ïoh ïa ka jingdon jingem jong u!’

MATHAÏOS 5:4

Suk kito kiba sngewsih; U Blei un pyntngen ïa ki!

MARKOS 14:72

Ha kata ka por u syiar u kyn-ih ha ka sien kaba ar, bad u Petros u la kynmaw kumno ba U Jisu u la lah ong ïa u, “Shuwa ba u syiar un kyn-ih ar sien, men ong lai sien ba mem ithuh ïa nga.” Bad u la pait ka dohnud bad u la lynñiar kthang.

MARKOS 16:10

Ka la leit bad ïathuh ïa ki nongbud jong u. Ki dang ïasngewsih bad ïam; bad haba ki la ïohsngew ïa ka, ba ka ong ba U Jisu u im bad ba ka la lah ïohi ïa u, kim shym la ngeit ïa ka.

LOUKAS 22:45

Haba u la ïeng joit na ka jingduwai jong u, u la leit pat sha ki synran bad u la shem ïa ki ba ki ïohthiah, kiba la shoh lwait da ka jingsngewsih jong ki.

LOUKAS 22:62

U Petros u la mihnoh bad u la ïam sngewsih eh.

LOUKAS 23:27

U paidbah babun u la bud ïa u; hapdeng jong ki, la don katto katne ngut ki kynthei kiba la ïam bad ïam sngewsih na ka bynta jong u.

LOUKAS 24:17

U Jisu u la ong ha ki, “Shaphang kaei ba phi ïakren para ma phi, katba phi nang ïa-ïaid?” Ki la ïeng, lem bad ka durkhmat basngewsih.

LOUKAS 24:21

Bad ngi la kyrmen ba un dei ma u uta u ban sa wan ban pyllaitluid ïa ki Israel! Nalor kata baroh, kane mynta ka dei ka sngi kaba lai naduh ba ka la jia.

LOUKAS 6:21

Suk ma phi kiba thngan mynta; yn pyndap ïa phi! Suk ma phi kiba ïam mynta; phin rkhie!

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

ÏOANNIS 16:6

Bad mynta ba nga la ïathuh ïa phi, ki dohnud jong phi ki la dap da ka jingsngewsih.

ÏOANNIS 20:20

Hadien ba u la ong ïa kane, u la pyn-i ha ki ïa la ki kti bad ïa la ka krung. Ki synran ki la dap da ka jingkmen haba ki la ïohi ïa U Trai.

KI KAM 5:41

Katba ki apostol ki mihnoh na ka Dorbar, ki la kmen, namar U Blei u la ñiew ïa ki, kiba bit ban shah ïa ka jahburom na ka bynta U Jisu.

Ka Shithi U Paul Sha Ki Nong Rom 5:11

Hynrei kam long tang kumta; ngi lehkmen na ka bynta kaei kaba U Blei u la leh lyngba U Jisu Khrist uba U Trai jong ngi, uba mynta u la pynlong ïa ngi ki paralok jong U Blei.

2 KORINTH 6:10

Wat haba la pynshitom, ym shym la pynïap; wat haba la pynsngewsih, ngi long borabor kiba kmen; ngi paw kum kiba duk, hynrei ngi pynriewspah ïa ki briew kiba bun; ngi paw kum ki bym don ei ei, pynban ngi don lut ïa kiei kiei baroh.

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

1 THESSALONI 1:6

Phi la pyrthuh bud ïa ngi bad ïa U Trai; wat la phi la shahshitom shikatdei eh, phi la pdiang ïa ka khubor da ka jingkmen kaba wan na U Mynsiem Bakhuid.

JAKOB 1:2

Ko parabangeit jong nga, to ñiew ïa lade ba phi long kiba donbok eh haba phi ïakynduh ïa ki jingtynjuh kiba bun ha ka lynti ka jingim jong phi, naba phi tip ba haba ka jingngeit jong phi ka jop haba ïashem kum kita ki jingtynjuh, ka jingmih ka long ka jinglah ban ïaishah.

JUDAH 1:24

Ha uta uba lah ban ri kyndong ïa phi na ka jinghap noh, bad ban wallam ïa phi kiba khlem jingduna bad kiba kmen ha khmat ka burom ka jingdon ryngkat jong u —

JINGPYNPAW 11:10

Ki briew kiba shong ha ka pyrthei kin ïakmen namar ka jingïap jong kine ki ar ngut. Kin ïalehkmen bad kin ïa-ai jingai sngewbha markylliang, namar ba kita ki ar ngut ki nongïathuhlypa ki la wallam shibun ki jingshitom halor u bynriew.

JINGPYNPAW 18:7

To ai ha ka, katta ka jingshitom bad ka jingsngewsih kat ka burom bad ka jingpahuh kaba ka la ai ïa lade. Naba ka ïai-ong ïa lade: ‘Hangne nga shong, ka syiem! Ngam long ka riewkynthei, ngan ym tip ïa ka jingsngewsih!’