ÏOANNIS 15:24 - Khasi CL Bible (BSI)

²⁴ Kin ym da la sngewrem ïa ka pop lada ngam shym la leh hapdeng jong ki ïa kiei kiei kiba ym don uno uno uwei pat uba la ju leh; kumba ka long, ki la ïohi ïa kaei kaba nga la leh, bad ki shun ïa nga bad ïa U Kpa jong nga.

KA BAIBL

²⁴ Lada ngam shym la lah leh hapdeng jong ki, ïa ki jingleh ïa kiba ym don uwei pat uba la leh, kin ym da la don ka pop; hynrei, mynta, ki la ïohi, bad ki la shun ruh ïa nga bad ïa U Kpa jong nga.

ÏOANNIS 15:24 ပူးပေါင်းရင်းမြစ်များ

SALM 81:15

Kito kiba isih ïa nga kin dem ngon ha ka jingsheptieng ha khmat jong nga, ka jingpynshitom ïa ki kan neh junom.

EKSODOS 20:5

Wat dem lane mane ïa kano kano ka bleithaw, naba nga, nga long U Trai U Blei jong phi bad ngam lah shah ïano ïano ba pyrshah ïa nga. Nga wallam ka jingpynshitom ha kito kiba isih ïa nga bad ha ki khun ki ksiew jong ki haduh kaba lai bad kaba saw pateng bynriew.

PROBERB 8:36

U briew u bym shem ïa nga u pynmong ïa lade; kat uba isih ïa nga u ieit ïa ka jingïap.”

MATHAÏOS 11:5

kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

MATHAÏOS 21:32

Naba u Ïoannis u Nongpynbaptis u la wan ha phi da kaba pyn-i ha phi ïa ka lynti ïaid kaba dei, bad phim shym la ngeit ïa u; hynrei ki nonglum khajna bad ki nuti ki la ngeit ïa u. Wat haba phi la ïohi ïa kane, phim shym la kylla ïa la ki jingmut hadien bad ngeit ïa u.

MATHAÏOS 9:33

Hynrei mar syn beh noh ïa u ksuid, u briew u la sdang ban kren, bad uwei uwei baroh u la lyngngoh, “Ngim pat ju ïohi mynno mynno ruh kum kane ha Israel!” ki la ong.

MARKOS 2:12

Katba baroh ki dang ïa-peit, uta u briew u la ïeng joit, u la rah ïa la ka jingthiah, bad mar kumta hi u la leit noh. Baroh ki la ïa-sngewlyngngoh haduh katta katta bad ki la ïaroh ïa U Blei, ki da ong, “Ngim pat ju ïohi kum kane kaei kaei!”

LOUKAS 24:19

“Kiei kita?” u la kylli. “Kiei kiei kiba la jia ha U Jisu uba na Nasareth,” ki la jubab. “Une u briew u la long u nongïathuhlypa bad la ñiew da U Blei bad da ki briew baroh ba u long uba donbor ha kiei kiei baroh kiba u kren bad leh.

ÏOANNIS 10:32

U Jisu u la ong ha ki, “Nga la leh shibun ki kam babha ha khmat jong phi ïa kiba U Kpa u la ai ïa nga ban leh; kano na kine ba phi kwah ban lynthem maw ïa nga?”

ÏOANNIS 10:37

Wat ngeit ïa nga, namarkata, lada ngam leh ïa kiei kiei kiba U Kpa jong nga u kwah ïa nga ban leh.

ÏOANNIS 12:10

Kumta ki rangbah lyngdoh ki la ïasylla ban pynïap ïa u Lasaros ruh, namar na kaei kaba la jia ha u, bun ki Jiw ki la kyntait ïa ki bad ki la ngeit ha U Jisu.

ÏOANNIS 12:45

Uno uno uba ïohi ïa nga u ïohi ruh ïa uta uba la phah ïa nga.

