ÏOANNIS 15:8 - Khasi CL Bible (BSI)

⁸ Ka burom U Kpa jong nga ka paw da ka jingseisoh ba bun jong phi; bad ha kane ka rukom phi long ki synran jong nga.

KA BAIBL

⁸ Ha kane la pyndonburom ïa U Kpa jong nga, ba phi sei soh shibun; kumta, phin long ki synran jong nga.

ÏOANNIS 15:8 ပူးပေါင်းရင်းမြစ်များ

ISAÏAH 60:21

Ki briew jong pha kin leh baroh ïa kaei kaba dei, bad kin ïohkynti ïa ka ri junom. Nga la thung ïa ki, nga la thaw ïa ki, ban pynpaw ïa ka jingkhraw jong nga sa baroh.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

HAGGAI 1:8

Mynta to leit kiew sha ki lumrit, pynïoh ïa ki dieng shna ïing, bad tei pat ïa ka Templ; te ngan sngewbha ha ka bad ïa nga yn mane kumba ka dei.

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

MATHAÏOS 5:44

Hynrei mynta nga ong ha phi: ieit ïa ki nongshun jong phi bad duwai na ka bynta kito kiba pynshitom beiñ ïa phi,

MATHAÏOS 9:8

Haba ki briew ki la ïohi ïa kata, ki la sheptieng, bad ki la ïaroh ïa U Blei uba la ai kum kata ka iktiar ha ki briew.

LOUKAS 6:35

Em! Ieit ïa ki nongshun jong phi bad lehbha ïa ki; to ai kylliang bad wat khmih lynti ban ïoh ei ei pat. Te phin ïoh ka bainong kaba khraw, bad phin long ki khun jong U Blei Uba Hakhlieh Tam Eh. Naba u long uba bha ïa u bymsngewnguh bad ïa uba bymman.

ÏOANNIS 13:35

Lada phi don ka jingieit iwei ïa iwei, te baroh kin tip ba phi long ki synran jong nga. Kumba nga la ieit ïa phi, kumta phi dei ban ieit iwei ïa iwei.”

ÏOANNIS 15:5

“Nga long u dieng sohwaiñ, bad phi long ki tnat. Uno uno uba ïaineh ha nga, bad ma nga ha u, un seisoh shibun; naba phim lah ban leh ei ei khlem ma nga.

ÏOANNIS 8:31

Kumta U Jisu u la ong ha kito kiba la ngeit ha u, “Lada phi kohnguh ïa ka jinghikai jong nga, phi long da shisha ki synran jong nga;

1 KORINTH 10:31

Kumta, ha kaei kaei kaba phi leh, ha kaba bam ne ha kaba dih, to leh phi ïa kiei kiei baroh na ka bynta ka burom U Blei.

1 KORINTH 6:20

Phim long la u jong hi hynrei jong U Blei; u la thied ïa phi da ka dor. Kumta to pyndonkam ïa ki met jong phi na ka bynta ka burom jong U Blei.

PHILIPPI 1:11

Ïa ka jingim jong phi yn pyndap da ki jinglong babha shisha kiba tang U Jisu Khrist u lah ban pynmih, na ka bynta ka burom bad ka jingïaroh ïa U Blei.

TITOS 2:10

Pynban, ki dei ban pyn-i ba ki long borabor kiba bha bad ba lah ban shaniah, khnang ban pynshisha ïa ka jinghikai shaphang U Blei U Nongpynim jong ngi ha baroh ba ki leh.

TITOS 2:5

ban long kiba synshar ïa lade bad kiba sngur mynsiem, bad ki nongsumar ïing babha kiba pyndem ha la ki tnga, ba yn ym don mano mano ba lah ban kren sniew ïa ka khubor kaba wan na U Blei.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.

1 PETROS 4:11

Uno uno uba ïalap, u dei ban ïalap ïa ki khubor jong U Blei; uno uno uba shakri, u dei ban shakri da ka bor kaba U Blei u ai ïa u, khnang ba ha kiei kiei baroh yn ai ïa ka jingïaroh sha U Blei da U Jisu Khrist, ha uba ka burom bad ka bor ki long ki jong u junom la junom, Amen.