ÏOANNIS 15:6 - Khasi CL Bible (BSI)

⁶ Ïa uno uno u bymïaineh ha nga yn bret noh ïa u kum ka tnat bad u ïap tyrkhong; kum ïa kita ki tnat, la lumlang bad la bret noh ha ka ding, ha kaba la thang ïa ki.

KA BAIBL

⁶ Lada uno uno ruh um ïaineh ha nga, la ju bred noh ïa u shabar kum ka tnat kaba la ïapstai noh; te ki ïalum ïa ki, bad ki bred ha ding, bad la thang ïa ki.

ÏOANNIS 15:6 ပူးပေါင်းရင်းမြစ်များ

2 SAMUEL 23:7

Phi hap ban pyndonkam da ka tiar nar lane da u sum; yn thang lut khoit ïa ki.

Ka Kitab U Job 15:30

Wat ka syrngiew jong u kan jah noh, bad un ym lait na ka jingdum. Un long kum u dieng ïa kiba ki tnat la thang da ka ding, uba ki shylluit la rong noh da ka lyer.

SALM 80:15

To wan bad pynim ïa une u dieng sohwaiñ uba me la thung, une u dieng sohwaiñ ba dang lung uba me la pynkhlaiñ ïa u katba u nang san!

ISAÏAH 14:19

hynrei mem don kano kano ka jingtep, bad ïa ka metïap jong me la bret shabar ba kan pyut. La tap ïa ka da ki met jong ki shipai ba la shah pynïap ha ka thma, la kynting ïa ka lem bad ki ha ka thliew mawsiang, bad la ïuh ïa ka.

ISAÏAH 27:10

Ka nongbah ba la kerkut ka don ha ka jingjot. La iehnoh kynjah ïa ka kum ka ri khlaw kynjah bym don ei ei. Ka la long ka jaka bam phlang jong ki masi, ha kaba ki lah ban shongthait bad bam phlang.

ESEKIEL 17:9

“Kumta ma nga, U Trai Nongsynshar, nga kylli: Hato une u dieng sohwaiñ un im bad san? Hato u pukni uba nyngkong un ym rat ïa u na ki thied, phut noh ïa ki sohwaiñ, bad pynkheiñ ïa ki tnat bad shah ïa ki ban ïapstai? Kam da shim shibun eh ka jingkhlaiñ lane ka hima bakhlaiñbor ban rat ïa ka.

MATHAÏOS 13:41

U Khun U Briew un phah ïa la ki angel ba lumlang napoh ka Hima jong u ïa kito baroh kiba pynlong ïa ki briew jong u ban leh pop bad ïa baroh kiwei pat kiba leh ïa kiei kiei kiba sniew,

MATHAÏOS 27:5

U Judas u la bret ïa ki sbai rupa ha madan hapoh ka Templ bad u la mihnoh; nangta u la leit bad u la sdien phasi ïa lade.

MATHAÏOS 3:10

Ïa u sdie la pynkhreh ban khet ïa ki dieng na ki thied; ïa uwei pa uwei u dieng u bym sei ki soh babha yn khet noh bad bret ha ka ding.

MATHAÏOS 7:19

Bad ïa uno uno u dieng u bym pynmih u soh uba bha la ju khet noh bad bret hapoh ka ding.

ÏOANNIS 15:2

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

HEBRU 10:27

Pynban, kaei kaba dang sah ka long ban ap da ka jingsheptieng ïa ka Jingbishar ka ban sa wan bad ïa ka ding kaba klang ka ban sa bam duh ïa kita kiba ïaleh pyrshah ïa U Blei!

2 PETROS 2:20

Lada ki briew ki la lait im na ki bor ba pynpyut jong ka pyrthei da ka jingtip jong ki ïa U Jisu Khrist uba U Trai bad U Nongpynim jong ngi, bad nangta ki ngat biang bad shahjop ha ki, kum kita ki briew ki don ha ka jinglong kaba kham sniew ha kaba kut ban ïa kaba ki la long ha kaba nyngkong.

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.

JINGPYNPAW 20:15

Ïa uno uno uba ïa ka kyrteng jong u ym shym la thoh ha ka kitab kiba im la bret sha ka pung ka ding.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”