ÏOANNIS 14:3 - Khasi CL Bible (BSI)

³ Bad hadien ba nga la leit bad pynkhreh ka jaka ïa phi, ngan wan pat bad ngan shim ïa phi ha lade hi, ba phi ruh phin don ha ka jaka kaba nga don.

KA BAIBL

³ Ynda nga la leit noh, bad ba nga la khreh ïa phi ka jaka, ngan wan pat, bad ngan shimti ïa phi ha lade hi, ba ha kaba nga long ma nga, phi ruh phi lah ban long.

ÏOANNIS 14:3 ပူးပေါင်းရင်းမြစ်များ

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

ÏOANNIS 14:28

Phi la ïohsngew ïa nga ba nga ong ha phi, ‘Ngan sa leit noh, hynrei ngan sa wan pat sha phi.’ Lada phi la ieit ïa nga, phin kmen namar ba ngan sa leit sha U Kpa; naba u long kham khraw ban ïa nga.

ÏOANNIS 14:4

Phi tip ïa ka lynti kaba ïalam sha kata ka jaka shano sha ba nga leit.”

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

KI KAM 1:11

“Ko nong Galilaïa, balei phi ïa-ïeng hangne da kaba khmied sha ka sahit bneng? Une U Jisu, ïa uba la shim noh sha bneng na phi, un wan pat ha kajuh ka rukom ba phi la ïohi ba u kiew sha bneng.”

Ka Shithi U Paul Sha Ki Nong Rom 8:17

Naba ngi long ki khun jong U Blei, ngin ïohkynti ïa ki jingkyrkhu kiba u buh na ka bynta ki briew jong u, bad ngin ïohkynti ruh lem bad U Khrist ïa kaei kaba U Blei u la lah buh na ka bynta jong u; naba lada ngi ïadon bynta lem ha ka jingshah shitom U Khrist, ngin ïoh ruh ban ïadon bynta ha ka burom jong u.

PHILIPPI 1:23

Ïa nga la tan ha ki ar bynta. Nga da kwah eh ban iehnoh ïa kane ka jingim bad ban don bad U Khrist, kaba long kaei kaei kaba kham bha;

2 THESSALONI 1:12

Ha kane ka rukom ka kyrteng jong U Jisu uba U Trai jong ngi kan ïohpdiang ïa ka burom na phi, bad ma phi na u, da ka jingaiei jong U Blei jong ngi bad jong U Jisu Khrist uba U Trai.

2 TIMOTHI 2:12

Lada ngi ïai bteng ban ïaishah, ngin sa synshar ruh lem bad u. Lada ngin len ïa u, u ruh un len ïa ngi.

HEBRU 9:28

Ha kajuh ka rukom, U Khrist ruh u la kñia ainguh tang shisien ban bah noh ïa ki pop jong kiba bun. Un sa paw ha ka sien kaba ar, ym ban weng noh ïa ka pop, hynrei ban pynim ïa kita kiba ap khmih lynti ïa u.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.