ÏOANNIS 16:13 - Khasi CL Bible (BSI)

¹³ Pynban, haba U Mynsiem un wan, uba pynpaw ïa ka jingshisha shaphang U Blei, un ïalam ïa phi sha ka jingshisha baroh. Un ym kren ha ka bor jong u hi, hynrei un kren ïa kaei kaba u ïohsngew, bad un ïathuh ha phi ïa kiei kiei ki ban sa wan.

KA BAIBL

¹³ Hynrei, ynda u la wan ma u, U Mynsiem ka jingshisha keiñ, un ïalam ïa phi sha ka jingshisha baroh: namar un ym kren na lade, hynrei, ïa kiei kiei ruh katba un ïohsngew, un kren, bad un pynpaw ha phi ïa kiei kiei ruh ki ban sa wan.

ÏOANNIS 16:13 ပူးပေါင်းရင်းမြစ်များ

ISAÏAH 11:2

U Mynsiem jong U Trai un ai ha u ka jingstad bad ka jingtip bad ka jingtbit ban synshar ïa ki briew jong u. Un tip ïa ka mon jong U Trai bad un pyndonburom ïa u,

JOEL 2:28

“Hadien ngan sa theh ïa U Mynsiem jong nga ha uwei pa uwei: Ki khun shynrang bad ki khun kynthei jong phi kin pynbna ïa ka khubor jong nga; ki tymmen shynrang kin don ki jingphohsniew, bad ki samla shynrang jong phi kin ïohi ki jingïohipaw.

ÏOANNIS 12:49

Kane ka long kaba shisha, namar ngam shym la kren ha ka bor jong nga hi; hynrei U Kpa uba la phah ïa nga u la hukum ïa nga ïa kaei kaba nga dei ban ong bad kren.

ÏOANNIS 14:17

Uta u long U Mynsiem uba pynpaw ïa ka jingshisha shaphang U Blei. Ka pyrthei kam lah ban pdiang ïa u, namar ba kam ïohi ïa u lane ithuh ïa u. Hynrei phi ithuh ïa u, namar ba u ïaisah bad phi bad u don hapoh jong phi.

ÏOANNIS 14:26

Uta U Nongïarap, U Mynsiem Bakhuid, ïa uba U Kpa un phah ha ka kyrteng jong nga, un hikai ïa phi ïa kiei kiei baroh bad un pynkynmaw ïa baroh kaba nga la ïathuh ha phi.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 15:26

“U Nongïarap un wan — U Mynsiem, uba pynpaw ïa ka jingshisha shaphang U Blei bad uba wan na U Kpa. Ngan phah ïa u na U Kpa, bad un kren shaphang jong nga.

ÏOANNIS 16:12

“Nga dang don shibun kiei kiei ban ong ha phi, hynrei mynta kan long palat eh ïa phi ban shah.

ÏOANNIS 3:32

U ïathuh ïa kaei kaba u la ïohi bad la ïohsngew, pynban ym don ba pdiang ïa ka khubor jong u.

ÏOANNIS 8:38

Nga kren shaphang kaei kaba U Kpa jong nga u la pyn-i ha nga, hynrei phi leh ïa kaei kaba u kpa jong phi u la ïathuh ïa phi.”

KI KAM 11:28

Uwei na ki, uba kyrteng u Agabos, u la ïeng joit bad da ka bor jong U Mynsiem u la ïathuh lypa ba ka 'nemsniew bajur kan sa wan ha ka pyrthei baroh kawei. (Ka la wan jia mynba u Klaudius u la long u Patsha.)

KI KAM 20:23

Kaba nga tip ka long ba ha kawei pa kawei ka nongbah U Mynsiem Bakhuid u la maham ïa nga ba ka byndi bad ki jingjynjar ki ap ïa nga.

KI KAM 27:24

‘Wat sheptieng, ko Paul! Me dei ban ïeng ha khmat u Patsha. Bad U Blei ha ka jingbha jong u ïa me u la pynsah ïa ka jingim jong kito baroh kiba ïaleit da ka lieng bad me.’

2 THESSALONI 2:12

Kaba mih ka long, ba ïa kito baroh ki bym shym la ngeit ïa ka jingshisha hynrei kiba la sngewbha ha ka pop, yn pynrem.

2 THESSALONI 2:3

Wat shah ïano ïano ban shukor ïa phi ha kano kano ka rukom. Naba ka Sngi kan ym wan tad ynda ka Jingïaleh pyrshah ka jia bad ba uta Uba Sniew u mihpaw ïa uba la buh lypa na ka bynta ka dujok.

HEBRU 1:1

Ha ki por mynbarim, U Blei u la kren ha ki kpa tymmen jong ngi bunsien bad ha ki rukom kiba bun lyngba ki nongïathuhlypa.

1 ÏOANNIS 2:20

Hynrei ma phi, phi la lah don ïa U Mynsiem Bakhuid ba la theh ha phi da U Khrist, bad kumta phi baroh phi tip ïa ka jingshisha.

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.

1 ÏOANNIS 4:6

Hynrei ngi, ngi long ki jong U Blei. Uno uno uba ithuh ïa U Blei, u shahshkor ïa ngi; uno uno u bym long u jong U Blei, um shahshkor ïa ngi. Kane te, ka long kumno ngi lah ban ïathuh ïa ka jingïapher hapdeng U Mynsiem ka jingshisha bad u mynsiem ka jinglamler.

1 ÏOANNIS 5:6

U Jisu Khrist u long uta uba la wan da ka um jong ka jingpynbaptis jong u bad ka snam jong ka jingïap jong u. U la wan ym tang da ka um, hynrei, da ka um bad ka snam ruh. Bad U Mynsiem da lade hi u phla ba kane ka long kaba shisha, namar U Mynsiem u long ka jingshisha.

JINGPYNPAW 1:1

Kane ka kitab ka long ka jingbuh jingthoh ïa ki jingjia kiba U Jisu Khrist u la pynpaw. U Blei u la ai ha u ïa kane ka jingpynpaw khnang ban pyn-i ha ki shakri jong u ïa kaei kaba dei ban jia shen. U Khrist u la pynlong ïa kine kiei kiei ban tip da u shakri jong u, u Ïoannis da kaba phah ïa la u angel sha u,

JINGPYNPAW 1:19

Thoh te, ïa kiei kiei kiba me ïohi; kita kiei kiei kiba long mynta bad kita kiei kiei ki ban sa jia hadien.