ÏOANNIS 16:19 - Khasi CL Bible (BSI)

¹⁹ U Jisu u la tip ba ki la kwah ban kylli ïa u, kumta u la ong ha ki, “Nga la ong, ‘Sa tang shipor phin ym ïohi shuh ïa nga, bad nangta sa shipor hadien phin sa ïohi ïa nga.’ Hato dei kane kaba phi ïakylli para ma phi hi?

KA BAIBL

¹⁹ Te U Jisu u la tip ba ki la ïamon ban kylli ïa u, te u la ong ha ki, “Phi ïakylli paralok hi shaphang kane ba nga la ong, ‘Sa shibit ar bit, te phin ym ïohi ïa nga; bad sa shibit ar bit pat, te phin ïohi ïa nga?’

ÏOANNIS 16:19 ပူးပေါင်းရင်းမြစ်များ

MATHAÏOS 6:8

Wat long kum ma ki. U Kpa jong phi u da tip lypa ïa kaei kaba phi donkam ha shuwa ba phin pan na u.

MATHAÏOS 9:4

U Jisu u la tip ïa kaei kaba ki pyrkhat, kumta u la ong, “Balei phi ïa-pyrkhat ïa kine kiei kiei kiba sniew?

MARKOS 9:32

Hynrei kim shym la sngewthuh aïu kane ka jinghikai ka kit jingmut, bad ki la sngewsheptieng ban kylli ïa u.

ÏOANNIS 13:33

Ko ki khun jong nga, ngan ym don shuh bad phi slem nangne. Phin ïawad ïa nga; hynrei nga ïathuh ïa phi mynta ïa kaei kaba ba nga la ïathuh ha ki nongsynshar jong ki Jiw, ‘Phim lah ban leit shano sha ba nga ngan leit.’

ÏOANNIS 14:19

Sa tang shipor ka pyrthei kan ym ïohi shuh ïa nga, hynrei phin ïohi ïa nga; bad namar ba nga im, phi ruh phin ïoh im.

ÏOANNIS 16:16

“Sa tang shipor phin ym ïohi shuh ïa nga, bad nangta sa shipor hadien phin sa ïohi ïa nga.”

ÏOANNIS 16:18

Ka mut aïu kane ‘sa tang shipor?’ Ngim tip ba u kren shaphang kaei!”

ÏOANNIS 16:23

“Haba kata ka sngi ka poi, phin ym pan ei ei na nga. Nga ïathuh ha phi ïa ka jingshisha: U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 16:26

Haba kata ka sngi kan poi, phin pan na u ha ka kyrteng jong nga; bad ngam ong ba ngan pan na u na ka bynta jong phi, naba U Kpa da lade hi u ieit ïa phi.

ÏOANNIS 16:30

Ngi tip mynta ba me tip ïa kiei kiei baroh; mem da donkam ba uno uno un kylli jingkylli ïa me. Kane ka pynlong ïa ngi ban ngeit ba me la wan na U Blei.”

ÏOANNIS 21:17

Ha ka sien kaba lai U Jisu u la ong, “Ko Simon, u khun jong u Jona, me ieit ïa nga?” U Petros u la sngewsih namar ba U Jisu u la kylli ïa u ha ka sien kaba lai, “Me ieit ïa nga?” kumta u la ong ha u, “Ko Trai, me tip ïa kiei kiei baroh; me tip ba nga ieit ïa me!” U Jisu u la ong ha u, “To sumar ïa ki langbrot jong nga.

ÏOANNIS 6:61

Khlem da don ba ïathuh, U Jisu u la tip ba ki ïakhñium shaphang kane, kumta u la ong ha ki, “Hato kane ka pynlong ïa phi ba phin kwah iehnoh?

ÏOANNIS 7:33

U Jisu u la ong, “Ngan don bad phi tang shipor, bad nangta ngan sa leit noh sha uta uba la phah ïa nga.

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.