ÏOANNIS 14:26 - Khasi CL Bible (BSI)

²⁶ Uta U Nongïarap, U Mynsiem Bakhuid, ïa uba U Kpa un phah ha ka kyrteng jong nga, un hikai ïa phi ïa kiei kiei baroh bad un pynkynmaw ïa baroh kaba nga la ïathuh ha phi.

KA BAIBL

²⁶ Hynrei, uta U Nongpyntngen, U Mynsiem Bakhuid, ïa uba uta U Kpa un phah ha ka kyrteng jong nga, uta keiñ, un hikai ïa phi ïa kiei kiei baroh, bad un pynkynmaw ïa phi ïa kiei kiei baroh kiba nga la ong ha phi.

ÏOANNIS 14:26 ပူးပေါင်းရင်းမြစ်များ

SALM 51:11

Wat pynjah noh ïa nga na ka jingdon ryngkat jong me; wat shim noh ïa U Mynsiem Bakhuid jong me na nga.

ISAÏAH 54:13

“Nga da lade ngan hikai ïa ki briew jong pha, bad ngan ai ha ki ïa ka jingmanbha bad ka jingsuk.

ISAÏAH 63:10

hynrei ki la ïaleh pyrshah ïa u bad ki la pynsngewsih ïa U Mynsiem Bakhuid jong u. Namar kata U Trai u la kylla long u nongshun jong ki bad u la ïaleh pyrshah ïa ki.

MATHAÏOS 1:18

Kane ka long kumno ka jingkha ïa U Jisu Khrist ka la jia. Ka kmie jong u ka Mari ka la ïatehktien bad u Joseph, hynrei ha shuwa ba kin ïashongkurim, la shem ïa ka ba ka la punkhun na U Mynsiem Bakhuid.

MATHAÏOS 1:20

Katba u dang puson halor kane, u angel jong U Trai u la mihpaw ha u ha ka jingphohsniew bad u ong, “Ko Joseph, uba hiarpateng na u Dabid, wat sheptieng ban shim ïa ka Mari ban long ka tnga jong me. Namar dei da U Mynsiem Bakhuid ba ka la punkhun.

MATHAÏOS 28:19

Kumta, khie leit, sha ki briew baroh kylleng bad pynlong ïa ki, ki synran jong nga: To pynbaptis ïa ki ha ka kyrteng jong U Kpa, U Khun, bad U Mynsiem Bakhuid,

MATHAÏOS 3:11

Nga pynbaptis ïa phi da ka um ban pyn-i ba phi la kylla-kaba-mut, hynrei uta uba wan hadien jong nga un pynbaptis ïa phi da U Mynsiem Bakhuid bad da ka ding. U long uba kham khraw ban ïa nga; bad ngam long uba bit wat tang ban rah ïa ki juti jong u.

MARKOS 12:36

U Mynsiem Bakhuid u la pynkhih ïa u Dabid ban kren: “ ‘U Trai u la ong ïa U Trai jong nga; shong hangne sha ka liang kamon jong nga haduh ba ngan da pyndem ïa ki nongshun jong me hapoh ki kjat jong me.’

MARKOS 13:11

Bad haba la kem ïa phi bad ïalam sha ka ïingbishar, wat khuslai lypa ïa kaei kaba phin kren; haba ka por kan poi, to kren ïa kaei kaei kaba yn sa ai ha phi ha kata ka por. Namar ki ktien kiba phin sa kren, kin ym long ki jong phi; kin wan na U Mynsiem Bakhuid.

LOUKAS 1:15

Un long u briew uba khraw ha khmat U Trai. Um dei ban dih kano kano ka waiñ lane ka jingdih kaba khor. Naduh ka jingkha ïa u, yn pyndap da U Mynsiem Bakhuid,

LOUKAS 1:35

U angel u la jubab, “U Mynsiem Bakhuid un sa wan ha pha, bad ka bor jong U Blei kan shong halor jong pha. Na kane ka daw, ïa i khunlung bakhuid yn khot U Khun U Blei.

LOUKAS 1:41

Haba ka Elisabeth ka la ïohsngew ïa ka jingkhublei jong ka Mari, i khunlung i la khih hapoh jong ka. La pyndap ïa ka Elisabeth da U Mynsiem Bakhuid

LOUKAS 1:67

Ïa U Sekharaïah, u kpa jong u Ïoannis la pyndap da U Mynsiem Bakhuid, bad u la kren ïa ka khubor jong U Blei:

LOUKAS 11:13

Kiba sniew kumba phi long, phi tip kumno ban ai kiei kiei kiba bha ïa ki khun jong phi. Katno tam, te, ba U Kpa ba ha bneng un ai ïa U Mynsiem Bakhuid ha kito kiba pan na u!”

