ÏOANNIS 14:27 - Khasi CL Bible (BSI)

²⁷ “Ïa ka jingsuk nga iehnoh ha phi, ïa ka jingsuk jong nga hi, nga ai ha phi. Ngam ai ïa ka kumba ka pyrthei ka ai. Wat sngewkhuslai bad sngewdiaw; wat sngewsheptieng.

KA BAIBL

²⁷ Ïa ka jingsuk nga iehnoh ha phi, ïa ka jingsuk ka jong nga, nga ai ha phi, ym kumba kata ka pyrthei ka ai, nga ai ma nga ha phi. Wat khih khuslai na ka dohnud jong phi, lymne wat sheptieng.

ÏOANNIS 14:27 ပူးပေါင်းရင်းမြစ်များ

2 KHRONIKL 20:30

Kumta u Jehoshaphat u synshar ha ka jingsuk, bad U Blei u ai ha u ka jingshongshngain ha ki liang baroh.

Ka Kitab U Job 34:29

Lada U Blei u rai ban nym leh ei ei ruh, ym don uno uno uba lah ban wad daw ïa u. Lada u buhrieh ïa ka khmat jong u, ki briew kin long kiba khlem ïoh jingïarap.

SALM 11:1

Nga shaniah ha U Trai na ka bynta ka jingshngain. Phi long kiba bieit ban ong ha nga, “To her noh kum ka sim sha ki lumbah;

SALM 112:7

Um sheptieng haba u ïohpdiang ïa ka khubor kaba sniew; ka jingngeit jong u ka long kaba khlaiñ, bad u shaniah ha U Trai.

SALM 27:1

U Trai u long ka jingshai jong nga bad ka jingpynim jong nga; ngan ym sheptieng ïano ïano ruh. U Trai u ïada ïa nga na ki jingjynjar baroh; ngan ym sheptieng lano lano ruh.

SALM 28:3

Wat pynrem ïa nga ryngkat bad ki bymman, lem bad kito kiba leh ïa kaba sniew — kito ki briew kiba ki ktien jong ki, ki long kiba sngewieit, hynrei kiba don ka jingbishni ha la ki dohnud.

SALM 29:11

U Trai u ai jingkhlaiñ ïa ki briew jong u bad kyrkhu ïa ki da ka jingsuk.

SALM 56:11

Ha u nga shaniah, bad ngan ym sheptieng. U briew un lah ban leh aïu ïa nga?

SALM 56:3

Haba nga sheptieng, A Trai Badonbor Baroh, nga buh ïa ka jingshaniah ha me.

SALM 72:2

ba kumta un synshar halor ki briew jong me da ka jingbishar hok bad synshar ïa kiba la shah banbeiñ da ka hok.

SALM 72:7

Ai ba ka hok kan roi ha ka rta jong u, bad ai ba ka jingroi kyrhai kan neh katba u bnai u ai jingshai.

SALM 85:10

Ka jingieit bad ka jingïaineh kin ïashem; ka hok bad ka jingsuk kin ïakdup.

SALM 91:5

Men ym sheptieng na ki jingma mynmiet ne na ki jingtur ïaleh ha ka por mynsngi,

PROBERB 3:25

Phin ym donkam ban khuslai ïa ka jingpynjot kaba wan kynsan, kum kaba wan ha ki riewbymman kum ka 'erïong.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 41:14

U Trai u ong, “Uba rit bad uba tlot kumba me long, ko Israel, wat sheptieng; ngan ïarap ïa me. Nga, U Blei uba khuid ki Israel, nga long uta uba pynim ïa me.

ISAÏAH 54:13

“Nga da lade ngan hikai ïa ki briew jong pha, bad ngan ai ha ki ïa ka jingmanbha bad ka jingsuk.

ISAÏAH 55:12

“Phin mihnoh na Babilon da ka jingkmen; yn ïalam ïa phi shabar ka nongbah ha ka jingsuk. Ki lumbah bad ki lumrit kin sawa da ka jingrwai, bad ki dieng kin pyrta da ka jingkmen.

ISAÏAH 57:19

Nga ai jingsuk ïa baroh, ïa kiba hajan bad ïa kiba sha jngai! Ngan pynkhiah ïa ki briew jong nga.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 1:8

Wat sheptieng ïa ki, naba ngan don lem bad me ban ïada ïa me. Ma nga, U Trai nga la kren!”

SNGEWSYNEI 3:17

Nga la klet noh kaba kumno ka jingkhiah bad ka jingsuk bad ka jingkmen ki long.

ESEKIEL 2:6

“Hynrei ma me, ko khun u briew, wat sheptieng ïa ki lane ïa kano kano ba ki ong. Kin beiñ bad ym kheiñ ïa me; bad kan long kumba im hapdeng ki 'ñianglartham. La katta ruh, wat sheptieng ïa kito kiba ïaleh pyrshah lane ïa kano kano kaba ki ong.

