ÏOANNIS 15:2 - Khasi CL Bible (BSI)

² U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

KA BAIBL

² Ka tnat baroh ba ha nga ka bymsei soh u ngor noh; bad ka tnat baroh kaba sei soh, u khyllad ïa ka, ba kan ïoh sei soh kham bun.

ÏOANNIS 15:2 ပူးပေါင်းရင်းမြစ်များ

Ka Kitab U Job 17:9

Kito kiba dawa ba ki long kiba donburom ki la nang sngewdei shuh shuh ba kim shym la bakla.

SALM 92:14

kiba dang seisoh haba ki la tymmen ruh bad ki ïai jyrngam bad khlaiñ.

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

ISAÏAH 27:9

Hynrei ïa ki pop jong ki Israel yn map tang haba ïa ki maw jong ki duwan ki blei thala la pynlwet jin kum u shok, bad ba ym don shuh ki duwan thang iwbih lane ki dur jong ka blei Asherah kiba dang sah.

ISAÏAH 29:19

Ki briew kiba duk bad kiba rit kyrdan kin shem pat ïa ka jingsuk kaba U Trai, U Blei Bakhuid jong ki Israel, un ai.

DANIEL 11:35

Katto katne na kito ki nongïalam bastad kin shah pynïap, hynrei kaba mih na kane ka long ba yn pynkhuid ïa ki briew. Kane kan ïailong tad haduh ba kaba kut kan wan, ka por kaba U Blei u la buh.

HOSIA 6:3

To ngin ïai pyrshang ban tip ïa U Trai. Da shisha un sa wan sha ngi kum ka step phyrngab, shisha kum u slap pyrem uba ai um ïa ka khyndew.”

MALAKHI 3:3

Un wan ban bishar kum uwei uba phrang bad pynkhuid ïa ka rupa. Kumba u nongtrei nar u phrang ïa ka rupa bad ka ksiar, kumta u nonglamktien jong U Trai un pynkhuid ïa ki lyngdoh, khnang ba kin wallam sha U Trai da ki jingainguh kiba dei.

MATHAÏOS 13:12

Naba ha u briew uba don ei ei yn nang ai shuh shuh, khnang ba un ïoh kham bun; hynrei ha u briew u bym don ei ei yn shim noh na u wat ïa kaba rit tam kaba u don.

MATHAÏOS 13:33

U Jisu u la ïathuh ha ki sa kawei pat ka pharshi. “Ka Hima ki Bneng ka long kumne. Ka briew ka shim khyndiat u thiat bad ka khleh ïa u bad sawphew kilo u purew tad haduh ba u 'purew ba la khleh u sieb.”

MATHAÏOS 15:13

“Ïa u jingthung baroh ïa uba U Kpa jong nga uba ha bneng um shym la thung, yn rat noh,” la jubab U Jisu.

MATHAÏOS 21:19

U la ïohi ïa u dieng Dumbur harud ka lynti bad u la leit sha u, hynrei um shem ei ei ha u lait noh tang ki sla. Kumta u la ong ha u dieng, “Men ym pynmih soh shuh!” Mar kumta hi u dieng Dumbur u la ïap tyrkhong.

MATHAÏOS 25:29

Naba ïa uwei pa uwei u briew uba don ei ei, yn sa ai kham bun, bad un don kyrhai; hynrei ha u briew u bym don ei ei, wat ïa kaba khyndiat kaba u don yn shim noh na u.

MATHAÏOS 3:10

Ïa u sdie la pynkhreh ban khet ïa ki dieng na ki thied; ïa uwei pa uwei u dieng u bym sei ki soh babha yn khet noh bad bret ha ka ding.

MATHAÏOS 3:12

U don la ka byrsha pynher stait ban shoh ïa u kew baroh. Un lumlang ïa u kew ha ka thiar jong u, hynrei un thang ïa u stait ha ka ding ka bym ju lip.”

