ÏOANNIS 15:27 - Khasi CL Bible (BSI)

²⁷ Bad ma phi, ruh, phin kren shaphang jong nga, namar ba phi la don lem bad nga naduh kaba sdang.

KA BAIBL

²⁷ Bad phi ruh phin phla, naba phi la don lem bad nga naduh kaba mynnyngkong.

ÏOANNIS 15:27 ပူးပေါင်းရင်းမြစ်များ

MARKOS 1:1

Kane ka dei ka Khubor Babha shaphang U Jisu Khrist, U Khun U Blei.

LOUKAS 24:48

Phi long ki sakhi ïa kine kiei kiei.

ÏOANNIS 19:35

(Uta uba la ïohi ïa kane ba ka jia u la kren shaphang jong ka, khnang ba ma phi ruh phin ïoh ngeit. Kaei kaba u la ong ka long kaba shisha, bad u tip ba u kren ïa ka jingshisha.)

ÏOANNIS 21:24

U long u synran uba la kren kine kiei kiei, uta uba la thoh ruh ïa kine; bad ngi tip ba kaei kaba u ong ka long kaba shisha.

KI KAM 1:8

Hynrei haba U Mynsiem Bakhuid u wan ha phi, yn pyndap ïa phi da ka bor, bad phin long ki sakhi jong nga ha Jerusalem, ha baroh ka Judia bad Samaria, bad shaduh kiba kut jong ka pyrthei.”

KI KAM 13:31

bad bun sngi u la mihpaw ha kito kiba la ïaleit lem bad u na Galilaïa sha Jerusalem. Ki long mynta ki sakhi na ka bynta jong u sha ki paid Israel.

KI KAM 18:5

Haba u Silas bad u Timothi ki la poi na Makedonia, u Paul u la pynlut ïa ka por jong u baroh ha kaba ïalap ïa ka khubor, da kaba sakhi ha ki Jiw ba U Jisu u dei U Messaïah.

KI KAM 23:11

Ha kata ka miet U Trai u la ïeng hajan u Paul bad u la ong, “Wat sheptieng! Me la ai ka jingsakhi na ka bynta jong nga hangne ha Jerusalem, bad me dei ban leh kumjuh ruh ha Rom.”

KI KAM 3:15

Phi la pynïap ïa uta uba ïalam sha ka jingim, hynrei U Blei u la pynmihpat ïa u na ka jingïap — bad ngi long ki sakhi ïa kane.

KI KAM 4:20

Naba ngim lah ban sangeh ban kren ïa kaei kaba ma ngi hi ngi la ïohi bad ïohsngew.”

KI KAM 4:33

Da ka bor bakhraw ki apostol ki la sakhi ïa ka jingmihpat jong U Trai Jisu, bad U Blei u la theh ki jingkyrkhu ba-dap kyrhai ha ki baroh.

1 PETROS 5:1

Ma nga, uba ïa lade nga long u nongsharai balang, nga kyntu ïa ki nongsharai balang ka balang hapdeng jong phi. Nga long u sakhi ïa ki jingshahshitom U Khrist, bad ngan ïoh bynta ha ka burom kaba yn sa pynpaw.

1 PETROS 5:12

Nga thoh ha phi ïa kane ka shithi kaba lyngkot da ka jingïarap u Silas, ïa uba nga ñiew kum u para Khristan baïaineh. Nga kwah ban pynshlur ïa phi bad ban ai ïa ka jingphla jong nga ba kane ka dei ka jingaiei bashisha jong U Blei. To ïeng skhem ha ka.

1 ÏOANNIS 4:14

Bad ngi la ïohi bad ïathuh ha kiwei ba U Kpa u la phah ïa la U Khun ban long U Nongpynim jong ka pyrthei.

JINGPYNPAW 1:2

bad u Ïoannis u la ïathuh ïa baroh kaba u la ïohi. Kane ka long ka jingïathuh jong u shaphang ka khubor na U Blei bad ka jingshisha ba la pynpaw da U Jisu Khrist.

JINGPYNPAW 1:9

Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.