ÏOANNIS 14:9

U Jisu u la jubab, “Naba la slem nga la don bad phi baroh; pynban mem ithuh ïa nga, ko Philip? Uno uno uba la ïohi ïa nga u la ïohi ïa U Kpa. Balei, te, me ong, ‘To pyn-i ha ngi ïa U Kpa?’

ÏOANNIS 15:21

Hynrei kin leh ïa kane baroh ïa phi namar ba phi long ki jong nga; naba kim ithuh ïa uta uba la phah ïa nga.

ÏOANNIS 15:22

Kin ym da la sngewrem ïa la ka pop lada ngam shym la wan bad ngam shym la kren ha ki; kumba ka long, kim don nia ei ei shuh na ka bynta la ka pop.

ÏOANNIS 15:23

Uno uno uba shun ïa nga u shun ïa U Kpa jong nga ruh.

ÏOANNIS 16:9

Ki bakla shaphang ka pop, namar ba kim shym la ngeit ha nga;

ÏOANNIS 3:2

Ha kawei ka miet, une u la leit sha U Jisu bad u la ong ha u, “Ko Rabbi, ngi tip ba me long u nonghikai ïa uba la phah da U Blei. Ym don uno uno uba lah ban leh ïa ki kambah kiba me leh lymda U Blei u don ryngkat bad u.”

ÏOANNIS 5:36

Hynrei nga don ka jingphla na ka bynta jong nga kaba kham khraw ban ïa ka jingphla kaba u Ïoannis u la ai: Kaei kaba nga leh, kata ka long, ki kam kiba U Kpa jong nga u la ai ïa nga ban leh, kine ki kren na ka bynta jong nga bad ki pyn-i ba U Kpa u la phah ïa nga.

ÏOANNIS 6:36

Mynta, nga la ïathuh ïa phi ba phi la ïohi ïa nga hynrei phin ym ngeit.

ÏOANNIS 7:31

Hynrei bun na uta u paidbah u la ngeit ha u bad u la ong, “Haba U Messaïah un wan, hato un leh kham bun ki kambah ban ïa kaba une u briew u la leh?”

ÏOANNIS 9:32

Naduh myn dang long ka pyrthei ym pat don mano mano ba la ïohsngew ba uno uno u ai jingïoh imat pat ïa u briew uba la kha matlah.

ÏOANNIS 9:41

U Jisu u la jubab, “Lada phi la long kiba matlah, te phin ym long kiba la shah pynrem; hynrei naba phi kam ba phi ïohi, kane ka mut ba phi dang don ha ka jingpynrem.”

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

KI KAM 2:22

“A to shahshkor ïa kine ki kyntien, ko para nong Israel! U Jisu uba na Nasareth u la long u briew uba ïa ka bor ba kynja blei jong u la pynshisha da kaba shai ha phi da ki kambah bad kamphylla baroh kiba U Blei u la leh lyngba jong u. Phi hi phi tip ïa kane, naba ka la jia hangne hapdeng jong phi.

Ka Shithi U Paul Sha Ki Nong Rom 1:30

Ki ïa-lorni bad kren sniew uwei ïa uwei pat; ki long kiba shun ïa U Blei, kiba pynbitar, kiba sarong bad kiba sngewmeng; ki pyrkhat ïa kiba bun ki lynti ban leh ïa kaba sniew; kim kohnguh ïa la ki kmie ki kpa;

DEUTERONOMI 5:9

Wat dem ne mane ïa kano kano ka bleithaw, naba nga U Trai U Blei jong phi ngam lah shah ba phin mane ïa kiwei pat ki blei. Nga pynshitom ïa kito kiba isih ïa nga bad ïa ki khun ki ksiew jong ki haduh kaba lai bad kaba saw pateng.

2 TIMOTHI 3:4

kin long kiba shetkylla, kiba leh thurmur, bad kiba hangamei; kin ieit ïa ka jingsngewbha ban ïa U Blei;

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.