DANIEL 4:1

U syiem Nebukhadnessar u la phah ïa ka khubor harum sha ki briew jong baroh ki jaitbynriew, ki jait ki kynja, bad ki ktien ki thylliej ha ka pyrthei: “Khublei!

DANIEL 6:25

Nangta u syiem Darius u la thoh sha ki briew jong ki jaitbynriew baroh, ki jait ki kynja, bad ki ktien ki thylliej ha ka pyrthei: Khublei!

SEKHARAÏAH 6:13

U long ma u, u ban tei ïa ka bad ïohpdiang ïa ka burom kaba dei ïa u syiem bad un synshar ïa ki briew jong u. U lyngdoh un ïeng hajan ka khet jong u, bad kin ïatreilang ha ka jingsuk bad ha ka jingïasngewtynnat.’

JINGKHEIÑ 6:26

To U Trai un khmih ïa phi da ka jingsngewbha bad ai ha phi ka jingsuk.

MATHAÏOS 10:26

“Kumta wat sheptieng ïa ki briew. Ïa kaei kaba la kah mynta yn weng noh, bad ïa kaei kaba la buhrieh yn pynpaw.

LOUKAS 1:79

bad ban tyngshaiñ na bneng halor kito baroh kiba im ha ka syrngiew ba-dum jong ka jingïap, ban ïalam ïa ki sien jam jong ngi ha ka lynti jong ka jingsuk.”

LOUKAS 10:5

Ha man ba phi rung ha kano kano ka ïing, to ong nyngkong, ‘Ka jingsuk kan long ha kane ka ïing.’

LOUKAS 12:4

“Nga ong ha phi, ki paralok jong nga, wat sheptieng ïa kito kiba pynïap ïa ka met hynrei ki bym lah hadien ban leh ïa kano kano kaba kham sniew.

LOUKAS 2:14

“Ka burom ïa U Blei ha ki bneng kiba hajrong tam, bad ka jingsuk ha ka pyrthei ha kito kiba u sngewbha!”

ÏOANNIS 14:1

“Wat sngewkhuslai bad sngewdiaw,” U Jisu u la ong ha ki. “To ngeit ha U Blei bad to ngeit ha nga ruh.

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

ÏOANNIS 20:19

Ka la long la kham janmiet jong ka Sngi U Trai, bad ki synran ki la ïalumlang hapoh ka kamra kaba la khang skhem, namar ba ki la sheptieng ïa ki nongsynshar jong ki Jiw. Nangta U Jisu u la wan bad u la ïeng hapdeng jong ki. “To ka jingsuk kan long lem bad phi,” u la ong.

ÏOANNIS 20:21

U Jisu u la ong pat ha ki, “To ka jingsuk kan long lem bad phi. Kumba U Kpa u la phah ïa nga, kumta ruh nga phah ïa phi.”

ÏOANNIS 20:26

Shi taïew hadien ki synran ki la ïadon lang biang hapoh ïing, bad u Thomas u la don lem bad ki. Ïa ki jingkhang la khang skhem, hynrei U Jisu u la wan bad u la ïeng hapdeng jong ki bad u la ong, “To ka jingsuk kan long lem bad phi.”

KI KAM 10:36

Phi tip ïa ka khubor kaba u la phah sha ki paid Israel, da kaba pynbna ïa ka Khubor Babha jong ka jingsuk lyngba U Jisu Khrist, uba long U Trai jong baroh.

KI KAM 18:9

Ha kawei ka miet, u Paul u la ïoh ka jingïohipaw ha kaba U Trai u la ong ha u, “Wat sheptieng, hynrei ïai kren bad wat sangeh, naba nga long lem bad me.

Ka Shithi U Paul Sha Ki Nong Rom 1:7

Bad kumta nga thoh sha phi baroh kiba ha Rom kiba U Blei u ieit bad ba u la khot ban long ki briew jong u hi: To U Blei U Kpa jong ngi bad U Jisu Khrist uba U Trai un ai ha phi ïa ka jingaiei bad ka jingsuk.

Ka Shithi U Paul Sha Ki Nong Rom 15:13

To U Blei, uba long ka tyllong jong ka jingkyrmen, un pyndap ïa phi da ka jingkmen baroh bad ka jingsuk kaba long da ka jingngeit jong phi ha u, khnang ba ka jingkyrmen jong phi kan ïai san da ka bor jong U Mynsiem Bakhuid.

Ka Shithi U Paul Sha Ki Nong Rom 5:1

Mynta ngi don ka jingïadei bad U Blei lyngba ka jingngeit, ngi don ka jingïasuk bad U Blei lyngba U Jisu Khrist uba U Trai jong ngi.

