ÏOANNIS 16:14 - Khasi CL Bible (BSI)

¹⁴ Un ai burom ïa nga, namar un shim ïa kaei ba nga ong bad ïathuh ïa ka ha phi.

KA BAIBL

¹⁴ Un pyndonburom ïa nga, naba un shim na ka jong nga, bad un pynpaw ha phi.

ÏOANNIS 16:14 ပူးပေါင်းရင်းမြစ်များ

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

ÏOANNIS 14:21

“Uno uno uba pdiang ïa ki hukum jong nga bad ngeit ïa ki u long uta uba ieit ïa nga. U Kpa jong nga un ieit ïa uno uno uba ieit ïa nga; nga ruh ngan ieit ïa u bad ngan pynpaw ïa lade ha u.”

ÏOANNIS 15:26

“U Nongïarap un wan — U Mynsiem, uba pynpaw ïa ka jingshisha shaphang U Blei bad uba wan na U Kpa. Ngan phah ïa u na U Kpa, bad un kren shaphang jong nga.

ÏOANNIS 7:39

U Jisu u la kren ïa kane shaphang U Mynsiem, uba kito kiba la ngeit ha u kin ïohpdiang. Ha kata ka por ïa U Mynsiem ym pat shym la ai, namar ïa U Jisu ym pat shym la kyntiew sha ka burom.

1 KORINTH 12:3

Nga kwah ba phin tip ba ym don uno uno uba la ïalam da U Mynsiem U Blei u lah ban ong “Long ba la tim ïa U Jisu!” bad ym don uno uno uba lah ban phla “U Jisu u long U Trai,” lymda la ïalam ïa u da U Mynsiem Bakhuid.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

GALATIA 5:5

Na ka bynta jong ngi pat, ka jingkyrmen jong ngi ka long ba U Blei hi un pynksan ïa ngi bad u, bad kane ka long kaei kaba ngi ap khmih lynti ïa ka bor U Mynsiem U Blei uba trei lyngba ka jingngeit jong ngi.

1 PETROS 2:7

Une u maw u long uba kordor eh ïa phi kiba ngeit; hynrei ha kito ki bymngeit: “U maw ïa uba ki nongtei ki la kyntait kum u bymmyntoi u la kylla long uba donkam tam na baroh.”

1 ÏOANNIS 3:23

Kaei kaba u hukum ka long ba ngi ngeit ha U Jisu Khrist, U Khun jong u bad ngi ïa-ieit iwei ïa iwei, kumba U Khrist u la hukum ïa ngi.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

1 ÏOANNIS 5:6

U Jisu Khrist u long uta uba la wan da ka um jong ka jingpynbaptis jong u bad ka snam jong ka jingïap jong u. U la wan ym tang da ka um, hynrei, da ka um bad ka snam ruh. Bad U Mynsiem da lade hi u phla ba kane ka long kaba shisha, namar U Mynsiem u long ka jingshisha.

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.