ÏOANNIS 15:7 - Khasi CL Bible (BSI)

⁷ Lada phi ïaineh ha nga bad ki ktien jong nga ki ïaineh ha phi, te phin pan ïa kaei kaei kaba phi kwah, bad phin ïoh ïa ka.

KA BAIBL

⁷ Lada phi ïaineh ha nga, bad ki ktien jong nga ki ïaineh ha phi, ïa kaei kaei ruh ba phi mon, phin pan, te kan long ïa phi.

ÏOANNIS 15:7 ပူးပေါင်းရင်းမြစ်များ

1 SYIEM 3:5

Ha kata ka miet U Trai u la mihpaw ha u ha ka jingphohsniew bad u kylli ïa u, “Kaei me mon ïa nga ban ai ha me?”

Ka Kitab U Job 22:26

Te phin shaniah ha U Blei borabor bad shem ba u long ka thymmei jong ka jingkmen jong phi.

Ka Kitab U Job 23:12

Nga leh borabor ïa kaei kaba U Blei u hukum; nga bud ïa ka mon jong u, ym ïa ki jingkwah jong nga hi.

SALM 119:11

Nga ri khop ïa ka hukum jong me ha la ka dohnud, khnang ba ngan ym leh pop pyrshah ïa me.

SALM 37:4

Wad ïa ka jingsuk ha U Trai, bad un ai ha phi ïa ka jingkwah ka dohnud jong phi.

PROBERB 10:24

Kiba hok ki ïoh ïa kaei kaba ki thrang, hynrei ki riewbymman ki ïoh ïa kata kaba ki sheptieng eh.

PROBERB 4:4

I ju ong, “Kynmaw bha ïa kaba nga ong bad wat klet ïa ka lano lano ruh. Leh kumba nga ong ïa phi, bad phin im.

ISAÏAH 58:8

“Te ka jinglehieit jong nga kan tyngshaiñ ha phi kum ka sngi mynstep, bad ki jingmong jong phi kin sa koit kloi. Ngan don ryngkat bad phi borabor ban pyllait ïa phi; ka jingdon ryngkat jong nga kan ïada ïa phi ha ki liang baroh.

JEREMAÏAH 15:16

Me la kren ïa nga, bad nga la shahshkor ïa kawei pa kawei ka kyntien. Nga long u jong me, A Trai U Blei Badonbor Baroh, bad kumta ki ktien jong me ki la pyndap ïa ka dohnud jong nga da kaba kmen bad ka jingsngewkmen.

MATHAÏOS 7:7

“To pan, bad phin ïohpdiang; to wad, bad phin shem; to tied, bad ïa ka jingkhang yn plie ïa phi.

ÏOANNIS 14:13

Bad ngan leh ïa kano kano kaba phi pan ha ka kyrteng jong nga, khnang ba ïa ka burom U Kpa yn ïoh pynpaw lyngba U Khun.

ÏOANNIS 15:16

Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 16:23

“Haba kata ka sngi ka poi, phin ym pan ei ei na nga. Nga ïathuh ha phi ïa ka jingshisha: U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 8:31

Kumta U Jisu u la ong ha kito kiba la ngeit ha u, “Lada phi kohnguh ïa ka jinghikai jong nga, phi long da shisha ki synran jong nga;

ÏOANNIS 8:37

Nga tip ba phi long kiba hiarpateng na u Abraham. Pynban phi pyrshang ban pynïap ïa nga, namar ba phin ym pdiang ïa ka jinghikai jong nga.

GALATIA 4:2

Katba u dang khynnah, don ki briew ki ban sumar ïa u bad pynïaid ïa ki kam jong u tad haduh ban da poi ka por ba la buh da u kpa jong u.

GALATIA 5:16

Kane ka long kaei kaba nga ong: Shah ïa U Mynsiem ba un pynïaid ïa ki jingim jong phi, bad phin ym pynhun ïa ki jingkwah brai jong ka doh.

DEUTERONOMI 6:6

Wat klet lano lano ïa kine ki hukum ïa kiba nga ai ha phi mynta ka sngi.

KOLOSSAI 3:16

Ka khubor jong U Khrist ha ka jingdap pura jong ka baroh, ka dei ban im hapoh ki dohnud jong phi. To hikai bad kyntu iwei ïa iwei pat da ka jingstad baroh. To rwai ki salm, ki jingrwai, bad ki jingrwai bakyntang; to rwai sha U Blei da ka jingainguh ha ki dohnud jong phi.

1 ÏOANNIS 2:14

Nga thoh sha phi, ko ki khun jong nga, namar phi ithuh ïa U Kpa. Nga thoh sha phi, ko ki kpa, namar phi ithuh ïa u, uba la don naduh kaba mynnyngkong. Nga thoh sha phi, ko ki khun samla, namar phi long kiba khlaiñ; ka ktien U Blei ka ïaisah ha phi, bad phi la jop noh thiaw ïa Uta u Basniew.

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.

1 ÏOANNIS 3:22

Ngi ïohpdiang na u ïa kano kano kaba ngi pan, namar ba ngi kohnguh ïa ki hukum jong u bad ngi leh ïa kaei kaba pynsngewbha ïa u.

1 ÏOANNIS 5:14

Ngi don ka jingshlur ha khmat U Blei, namar ngi sngewskhem ba u ïohsngew ïa ngi lada ngi kyrpad ïa u na ka bynta kano kano kaba long kat kum ka mon jong u.