ÏOANNIS 14:9 - Khasi CL Bible (BSI)

⁹ U Jisu u la jubab, “Naba la slem nga la don bad phi baroh; pynban mem ithuh ïa nga, ko Philip? Uno uno uba la ïohi ïa nga u la ïohi ïa U Kpa. Balei, te, me ong, ‘To pyn-i ha ngi ïa U Kpa?’

KA BAIBL

⁹ U Jisu u ïathuh ha u, “Nga la long slem katta katta bad phi, bad mem pat la ithuh ïa nga, ko Philip? jar uba la ïohi ïa nga, u la ïohi ïa uta U Kpa; kumno ba me ong ma me te, ‘To pyni ïa uta U Kpa ha ngi?’

ÏOANNIS 14:9 ပူးပေါင်းရင်းမြစ်များ

JENESIS 26:9

Kumta u Abimelekh u phah khot ïa u Isaak, bad u ong, “Pleng, ka dei ka tnga jong me! Balei pat me ong ba ka dei ka para jong me?” U jubab, “Namar nga pyrkhat ïoh ba nga shah pynïap lada nga ong ba ka dei ka tnga jong nga.”

SALM 11:1

Nga shaniah ha U Trai na ka bynta ka jingshngain. Phi long kiba bieit ban ong ha nga, “To her noh kum ka sim sha ki lumbah;

JEREMAÏAH 2:23

Kumno me lah ban ong ba mem shym la pyntngit ïa lade, ba mem pat ju mane ïa u Baal? Ha khmih kumno me la leh pop ha ka them; ha peit kaei me la leh. Me long kum ka ut khlaw ha ka por jingkwah shongkha jong ka, kaba mareh laitluid kylleng,

MARKOS 9:19

U Jisu u la ong ïa ki, “Haduh katno phi long ki briew ki bymngeit! Haduh katno ngan don bad phi? Haduh katno ngan ïaishah bad phi? Wallam ïa u khynnah ha nga!”

LOUKAS 12:56

A kiba arsap! Phi lah ban khmih ïa ka khyndew bad ïa ka suiñbneng bad ïathuh lypa ïa ka jinglong ka suiñbneng; balei, te, phim tip ïa ka jingmut jong kane ka por ba mynta?”

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 10:30

U Kpa bad ma nga ngi long kawei.”

ÏOANNIS 12:45

Uno uno uba ïohi ïa nga u ïohi ruh ïa uta uba la phah ïa nga.

ÏOANNIS 14:20

Haba kata ka sngi ka poi, phin sa tip ba nga long ha U Kpa jong nga bad ba ma phi ha nga, kumba nga long ha phi.

ÏOANNIS 14:7

Mynta ba phi la ithuh ïa nga,” u la ong ha ki, “phin ithuh ïa U Kpa jong nga ruh; bad naduh mynta phi da ithuh ïa u bad phi la ïohi ïa u.”

ÏOANNIS 8:19

“Shaei uta U Kpa jong me?” ki la kylli ïa u. “Phim ithuh ïa nga lymne ïa U Kpa jong nga,” U Jisu u la jubab. “Lada phi la ithuh ïa nga, phin jin da la ithuh ïa U Kpa jong nga ruh.”

1 KORINTH 15:12

Mynta, namar ka khubor jong ngi ka long ba ïa U Khrist la pynmihpat na ka jingïap, kumno ba katto katne ngut na phi ki ong ba yn ym don ka jingmihpat na ka jingïap?

PHILIPPI 2:6

U don borabor ïa ka jinglong U Blei; hynrei um shym pyrkhat ïa kata da ka bor ba u dei ban pyrshang ban pynlong mar ryngkat bad U Blei.

KOLOSSAI 1:15

U Khrist u long ka dur bapaw jong U Blei u bym lah ban ïohi. U long U Khun ba la kha nyngkong, uba hakhlieh duh jong kiei kiei baroh kiba la thaw.

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.