ÏOANNIS 15:16 - Khasi CL Bible (BSI)

¹⁶ Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

KA BAIBL

¹⁶ Phi, phim shym la jied ïa nga, hynrei, nga, nga la jied ïa phi, bad nga la thung ïa phi, ba phi phin ïoh ïai-leit bad sei soh, bad ba u soh jong phi un ïoh ïaineh; ba kaei kaei ruh ba phin pan na uta U Kpa ha ka kyrteng jong nga, un ai ha phi.

ÏOANNIS 15:16 ပူးပေါင်းရင်းမြစ်များ

JENESIS 18:18

Ki khun ki ksiew jong u kin long ka jaitbynriew kaba khraw bad kaba donbor, bad da u ngan kyrkhu ïa ki jaitbynriew baroh.

SALM 145:4

Yn ïaroh ïa kaei kaba me la leh na kawei ka pateng bynriew sha kawei pat; kin pynbna ïa ki jingtrei borbah jong me.

SALM 71:18

Mynta ba nga la tymmen ruh bad ba u shñiuh jong nga u la lieh, wat iehnoh ïa nga, A Blei! to long bad nga katba nga pynbna ïa ka bor bad ka jingkhlaiñbor jong me ha ki pateng baroh ki ban sa wan.

PROBERB 11:30

Ka hok ka ai jingim, hynrei ka jinglehbor ka shim noh ïa ka.

ISAÏAH 27:6

Ha ki sngi ki ban sa wan ki paid Israel, ki khun ki ksiew u Jakob, kin suhthied kum u dieng, bad kin phuh bad shylluit. Ïa ka pyrthei yn pyndap da u soh uba ki pynmih.

MIKAH 5:7

Ki paid Israel kiba lait im kin long kum ka umjer ba pynpyngngad ba la phah da U Trai na ka bynta ki jaitbynriew ba bun, kum ki um slap ha ki jingthung ba dang mih. Kin shaniah ha U Blei, ym ha u briew.

MATHAÏOS 21:22

Lada phi ngeit, phin ïohpdiang ïa kaei kaei kaba phi pan ha ka jingduwai.”

MATHAÏOS 7:7

“To pan, bad phin ïohpdiang; to wad, bad phin shem; to tied, bad ïa ka jingkhang yn plie ïa phi.

LOUKAS 6:13

Haba ka la shai, u la khot ïa la ki synran sha u bad u la jied khat-ar ngut na ki, ïa kiba u la ai kyrteng, ki apostol:

ÏOANNIS 13:18

“Ngam shym kren shaphang jong phi baroh; nga tip ïa kito kiba nga la jied. Hynrei ka Jingthoh Bakhuid ka dei ban urlong shisha, kaba ong, ‘U briew uba la ïabam lang ïa ka jingbam jong nga u phai pyrshah ïa nga.’

ÏOANNIS 15:19

Lada phi long jong ka pyrthei, te ka pyrthei kan ieit ïa phi kum la ki jong hi. Hynrei nga la jied ïa phi na kane ka pyrthei, bad phim long shuh ki jong ka; na kata ka daw ka pyrthei ka shun ïa phi.

ÏOANNIS 15:5

“Nga long u dieng sohwaiñ, bad phi long ki tnat. Uno uno uba ïaineh ha nga, bad ma nga ha u, un seisoh shibun; naba phim lah ban leh ei ei khlem ma nga.

ÏOANNIS 6:70

U Jisu u la phai ktien, “Hato ngam shym la jied ïa phi baroh khat-ar ngut? Pynban uwei na phi u long u ksuid!”

KI KAM 1:24

Nangta ki la duwai, “A Trai, me tip ïa ki jingpyrkhat jong uwei pa uwei, kumta pyn-i ha ngi uno na kine ar ngut uba me la jied

KI KAM 1:8

Hynrei haba U Mynsiem Bakhuid u wan ha phi, yn pyndap ïa phi da ka bor, bad phin long ki sakhi jong nga ha Jerusalem, ha baroh ka Judia bad Samaria, bad shaduh kiba kut jong ka pyrthei.”

KI KAM 10:41

ym ha baroh, hynrei tang ha ki sakhi kiba U Blei u la lah jied, kata, ha ngi kiba la ïabam bad ïadih bad u hadien ba u la mihpat na ka jingïap.

KI KAM 22:14

U la ong, ‘U Blei jong ki kpa tymmen jong ngi, u la jied ïa me ban tip ïa ka mon jong u, bad ban ïohi ïa U Shakri bahok jong u, bad ban ïohsngew ïa u ba u kren ha ka sur jong u hi.

KI KAM 9:15

U Trai u la ong ha u, “Khie leit, namar ba nga la jied ïa u ban shakri ïa nga, ban pyntip ïa ka kyrteng jong nga ha ki Jentil bad ha ki syiem bad ha ki paid Israel.

Ka Shithi U Paul Sha Ki Nong Rom 1:13

Phi dei ban kynmaw, ko ki parabangeit jong nga, ba bunsien nga la thmu ban wan jngoh ïa phi, hynrei don kaei kaei kaba la ju khang ïa nga borabor na kaba leh kumta. Nga kwah ban jop ïa ki mynsiem napdeng jong phi ruh, kumba nga la ju leh hapdeng kiwei ki Jentil.

