ÏOANNIS 15:22 - Khasi CL Bible (BSI)

²² Kin ym da la sngewrem ïa la ka pop lada ngam shym la wan bad ngam shym la kren ha ki; kumba ka long, kim don nia ei ei shuh na ka bynta la ka pop.

KA BAIBL

²² Lada ngam shym la wan bad la kren ha ki, kin ym da la don ka pop: hynrei, mynta, kim don ka jingkrendong shuh ïa la ka pop.

ÏOANNIS 15:22 ပူးပေါင်းရင်းမြစ်များ

ESEKIEL 2:5

La kito kiba ïaleh pyrshah kin shahshkor ïa me ne kim shahshkor, kin tip ba don u nongïathuhlypa hapdeng jong ki.

LOUKAS 12:46

nangta u kynrad un wan phai pat ha kawei ka sngi haba u shakri um shym khmih lynti ïa u bad ha ka por kaba um tip. U kynrad un ot lyngkhot lyngkhai ïa u bad un pynlong ïa u ban ïoh bynta ïa ka kupar jong ki bymkohnguh.

ÏOANNIS 12:48

Uno uno uba kyntait ïa nga bad u bym pdiang ïa ka khubor jong nga, u don uwei u ban bishar ïa u. Ki ktien kiba nga la kren kin long u nongbishar jong u ha ka sngi kaba khatduh!

ÏOANNIS 15:23

Uno uno uba shun ïa nga u shun ïa U Kpa jong nga ruh.

ÏOANNIS 15:24

Kin ym da la sngewrem ïa ka pop lada ngam shym la leh hapdeng jong ki ïa kiei kiei kiba ym don uno uno uwei pat uba la ju leh; kumba ka long, ki la ïohi ïa kaei kaba nga la leh, bad ki shun ïa nga bad ïa U Kpa jong nga.

ÏOANNIS 16:9

Ki bakla shaphang ka pop, namar ba kim shym la ngeit ha nga;

ÏOANNIS 19:11

U Jisu u la jubab, “Me don ka bor halor jong nga tang namar ba la ai ha me da U Blei. Kumta u briew uba aiti noh ïa nga ha me u long uba la rem na ka pop kaba kham khraw.”

ÏOANNIS 9:41

U Jisu u la jubab, “Lada phi la long kiba matlah, te phin ym long kiba la shah pynrem; hynrei naba phi kam ba phi ïohi, kane ka mut ba phi dang don ha ka jingpynrem.”

KI KAM 17:30

U Blei u la peit lyndet ïa ki por haba ki briew kim shym la ithuh ïa u, hynrei mynta u hukum ïa ki baroh kylleng sawdong ban phai noh ïa ki lynti bymman jong ki.

Ka Shithi U Paul Sha Ki Nong Rom 1:20

Naduh ba U Blei u la thaw ïa ka pyrthei, ki jinglong bym lah ban ïohi jong u, ka bor bymjukut bad ka jinglong ba kynja Blei jong u, la ïohi shai kdar; la ïohi ïa ki ha kiei kiei kiba U Blei u la thaw. Kumta kito ki briew kin ym lait satia!

Ka Shithi U Paul Sha Ki Nong Rom 2:1

Hato, ko paralok jong nga, phi bishar ïa kiwei pat? Phim lah lait satia, lada phi long uei uei ruh. Namar haba phi bishar ïa kiwei bad nangta phi leh ïa kijuh kiei kiei kiba ki leh, phi pynrem ïa lade.

JAKOB 4:17

Kumta te, u briew u bym leh ïa kaba bha kaba u tip ba u dei ban leh u long uba shah pynrem namar ka pop.

1 PETROS 2:16

To im kum ki briew kiba laitluid; hynrei wat pyndonkam ïa ka jinglaitluid ban buhrieh ïa kano kano kaba sniew, hynrei to im kum ki mraw jong U Blei.