ÏOANNIS 15:12 - Khasi CL Bible (BSI)

¹² Ka hukum jong nga ka long kane: To ïa-ieit iwei ïa iwei pat, kumba nga ieit ïa phi.

KA BAIBL

¹² “Kane ka long ka hukum jong nga: Ba phin ïa-ieit paralok hi, kumba nga la ieit ïa phi.

ÏOANNIS 15:12 ပူးပေါင်းရင်းမြစ်များ

MALAKHI 1:2

U Trai u ong ha ki briew jong u, “Nga la ju ieit ïa phi borabor.” Hynrei ki jubab, “Da kumno me la pyn-i ïa ka jingieit jong me ïa ngi?” U Trai u jubab, “U Iso bad u Jakob ki la long shi para, hynrei nga la ieit ïa u Jakob bad ïa ki khun ki ksiew jong u,

ÏOANNIS 13:34

Bad mynta nga ai ha phi ka hukum kaba thymmai; to ïa-ieit iwei ïa iwei.

ÏOANNIS 15:17

Kane, te, ka long kaei kaba nga hukum ïa phi; to ïa-ieit iwei ïa iwei pat.

Ka Shithi U Paul Sha Ki Nong Rom 12:10

To ieit iwei ïa iwei ha ka jingrhem mynsiem kum ki parabangeit, bad to long kiba da kwah hir hir ban pyn-i ka jingburom iwei ïa iwei pat.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

1 THESSALONI 3:12

To U Trai un pynlong ïa ka jingieit jong phi iwei ïa iwei pat bad ïa ki briew baroh ban nang ïai san bad ban man khraw ha ka jingieit jong ngi ïa phi.

1 THESSALONI 4:9

Ym da donkam ban thoh sha phi shaphang ka jingïa-ieit ïa ki parabangeit jong phi. Ma phi hi phi long kiba la ïoh hikai na U Blei kumno phi dei ban ieit iwei ïa iwei pat.

2 THESSALONI 1:3

Ko parabangeit jong ngi, ngi dei ban ainguh ïa U Blei ha ki por baroh na ka bynta jong phi. Ka long kaba dei ïa ngi ban leh kumta, namar ba ka jingngeit jong phi ka la san shikatdei eh bad ba ka jingieit kaba iwei pa iwei na phi, phi don na ka bynta kiwei pat ka la nang kham khraw.

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 PETROS 3:8

Kum ban pynkut: Phi baroh to ïadon kajuh ka jingmut bad kajuh ka jingsngew, to ïa-ieit iwei ïa iwei pat kum shi para, bad to long kiba sbun mynsiem bad kiba sngewrit iwei ïa iwei pat.

1 PETROS 4:8

Nalor kiei kiei baroh, to ïa-ieit shitrhem iwei ïa iwei pat, namar ka jingieit ka tap noh lin ïa ki pop babun.

1 ÏOANNIS 3:23

Kaei kaba u hukum ka long ba ngi ngeit ha U Jisu Khrist, U Khun jong u bad ngi ïa-ieit iwei ïa iwei, kumba U Khrist u la hukum ïa ngi.

1 ÏOANNIS 4:21

Ka hukum kaba U Khrist u la ai ha ngi ka long kane: Uno uno uba ieit ïa U Blei u dei ban ieit ïa la u parabriew ruh.

2 ÏOANNIS 1:5

Bad kumta nga kyrpad ïa phi, ko Kynthei badonburom: To ai ba baroh ngin ïa-ieit iwei ïa iwei pat. Kane kam long ka hukum kaba thymmai kaba nga thoh sha phi; ka long ka hukum kaba ngi la don naduh mynnyngkong.