Ka Shithi U Paul Sha Ki Nong Rom 5:10

Ngi la long ki nongshun jong U Blei, hynrei u la pynlong ïa ngi ki paralok jong u lyngba ka jingïap U Khun jong u. Mynta ba ngi long ki paralok jong U Blei, katno tam ba yn pynim ïa ngi da ka jingim U Khrist!

Ka Shithi U Paul Sha Ki Nong Rom 8:6

Kaba shah synshar ha ka jinglong ba kynja doh, ka ïalam sha ka jingïap; kaba shah synshar ha U Mynsiem, ka ïalam sha ka jingim bad ka jingsuk.

1 KORINTH 1:3

To U Blei uba long U Kpa jong ngi bad U Jisu Khrist uba U Trai un ai ha phi ïa ka jingaiei bad ïa ka jingsuk.

GALATIA 1:3

Ai ba U Blei uba U Kpa jong ngi bad Jisu Khrist uba U Trai un ai ha phi ka jingaiei bad ka jingsuk.

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

GALATIA 6:16

Na ka bynta kita kiba bud ïa kane ka rukom ha ka jingim jong ki, to ai ba ka jingsuk bad ka jingisynei kan long lem bad ki — ïa ki lem bad baroh ki briew jong U Blei!

PHILIPPI 4:7

Bad ka jingsuk U Blei kaba palat ïa ka jingshemphang briew baroh, kan ri jai jai ïa ki dohnud jong phi, bad ïa ki jingmut jong phi ha U Khrist Jisu.

KOLOSSAI 1:2

Ha ki briew jong U Blei ha Kolossai kiba long ki parabangeit baïaineh ha U Khrist: Ai ba U Blei uba U Kpa jong ngi un ai ha phi ka jingaiei bad ka jingsuk.

KOLOSSAI 1:20

Da U Khun, te, U Blei u la kut jingmut ban wallam pat ïa ka jingpynlong baroh kawei sha lade hi. U Blei u la pynïasuk da ka jingïap U Khun jong u kum ka jingkñia halor ka diengphna bad kumta u la wallam pat sha lade hi ïa kiei kiei baroh, kiba ha ka pyrthei bad kiba ha bneng.

KOLOSSAI 3:15

Ka jingsuk kaba U Khrist u ai, ka long ban kdew lynti ïa phi ha ki rai kiba phi shim; naba dei ïa kane ka jingsuk ba U Blei u la khot lang ïa phi ha kawei ka met. Bad to long kiba sngewnguh.

2 THESSALONI 1:2

Ai ba U Blei uba U Kpa jong ngi bad U Jisu Khrist uba U Trai kin ai ha phi ka jingaiei bad ka jingsuk.

2 THESSALONI 3:16

To ai ba U Trai hi, uba long ka tyllong jong ka jingsuk jong ngi, un ai ha phi ka jingsuk ha ki por baroh bad ha ka jingim jong phi baroh. U Trai un long lem bad phi baroh.

2 TIMOTHI 1:7

Naba U Mynsiem uba U Blei u la ai ha ngi um pynlong ïa ngi kiba khawpud; pynban, U Mynsiem jong u, u pyndap ïa ngi da ka bor, ka jingieit, bad ka bor halor lade.

HEBRU 13:20

U Blei uba la pynmihpat na ka jingïap ïa U Jisu uba U Trai jong ngi, uba long u Nongaplangbrot uba khraw jong ki langbrot da kata ka jingïap ha kaba la kñia ïa u, da kaba la pynskhem ïa ka jutang bymjukut. To ai ba U Blei ka jingsuk un pyndap ïa phi da kaei kaei kaba bha baroh kaba phi donkam khnang ban leh ïa ka mon jong u, bad ai ba ma u, da U Jisu Khrist, un leh ha ngi ïa kaei kaei kaba pynsngewbha ïa u. Bad ha U Khrist to long ka burom junom la junom, Amen.

HEBRU 7:2

bad u Abraham u la ai ïa u kawei-na-kaba-shiphew na baroh kaba u la lum, (ka jingmut kaba nyngkong jong ka kyrteng u Melkhisedek ka long “U syiem jong ka hok;” bad namar ba u la long u syiem jong ka Salem, ka kyrteng jong u ruh ka mut “U syiem jong ka Jingsuk.”)

JINGPYNPAW 1:4

Na u Ïoannis sha ki hynñiew tylli ki balang ha ka probins jong ka Asia: Ka jingaiei bad ka jingsuk ïa phi na U Blei, uba long, uba la long bad u ban sa wan, bad na ki hynñiew ki mynsiem kiba ha khmat ka khet jong u,

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”