ÏOANNIS 16:11 - Khasi CL Bible (BSI)

¹¹ bad ki bakla shaphang ka jingbishar, namar ba ïa u nongsynshar jong kane ka pyrthei la lah bishar.

KA BAIBL

¹¹ shaphang ka jingbishar de, naba la pynrem ïa u syiem jong kane ka pyrthei.

ÏOANNIS 16:11 ပူးပေါင်းရင်းမြစ်များ

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

SALM 68:18

U kiew sha kiba kynjang, u da ïalam bad u shibun ki koidi; u pdiang ki jingai sngewbha na ki briew kiba ïeng ïaleh pyrshah. U Trai U Blei un ïoh shong hangta.

MATHAÏOS 12:18

“Une hangne u long u shakri jong nga, ïa uba nga la jied, uta uba nga ieit, bad ha uba nga sngewbha eh. Ngan phah ïa U Mynsiem jong nga halor jong u, bad un pynbna ïa ka jingbishar jong nga ha ki jaitbynriew.

MATHAÏOS 12:36

“Phi lah ban thikna ba ha ka Sngi ka Jingbishar uwei pa uwei un hap ban ai jingkheiñ ïa kawei pa kawei ka kyntien ka bymmyntoi kaba u la kren.

LOUKAS 10:18

U Jisu u la jubab ïa ki, “Nga la ïohi ïa u Soitan uba hap kum ka leilieh na bneng.

ÏOANNIS 12:31

Mynta ka dei ka por ba ïa kane ka pyrthei yn bishar; mynta ïa u nongsynshar jong kane ka pyrthei yn pynhiar khet.

ÏOANNIS 14:30

Ngam lah ban kren bad phi kham slem, namar u nongsynshar jong kane ka pyrthei un wan. Um donbor halor jong nga, hynrei, ka pyrthei ka dei ban tip ba nga ieit ïa U Kpa; na kata ka daw balei ba nga leh ïa kiei kiei baroh kumba u hukum ïa nga. “Ale, ïa ngin ïaleit noh na kane ka jaka.

ÏOANNIS 16:12

“Nga dang don shibun kiei kiei ban ong ha phi, hynrei mynta kan long palat eh ïa phi ban shah.

KI KAM 10:42

Bad u la hukum ïa ngi ban ïalap ïa ka Gospel ha ki briew, bad ban sakhi ba u long uta ïa uba U Blei u la thung ban long u Nongbishar ïa kiba im bad kiba ïap.

KI KAM 24:25

Hynrei katba u Paul u dang batai shaphang ka jingbha, ka bor halor lade, bad ka Sngi ka Jingbishar ka ban sa wan, u Pheliks u la sheptieng bad u la ong, “Mynta me lah ban leit noh shuwa. Ngan sa phah khot pat haba nga ïohlad.”

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

Ka Shithi U Paul Sha Ki Nong Rom 16:20

Bad U Blei, uba long ka tyllong jong ka jingsuk jong ngi, shen un pynlwet ïa u Soitan hapoh ki kjat jong phi. To ka jingaiei jong U Jisu uba U Trai jong ngi kan long lem bad phi.

Ka Shithi U Paul Sha Ki Nong Rom 2:16

Bad kumta, kat kum ka Khubor Babha kaba nga ïalap, kane ka dei kaba kumno ka long ha kata ka Sngi ha kaba U Blei lyngba U Jisu Khrist un bishar ïa ki jingmut barieh jong ki briew baroh.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

EPHESOS 2:2

Ha kata ka por phi bud ïa ka rukom im basniew jong ka pyrthei; phi la kohnguh ïa u nongsynshar jong ki bor mynsiem ha ka haw haw, u mynsiem uba synshar mynta ïa ki briew ki bymkohnguh ïa U Blei.

KOLOSSAI 2:15

Bad halor kata ka diengphna, U Khrist u la pyllaitluid ïa lade na ka bor jong ki nongsynshar ba kynja mynsiem bad na ki bor synshar; u la pynlong ka jingthadrong ïa ki da kaba ïalam ïa ki kum ki mraw ha ka jingïaid paidbah kaba jop jong u.

HEBRU 2:14

Namar ba kita ki khun, kumba u khot ïa ki, ki long ki briew na ka doh bad ka snam, U Jisu u la long u briew kum ma ki hi bad ïoh bynta lang na ka jinglongbriew jong ki. U la leh ïa kane, khnang ba da ka jingïap jong u, u lah ban pynduh ïa u Bymman, uba don ka bor halor ka jingïap,

HEBRU 6:2

ha kaba hikai shaphang ki jingpynbaptis, bad kaba buh ïa ki kti; shaphang ka jingmihpat jong kiba ïap bad shaphang ka jingbishar bymjukut.

HEBRU 9:27

Uwei pa uwei u dei ban ïap tang shisien, bad hadien kata yn bishar da U Blei.

2 PETROS 3:7

Hynrei ïa ki bneng bad ka pyrthei kiba long mynta la pynsah da kajuh ka hukum jong U Blei, khnang ban ïoh pynjot da ka ding. Ïa ki la pynsah na ka bynta ka sngi haba ïa ki briew ki bymtip Blei yn bishar bad pynjot noh.

1 ÏOANNIS 3:8

Uno uno uba ïai leh ïa ka pop, u long jong u Soitan, namar u Soitan u la leh pop naduh kaba mynnyngkong eh. U Khun U Blei u la paw na ka bynta kane hi ka daw, ban pynjot noh ïa kaei kaba la leh da u Soitan.

JINGPYNPAW 1:7

Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!