ÏOANNIS 15:15 - Khasi CL Bible (BSI)

¹⁵ Ngam khot shuh ïa phi ki shakri, namar u shakri um tip aïu u kynrad u leh. Pynban, nga khot ïa phi ki paralok, namar nga la ïathuh ïa phi ïa kiei kiei baroh kiba nga la ïohsngew na U Kpa jong nga.

KA BAIBL

¹⁵ Ngam khot shuh ki shakri ïa phi, naba u shakri um tip ïa kaei ba u leh u kynrad jong u: hynrei, nga la khot ‘ki lok’ ïa phi, namar ïa kiei kiei baroh kiba nga la ïohsngew na U Kpa jong nga, nga la pyntip ha phi.

ÏOANNIS 15:15 ပူးပေါင်းရင်းမြစ်များ

SALM 25:14

U Trai u long u paralok jong kito kiba kohnguh ïa u bad u pynskhem ïa la ka jutang bad ki.

PROBERB 18:24

Ki don ki jingïadei paralok ki bymneh, hynrei ki don ki paralok kiba lah ban shaniah palat ban ïa ki hynmen ki para.

AMOS 3:7

U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.

MATHAÏOS 13:11

U Jisu u la jubab, “Ïa ka jingtip shaphang kiei kiei kiba rieh jong ka Hima ki Bneng la ai ha phi, hynrei ym ha ki.

LOUKAS 10:23

Nangta U Jisu u la phai sha ki synran bad u la ong ha ki ha kaba rieh, “A katno phi long kiba donbok ban ïohi ïa kiei kiei kiba phi ïohi!

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

ÏOANNIS 13:16

Nga ong ha phi ïa ka jingshisha: U mraw um long kham khraw ban ïa u kynrad jong u, bad u nonglamktien um long kham khraw ban ïa uta uba la phah ïa u.

ÏOANNIS 15:20

To kynmaw ïa kaei kaba nga la ong ha phi: ‘U mraw um long kham khraw ban ïa la u Kynrad.’ Lada ki pynshitom ïa nga, kin pynshitom ïa phi ruh; lada ki la kohnguh ïa ka jinghikai jong nga, kin kohnguh ïa ka jong phi ruh.

ÏOANNIS 16:12

“Nga dang don shibun kiei kiei ban ong ha phi, hynrei mynta kan long palat eh ïa phi ban shah.

ÏOANNIS 17:26

Nga la pynithuh ïa me ha ki, bad ngan ïai leh kumta, khnang ba ka jingieit kaba me don ïa nga kan ïoh long bad ki, bad kumta nga ruh ngan ïoh long bad ki.”

ÏOANNIS 20:17

“Wat ktah ïa nga,” U Jisu u la ong ha ka, “namar ngam pat shym la leit kiew sha U Kpa. Hynrei khie leit sha ki para jong nga bad ïathuh ïa ki ba ngan leit phai sha u, uba long U Kpa jong nga bad U Kpa jong ki, U Blei jong nga bad U Blei jong ki.”

ÏOANNIS 4:19

“Nga ïohi ba me long u nongïathuhlypa, ko kynrad,” kata ka kynthei ka la ong.

ÏOANNIS 8:26

Nga don shibun ban ong shaphang jong phi, shibun ban ïoh pynrem ïa phi. Uta uba la phah ïa nga, pynban, u long uba shisha, bad nga ïathuh ïa ka pyrthei tang ïa kaei kaba nga la ïohsngew na u.”

KI KAM 20:27

Naba ngam shym la buhrieh na kaba pynbna ha phi ïa ka jingthmu baroh ka jong U Blei.

Ka Shithi U Paul Sha Ki Nong Rom 7:15

Ngam shemphang kaei kaba nga leh; namar ngam leh ïa kaei kaba nga kwah ban leh, hynrei pynban nga leh ïa kaei kaba nga isih.

1 KORINTH 2:16

Kumba ka Jingthoh Bakhuid ka ong, “Mano batip ïa ka jingmut U Trai? Mano ba lah ban ai jingmut ïa u?” Pynban, ma ngi, ngi don ïa ka jingmut U Khrist.

GALATIA 4:6

Ban pyn-i ba phi dei ki khun jong u, U Blei u la phah ïa U Mynsiem jong U Khun jong u ha ki dohnud jong ngi, U Mynsiem uba kyang, “Ko Pa, Pa jong nga.”

EPHESOS 1:9

U Blei u la leh ïa kata ha ka jingstad bad jingïohi jong u baroh ïa kaei kaba u la thmu, bad u la pynpaw shynna ha ngi ïa ka jingthmu ba la buhrieh ïa kaba u la lah thmu lypa ban pyndep da U Khrist.

EPHESOS 3:5

Ha ki por ba-mynshuwa ïa u khunbynriew ym shym la ïathuh ïa kane ka jingmaïan, hynrei, U Blei u la pynpaw ïa ka mynta da U Mynsiem ha ki apostol bad ki nongïathuhlypa bakhuid jong u.

KOLOSSAI 1:26

kaba long ka jingmaïan kaba u la buhrieh lyngba ki rta baroh kiba mynshuwa na ki jaitbynriew baroh hynrei mynta la pynpaw ha ki briew jong u.

PHILEMON 1:16

Bad mynta um long shuh tang kum u mraw, hynrei kham palat ban ïa u mraw: u long u para ba-ieit ha U Khrist. Katno u long uba kordor ïa nga! Bad katno khraw un long uba kordor ïa me, kum u mraw bad kum u para ha u Trai!

JAKOB 1:1

Na u Jakob, u shakri jong U Blei bad U Jisu Khrist uba U Trai: Ka jingai khublei ïa baroh ki briew jong U Blei ba la pynsakma sha kylleng ka pyrthei.

JAKOB 2:23

Bad ïa ka Jingthoh Bakhuid la pynshisha haba ka la ong, “U Abraham u la ngeit ha U Blei; bad namar ka jingngeit jong u, U Blei u la pdiang ïa u kum uba hok.” Bad kumta ïa u Abraham la khot u paralok jong U Blei.

1 PETROS 1:11

Ki pyrshang ban shem lano ka por kan long bad kumno kan wan. Kane ka la long ka por sha kaba U Mynsiem U Khrist uba don ha ki u kdew, ha kaba ïathuhlypa ïa ki jingshah shitom kiba U Khrist un hap ban shah bad ïa ka burom ka ban sa bud.

2 PETROS 1:1

Na u Simon Petros, u shakri bad u Apostol jong U Jisu Khrist — Sha kito ha kiba da ka hok jong U Blei jong ngi bad U Jisu Khrist U Nongpynim la ai ïa ka jingngeit kaba kordor kum ka jong ngi:

JUDAH 1:1

Na u Judah, u shakri jong U Jisu Khrist, bad u para jong u Jakob — Sha kito kiba la khot da U Blei, kiba im hapoh ka jingieit jong U Blei U Kpa bad ha ka jingsumar U Jisu Khrist:

JINGPYNPAW 1:1

Kane ka kitab ka long ka jingbuh jingthoh ïa ki jingjia kiba U Jisu Khrist u la pynpaw. U Blei u la ai ha u ïa kane ka jingpynpaw khnang ban pyn-i ha ki shakri jong u ïa kaei kaba dei ban jia shen. U Khrist u la pynlong ïa kine kiei kiei ban tip da u shakri jong u, u Ïoannis da kaba phah ïa la u angel sha u,