ÏOANNIS 15:11 - Khasi CL Bible (BSI)

¹¹ “Nga la ïathuh ha phi ïa kane khnang ba ka jingkmen jong nga kan ïoh long ha phi bad ba ka jingkmen jong phi kan long kaba dap pura.

KA BAIBL

¹¹ Nga la kren ïa kine kiei kiei ruh ha phi, ba ka jingkmen jong nga kan ïoh long ha phi, bad ba ka jingkmen jong phi kan long kaba dap.

ÏOANNIS 15:11 ပူးပေါင်းရင်းမြစ်များ

ISAÏAH 53:11

Hadien ka jingim ba la shahshitom, un ïoh pat ïa ka jingkmen; un tip ba um shym la shahshitom lehnoh-ei. U shakri ba la aiti lut jong nga, ha uba nga sngewbha, un shah ïa ka jingpynshitom jong kiba bun bad na ka bynta jong u ngan map ïa ki.

ISAÏAH 62:4

Yn ym khot shuh ïa pha, “Kaba la shah iehnoh,” ne ïa ka ri jong pha yn khot, “Ka tnga ba la shah iehnoh.” Ka kyrteng bathymmai jong pha kan long “U Blei u sngewbha ïa ka.” Ïa ka ri jong pha yn khot, “Ka jingshongkurim kaba suk,” naba U Trai u sngewbha eh ïa pha, bad un long kum u tnga ïa ka ri jong pha.

JEREMAÏAH 32:41

Ngan sngewbha ha kaba leh kiei kiei kiba bha na ka bynta jong ki, bad ngan buh pynskhem junom ïa ki ha kane ka ri.

JEREMAÏAH 33:9

Ka Jerusalem kan long ka thymmei jong ka jingkmen, ka burom bad ka jingsngew sarong ïa nga; bad ki jaitbynriew baroh ha ka pyrthei kin sheptieng bad khynñiuh haba kin ïohsngew ïa kiei kiei kiba bha kiba nga leh ïa ki briew ka Jerusalem bad shaphang ka jingroi jingpar kaba nga wallam ha ka nongbah.”

SEPHANAÏAH 3:17

U Trai U Blei jong pha u long bad pha; ka bor jong u ka ai ha pha ka jingjop. U Trai un shem jingsngewbha ha pha, bad ha ka jingieit jong u un ai ha pha ka jingim bathymmai. Un rwai bad un kmen halor jong pha,

LOUKAS 15:23

Nangta khie leit bad shim ïa u khun masi uba la pynsngaid bha bad pynïap ïa u, bad to ngin ïalehkmen da ka jingkhawai!

LOUKAS 15:32

Hynrei ngi la dei ban lehkmen bad ban sngewkmen, namar u para jong phi uba la ïap, hynrei mynta u dang im; u la jah, hynrei mynta la shem pat ïa u.’ ”

LOUKAS 15:5

Haba u la shem ïa ka, u kmen haduh katta katta ba u buh ïa ka halor ki tyrpeng jong u bad bah pat ïa ka sha ïing.

LOUKAS 15:9

Haba ka shem ïa ka, ka khot lang ïa ki paralok bad ïa ki paramarjan jong ka, bad ka ong ha ki, ‘Nga kmen haduh katta katta ba nga la shem ïa ka pisa kaba nga la jah. To ngin ïalehkmen!’

ÏOANNIS 16:24

Haduh mynta phim ju pan ei ei ha ka kyrteng jong nga; to pan bad phin ïohpdiang, khnang ba ka jingkmen jong phi kan ïoh long kaba dap pura.

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

ÏOANNIS 17:13

Bad mynta nga wan noh sha me, bad nga ong ïa kine kiei kiei ha ka pyrthei khnang ba kin lah ban ïoh ïa ka jingkmen jong nga ha ki dohnud jong ki ha ka jingdap pura baroh.

ÏOANNIS 3:29

Ka nongleitkurim ka dei ka jong u nongleitkurim; hynrei u paralok jong u nongleitkurim, uba ïeng marsyndah bad shahshkor, u kmen haba u ïohsngew ïa ka sur jong u nongleitkurim. Kane ka long kumno ba ïa ka jingkmen jong nga la pyndap pura.

Ka Shithi U Paul Sha Ki Nong Rom 15:13

To U Blei, uba long ka tyllong jong ka jingkyrmen, un pyndap ïa phi da ka jingkmen baroh bad ka jingsuk kaba long da ka jingngeit jong phi ha u, khnang ba ka jingkyrmen jong phi kan ïai san da ka bor jong U Mynsiem Bakhuid.

2 KORINTH 1:24

Ngim shym pyrshang ban pynbor ïa kaei kaba phi dei ban ngeit; ngi tip ba phi ïeng skhem ha ka jingngeit. Pynban, ngi ïatrei lem bad phi na ka bynta ka jingkmen jong phi hi.

EPHESOS 5:18

Wat buaid da ka waiñ, ha kaba kan pynjot ïa phi; pynban, to long kiba la pyndap da U Mynsiem.

PHILIPPI 1:25

Nga sngewskhem ïa kane bad kumta nga tip ba ngan dang sah. Ngan dang ïaisah bad phi baroh, ban pynsan shuh shuh ïa phi bad ïa ka jingkmen ha ka jingngeit,

1 THESSALONI 5:16

To long kiba kmen borabor,

1 PETROS 1:8

Phi ieit ïa u, wat haba phim pat ïohi ïa u, bad phi ngeit ha u, wat la phim pat ïohi ïa u mynta. Te phi shadkmen da ka jingkmen kaba khraw bad kaba dap da ka burom kiba ki ktien kim lah ban batai,

1 ÏOANNIS 1:4

Ngi thoh ïa kane khnang ba ka jingkmen jong ngi kan long kaba dap pura.

2 ÏOANNIS 1:12

Nga don shibun eh ban ïathuh ha phi, hynrei ngan ym leh ïa kata ha ka kot bad ka sia; pynban, nga kyrmen ban da wan jngoh ïa phi bad ïakren markhmat bad phi, ba ka jingkmen jong ngi kan ïoh long kaba dap pura.