ÏOANNIS 15:1 - Khasi CL Bible (BSI)

¹ “Nga, nga long u dieng sohwaiñ bashisha, bad U Kpa jong nga u long u nongsumar brisoh.

KA BAIBL

¹ “Ma nga, nga long u dieng soh Waiñ uba shisha, bad U Kpa jong nga u long u nongsumar brisoh.

ÏOANNIS 15:1 ပူးပေါင်းရင်းမြစ်များ

JINGRWAI SOLOMON 7:12

Ngin ïakhie dang step bad khmih ïa ki dieng sohwaiñ ban ïohi la ki la sdang ban san, la ki syntiew ki la phuh bad ba ki diengsoh Pomkranet ki la phuh syntiew. Hangta ngan ai ha phi ïa ka jingieit jong nga.

ISAÏAH 4:2

Ka por ka poi ha kaba U Trai un pynlong ïa uwei pa uwei u jingthung bad u dieng ha ka ri ban long uba heh bad ba-itynnat. Baroh ki paid Israel kiba lait im kin dap da ka jingkmen bad jingsarong ha ki mar rep ba ka ri ka pynmih.

ISAÏAH 60:21

Ki briew jong pha kin leh baroh ïa kaei kaba dei, bad kin ïohkynti ïa ka ri junom. Nga la thung ïa ki, nga la thaw ïa ki, ban pynpaw ïa ka jingkhraw jong nga sa baroh.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

JEREMAÏAH 12:10

Shibun ki nongsynshar nongwei ki la pynjot ïa ka bri sohwaiñ jong nga; ki la ïuhroit ïa ki lyngkha jong nga; ki la pynkylla ïa ka ri ba-itynnat jong nga sha ka ri shyiap.

JEREMAÏAH 2:21

Nga la thung ïa me kum ïa u dieng sohwaiñ ba la jied na u symbai uba bha tam. Hynrei ha khmih me la kylla long uei! Me la long kum u dieng sohwaiñ uba pyut bad u bymdondor ei ei.

ESEKIEL 19:10

Ka kmie jong me ka la long kum u dieng sohwaiñ uba la thung hajan ka wahduid. Namar ba la don kyrhai ka um, ïa u dieng sohwaiñ la tap da ki sla bad u soh.

HOSIA 10:1

Ki paid Israel ki la long kum u dieng sohwaiñ uba dap da ki sohwaiñ. Katba ki nang manbha, katta ki nang tei kham bun ki duwan. Katba ka ri jong ki ka nang pahuh, katta ruh ki nang pynitynnat ïa ki rishot maw bakyntang ba ki mane.

SEKHARAÏAH 3:8

Kumta to pynshahshkor, ko Joshua, me uba long u Rangbah Lyngdoh, to pynshahshkor, phi ki para lyngdoh jong u, ma phi kiba long ka dak jong ka lawei babha: Ngan pynpaw ïa la u shakri, ïa uba la khot U Tnat!

MATHAÏOS 15:13

“Ïa u jingthung baroh ïa uba U Kpa jong nga uba ha bneng um shym la thung, yn rat noh,” la jubab U Jisu.

MATHAÏOS 20:1

“Ka Hima ki bneng ka long kumne. Shisien la don u briew uba la mih dang step phyrngab ban khot bylla katto katne ngut ki rangbah ban trei ha ka bri sohwaiñ jong u.

MATHAÏOS 21:33

“To shahshkor sa kawei pat ka pharshi,” U Jisu u la ong. “La don shisien u trai jaka uba la thung ka bri sohwaiñ, u la buh ka jingker sawdong jong ka, u la tih ka thliew na ka bynta ka jaka khñiot waiñ, bad u la tei ka jaka ap phira. Nangta u la aiwai ïa ka bri sohwaiñ ha ki nongshimwai bad u la leit jingleit.

MARKOS 12:1

Nangta, U Jisu u la kren ha ki ha ki pharshi: “Shisien la don u briew uba don ka bri sohwaiñ, u la thaw ka jingker baroh sawdong jong ka, u la tih ka thliew ban khñiot sohwaiñ, bad u la thaw ka jaka ap phira. Nangta u la aiwai ïa ka bri sohwaiñ sha ki nongshimwai bad u la mih na ïing ban leit jingleit.

LOUKAS 13:6

Nangta U Jisu u la ïathuh ha ki ïa kane ka pharshi: “La don shisien uwei u briew uba la don uwei u diengsoh Dumbur uba mih ha ka bri sohwaiñ jong u. U la leit khmih soh Dumbur ha u hynrei um shem ei ei.

ÏOANNIS 1:17

U Blei u la ai ïa ka hukum lyngba u Moses, hynrei ka jingaiei bad ka jingshisha ki la wan lyngba U Jisu Khrist.

ÏOANNIS 1:9

Kane ka la long ka jingshai kaba shisha — ka jingshai kaba wan sha ka pyrthei bad pynshai ha u bynriew baroh.

ÏOANNIS 15:2

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

ÏOANNIS 6:32

“Nga ong ha phi ïa ka jingshisha,” U Jisu u la ong, “kaei kaba u Moses u la ai ha phi kam dei u kpu na bneng; dei U Kpa jong nga uba ai ha phi ïa u kpu bashisha na bneng.

ÏOANNIS 6:55

Naba ka doh jong nga ka long ka jingbam bashisha; ka snam jong nga ka long ka jingdih bashisha.

Ka Shithi U Paul Sha Ki Nong Rom 11:17

Ïa ki katto katne na ki tnat jong u dieng Olib ba la thung, la pynkheiñ noh, bad ba ïa u tnat jong u dieng Olib khlaw la pynïasoh bad u. Ma phi ki Jentil phi long kum ki dieng Olib khlaw, bad mynta phi ïadon bynta ha ka jingim ba kynja mynsiem bakhlaiñ jong ki Jiw.

1 KORINTH 3:9

Naba ngi long ki nongïatrei lem bad U Blei, bad phi long ka lyngkha jong U Blei. Phi long ruh ka jingtei jong U Blei.

1 ÏOANNIS 2:8

Pynban, ka hukum kaba nga thoh mynta sha phi ka long kaba thymmai, namar ka jingshisha jong ka, ka la paw ha U Khrist bad kumjuh ruh ha phi. Naba ka jingdum ka la jah noh, bad ka jingshai kaba shisha ka la da tyngshaiñ.