ÏOANNIS 15:10 - Khasi CL Bible (BSI)

¹⁰ Lada phi kohnguh ïa ki hukum jong nga, phin ïaineh ha ka jingieit jong nga, kumba nga la kohnguh ïa ki hukum U Kpa jong nga bad nga ïaineh ha ka jingieit jong u.

KA BAIBL

¹⁰ Lada phin sumar ïa ki hukum jong nga, phin ïoh ïaineh ha kata ka jingieit jong nga; kumba nga keiñ, nga la sumar ïa ki hukum uta U Kpa jong nga, bad nga ïaineh ha ka jingieit jong u.

ÏOANNIS 15:10 ပူးပေါင်းရင်းမြစ်များ

2 SAMUEL 22:22

Nga la kohnguh ïa ka aiñ jong U Trai; Ngam shym la phai noh na U Blei jong nga.

2 SYIEM 18:6

U long uba ïaineh ha U Trai bad um ju leh bymkohnguh ïa u, hynrei u husiar ban bat ïa ki hukum kiba U Trai u ai ha u Moses.

EKSODOS 7:6

U Moses bad u Aaron ki leh ïa kaei kaba U Trai u la hukum.

ISAÏAH 50:5

U Trai u la ai ha nga ïa ka jingshemphang, bad nga shym la ïaleh pyrshah lane phai noh na u.

ÏOANNIS 10:18

Ym don u ban shim noh ïa ka jingim jong nga na nga. Nga aiti ïa ka da la ka mon sngewbha hi. Nga don ka hok ban aiti noh ïa ka, bad nga don ka hok ban shim pat ïa ka. Kane ka long kaei kaba U Kpa jong nga u la hukum ïa nga ban leh.”

ÏOANNIS 12:49

Kane ka long kaba shisha, namar ngam shym la kren ha ka bor jong nga hi; hynrei U Kpa uba la phah ïa nga u la hukum ïa nga ïa kaei kaba nga dei ban ong bad kren.

ÏOANNIS 14:15

“Lada phi ieit ïa nga, phin sumar ïa ki hukum jong nga.

ÏOANNIS 14:21

“Uno uno uba pdiang ïa ki hukum jong nga bad ngeit ïa ki u long uta uba ieit ïa nga. U Kpa jong nga un ieit ïa uno uno uba ieit ïa nga; nga ruh ngan ieit ïa u bad ngan pynpaw ïa lade ha u.”

ÏOANNIS 14:23

U Jisu u la jubab ïa u, “Uno uno uba ieit ïa nga un kohnguh ïa ka jinghikai jong nga. U Kpa jong nga un ieit ïa u, bad U Kpa jong nga bad ma nga ngin wan ha u bad sah hapoh jong u.

ÏOANNIS 17:4

Nga la pynpaw ïa ka burom jong me ha ka pyrthei; nga la pyndep ïa ka kam kaba me la ai ha nga ban leh.

ÏOANNIS 4:34

“Ka jingbam jong nga,” U Jisu u la ong ha ki, “ka long ban kohnguh ïa ka mon jong uta uba la phah ïa nga bad ban pyndep ïa ka kam kaba u la ai ha nga ban leh.

ÏOANNIS 8:29

Bad uta uba la phah ïa nga u long lem bad nga; ym shym la iehnoh ïa nga marwei, namar borabor nga leh ïa kaei kaba pynsngewbha ïa u.”

ÏOANNIS 8:55

Phim pat ju ithuh ïa u, hynrei nga ithuh ïa u. Lada nga la ong ba ngam ithuh ïa u, ngan long u nongshukor kum ma phi. Hynrei nga ithuh ïa u, bad nga kohnguh ïa ka ktien jong u.

1 KORINTH 7:19

Naba kaba otsher ne kaba khlem otsher ïa u briew kam don jingmut ei ei; kaei kaba donkam ka long ban kohnguh ïa ki hukum U Blei.

1 THESSALONI 4:1

Ha kaba wai noh, ko parabangeit jong ngi, phi la ïohnang na ngi kumno phi dei ban im khnang ban pynsngewbha ïa U Blei. Kane ka long da shisha, kumno phi la ju im. Bad mynta ngi kyrpad bad kyntu ïa phi ha ka kyrteng jong U Trai Jisu ban leh kham bha shuh shuh.

HEBRU 7:26

U Jisu, te, u long U Rangbah Lyngdoh uba pynbiang ïa ki jingdonkam jong ngi. U long uba khuid; um shym don kano kano kaba bakla lane ka pop ha u; la pynkyrpang ïa u na ki nongpop bad la kyntiew ïa u sha ki bneng.

2 PETROS 2:21

Kan jin da la kham bha ïa ki ba kin ym jin da la tip ïa ka lynti ka hok ban ïa kaba tip ïa ka bad nangta pat ban phai dien noh na ka hukum bakyntang ïa kaba la ai ha ki.

1 ÏOANNIS 2:3

Lada ngi kohnguh ïa ki hukum jong U Blei, te ngi sngewskhem ba ngi ithuh ïa u.

1 ÏOANNIS 2:5

Hynrei uno uno uba kohnguh ïa ka ktien jong u, u long uta uba ïa ka jingieit ïa U Blei la pynjanai da shisha. Dei da kane ba kumno ngi lah ban sngewskhem ba ngi long ha U Blei:

1 ÏOANNIS 2:6

Uno uno uba ong ba u ïaisah ha U Blei u dei ban im kumba U Jisu Khrist u la im.

1 ÏOANNIS 5:3

Naba ka jingieit jong ngi ïa U Blei, ka mut ba ngi kohnguh ïa ki hukum jong u. Bad ki hukum jong u kim long kiba eh katta katta ïa ngi,

JINGPYNPAW 22:14

Suk kito kiba sait pynkhuid ïa la ki jaiñkup bad kumta ki don ka hok ban bam ïa u soh na u dieng ka jingim bad ban leit lyngba ki khyrdop shapoh ka nongbah.