MATHAÏOS 7:19

Bad ïa uno uno u dieng u bym pynmih u soh uba bha la ju khet noh bad bret hapoh ka ding.

MARKOS 4:20

Hynrei kiwei pat ki briew ki long kum ki symbai ba la bet ha ka khyndew kaba bha. Ki ïohsngew ïa ka khubor, ki pdiang ïa ka, bad ki seisoh: katto katne laiphew, katto katne hynriewphew, bad katto katne shispah.”

LOUKAS 8:13

Ki symbai kiba hap halor ka jaka maw ki ïeng na ka bynta kito kiba ïohsngew ïa ka khubor bad kiba pdiang ïa ka da kaba kmen. Hynrei kam shym ngam jylliew hapoh jong ki; ki ngeit tang shipor hynrei haba ka por jingtynjuh ka wan poi, ki hap noh.

ÏOANNIS 15:1

“Nga, nga long u dieng sohwaiñ bashisha, bad U Kpa jong nga u long u nongsumar brisoh.

ÏOANNIS 15:16

Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 15:3

La pynlong khuid lypa ïa phi da ka jinghikai kaba nga la ai ha phi.

ÏOANNIS 15:6

Ïa uno uno u bymïaineh ha nga yn bret noh ïa u kum ka tnat bad u ïap tyrkhong; kum ïa kita ki tnat, la lumlang bad la bret noh ha ka ding, ha kaba la thang ïa ki.

ÏOANNIS 15:8

Ka burom U Kpa jong nga ka paw da ka jingseisoh ba bun jong phi; bad ha kane ka rukom phi long ki synran jong nga.

ÏOANNIS 17:12

Mynba nga la don lem bad ki, nga la ri kyndong ïa ki da ka bor ka kyrteng jong me, ka kyrteng kaba me la ai ha nga. Nga la ïada ïa ki, bad ym don uwei ruh na ki uba la jah noh, lait tang u briew uba la dei ban jah — khnang ba ka Jingthoh Bakhuid kan urlong shisha.

Ka Shithi U Paul Sha Ki Nong Rom 11:17

Ïa ki katto katne na ki tnat jong u dieng Olib ba la thung, la pynkheiñ noh, bad ba ïa u tnat jong u dieng Olib khlaw la pynïasoh bad u. Ma phi ki Jentil phi long kum ki dieng Olib khlaw, bad mynta phi ïadon bynta ha ka jingim ba kynja mynsiem bakhlaiñ jong ki Jiw.

Ka Shithi U Paul Sha Ki Nong Rom 11:22

Hangne ngi ïohi katno U Blei u long uba sbun bad katno u long uba eh. U long uba eh ïa kito kiba la kyllon, hynrei uba sbun ïa phi — lada phi ïaineh ha ka jingsbun jong u. Hynrei lada phim leh kumta, ma phi ruh phin sa shah pynkheiñ.

Ka Shithi U Paul Sha Ki Nong Rom 8:28

Ngi tip ba ha kiei kiei baroh, U Blei u trei na ka bynta ka jingpynbha ïa kito kiba ieit ïa u, ïa kito ïa kiba u la khot kat kum ka jingthmu jong u.

1 KORINTH 13:1

Nga lah ban kren ha ki ktien jong ki briew bad wat ha ka jong ki angel ruh, hynrei lada ngam don ka jingieit, ka jingkren jong nga ka long kum ka wiang rnong ba sawa ne kum ka shakuriaw bariew shaw shaw.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

HEBRU 12:15

To sumar ban ym phai dien noh na ka jingaiei U Blei. Wat ai ba uno uno un long kum u jingthung uba kthang, uba san bad uba pynjynjar da ka bih jong u.

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.

JINGPYNPAW 3:19

Nga sneng bad sympat ïa baroh kiba nga ieit. Long kaba thrang eh, te, bad phai noh na ki pop jong pha.