Ka Shithi U Paul Sha Ki Nong Rom 1:5

Lyngba jong u, U Blei u la ai ïa nga ka kabu ban long u apostol na ka bynta U Khrist, khnang ban ïalam ïa ki briew na ki jaitbynriew baroh ban ngeit bad ban kohnguh.

Ka Shithi U Paul Sha Ki Nong Rom 15:4

Ïa kiei kiei ba la thoh ha ki Jingthoh Bakhuid, la thoh ban hikai ïa ngi, khnang ba ngin don ïa ka jingkyrmen lyngba ka jingïaishah bad ka jingpynshlur kiba ki Jingthoh Bakhuid ki ai ïa ngi.

Ka Shithi U Paul Sha Ki Nong Rom 9:21

Ha ka jingshisha, u briew uba thaw ïa ki khiew u don ka hok ban pyndonkam ïa ka dewbyrtha katba u kwah, bad ban thaw ar tylli ki khiew na kawei ka lyngngun dewbyrtha, ïa uwei na ka bynta ki por bakyrpang bad ïa uwei pat na ka bynta ka jingpyndonkam paidbah.

1 KORINTH 10:11

Kine kiei kiei baroh ki la jia ha ki kum ki nuksa ïa kiwei pat, bad la thoh ïa kine kum ka jingmaham ïa ngi. Naba ngi im ha ka por ba kaba kut ka la jan poi.

GALATIA 1:15

Hynrei U Blei ha ka jingaiei jong u, u la jied ïa nga wat shuwa ban kha ïa nga, bad u la khot ïa nga ban shakri ïa u.

EPHESOS 2:10

U Blei u la pynlong ïa ngi kumba ngi long, bad ha U Khrist Jisu u la pynlong ïa ngi ban im na ka bynta ki kam babha, ïa kiba u la pynkhreh lypa ba ngin leh ïa ki.

KOLOSSAI 1:23

Phi dei, da shisha, ban ïaineh ha ka nongrim kaba skhem bad kaba thikna, bad phim dei ban shah ïa lade ban shah pynkhynñiuh na ka jingkyrmen kaba phi la ïoh myn haba phi la ïohsngew ïa ka gospel. Ka dei na kane ka gospel ba ma nga u Paul, nga la kylla long u shakri — kane ka gospel kaba la ïalap ha uwei pa uwei ha ka pyrthei.

KOLOSSAI 1:6

Ka gospel ka ïai wallam ki jingkyrkhu bad ka par kylleng ka pyrthei, kumba ka la long hapdeng jong phi naduh kata ka sngi kaba phi la ïohsngew nyngkong shaphang ka jingaiei jong U Blei bad phi la tip ïa ka kumba ka long shisha.

2 TIMOTHI 1:11

U Blei u la thung ïa nga kum u apostol bad u nonghikai ban pynbna ïa ka Khubor Babha, bad dei na kane ka daw ba nga shahshitom ïa kine kiei kiei.

2 TIMOTHI 2:2

Shim ïa ki jinghikai kiba me la ïohsngew ba nga pynbna ha khmat ki sakhi babun, bad aiti ïa ki ha ki briew kiba lah ban shaniah, kiba lah ban hikai ïa kiwei ruh.

TITOS 1:5

Nga la iehnoh ïa me ha Krit, khnang ba men buh ryntih ïa kiei kiei kiba dang donkam ban leh bad ban thung ïa ki nongsharai balang ha man la ki shnong. To kynmaw ïa ki jingbthah jong nga:

HEBRU 11:4

Dei ka jingngeit kaba la pynlong ïa u Abel ban ainguh ha U Blei ïa ka jingkñia kaba kham bha ban ïa ka jong u Kain. Lyngba ka jingngeit jong u, u la ïohpdiang ka jingsngewbha U Blei kum u briew uba hok, namar U Blei hi u la pdiang ïa ki jingai sngewbha jong u. Da kata ka jingngeit, u Abel u dang ïai kren wat haba u la ïap.

JAKOB 3:18

Bad ka jingbha ka long ka jingmih ba la pynmih na ki symbai kiba ki nongpynïasuk ki la bet ha ka jingsuk.

1 PETROS 3:15

Hynrei to tiengburom ïa U Khrist ha ki dohnud jong phi, bad pyndonburom ïa u kum U Trai. To long kiba la kloi ha ki por baroh ban ai ka jubab ïa uno uno uba kylli ïa phi ban batai ïa ka jingkyrmen kaba don ha phi,

1 PETROS 3:2

Kan ym da donkam ïa phi ban da ong, namar kin ïohi katno phi long kiba sngur bad ba donburom ha ka jinglong jingim jong phi.

1 ÏOANNIS 4:10

Kane ka long kaei kaba ka jingieit ka long: Kam dei ba ngi la ieit ïa U Blei, hynrei, ba u la ieit ïa ngi bad u la phah ïa la U Khun ban long ka lynti ha kaba map ïa ki pop jong ngi.

1 ÏOANNIS 4:19

Ngi ieit namar U Blei u la ieit shuwa ïa ngi.