LOUKAS 2:25

Ha kata ka por la don u briew uba shong basah ha Jerusalem uba kyrteng u Simeon. U la long u briew uba bha, uba sheptieng ïa U Blei bad uba ïai ap na ka bynta ki Israel ban ïoh jingpynim.

LOUKAS 24:49

Bad nga hi ngan phah halor jong phi ïa kaei kaba U Kpa jong nga u la kular. Hynrei phi dei ban ap ha ka nongbah tad ynda ka bor ba najrong ka wan hiar halor jong phi.”

LOUKAS 3:22

bad U Mynsiem Bakhuid u la hiar halor jong u ha ka dur kum ka paro. Bad ka sur ka la wan na bneng, “Me long u khun ba-ieit jong nga. Nga la sngewbha bad me.”

ÏOANNIS 1:33

Ngam pat shym la tip hi ba u dei ma u, hynrei U Blei, uba la phah ïa nga ban pynbaptis da ka um, u la ong ha nga, ‘Men sa ïohi ïa U Mynsiem ba u hiar bad u shongsah ha u briew; u dei uta, uba pynbaptis da U Mynsiem Bakhuid.’

ÏOANNIS 12:16

Ki synran jong u kim shym la sngewthuh ïa kane ha kata ka por; hynrei ynda haba la pyndonburom ïa U Jisu, ki la kynmaw ba ka Jingthoh Bakhuid ka la ong ïa kane shaphang jong u bad ki la leh ïa kane na ka bynta jong u.

ÏOANNIS 14:16

Ngan pan na U Kpa, bad un ai ïa phi ïa uwei pat U Nongïarap, u ban shongsah bad phi junom.

ÏOANNIS 14:25

“Nga la ïathuh ha phi ïa kane katba nga dang don bad phi.

ÏOANNIS 15:26

“U Nongïarap un wan — U Mynsiem, uba pynpaw ïa ka jingshisha shaphang U Blei bad uba wan na U Kpa. Ngan phah ïa u na U Kpa, bad un kren shaphang jong nga.

ÏOANNIS 16:7

Hynrei nga ïathuh ha phi ïa ka jingshisha: Ka kham bha ïa phi ba nga leit noh, namar lada ngam leit noh, U Nongïarap un ym wan sha phi. Hynrei lada nga leit noh, te ngan phah ïa u sha phi.

ÏOANNIS 2:22

Kumta haba la pynmihpat ïa u na ka jingïap, ki synran jong u ki la kynmaw ba u la lah ong ïa kane, bad ki la ngeit ïa ka Jingthoh Bakhuid bad ïa kaei kaba U Jisu u la ong.

ÏOANNIS 20:22

Nangta u la pyrsad halor jong ki bad u la ong, “To pdiang ïa U Mynsiem Bakhuid.

ÏOANNIS 6:45

Ki nongïathuhlypa ki la thoh, ‘Uwei pa uwei baroh un ïoh hikai na U Blei.’ Uno uno uba shahshkor ïa U Kpa bad ïoh hikai na u, u wan sha nga.

ÏOANNIS 7:39

U Jisu u la kren ïa kane shaphang U Mynsiem, uba kito kiba la ngeit ha u kin ïohpdiang. Ha kata ka por ïa U Mynsiem ym pat shym la ai, namar ïa U Jisu ym pat shym la kyntiew sha ka burom.

KI KAM 1:2

Ha shuwa ban shim noh shajrong ïa u, u la ai ki jingbthah da ka bor U Mynsiem Bakhuid ha ki rangbah kiba u la jied kum ki apostol jong u.

KI KAM 1:4

Bad haba ki la ïawanlang, u la ai ha ki ïa kane ka hukum: “Wat leit noh na Jerusalem, hynrei ap ïa ka jingkular kaba nga la ïathuh, ka jingai kaba U Kpa jong nga u la kular.

KI KAM 1:8

Hynrei haba U Mynsiem Bakhuid u wan ha phi, yn pyndap ïa phi da ka bor, bad phin long ki sakhi jong nga ha Jerusalem, ha baroh ka Judia bad Samaria, bad shaduh kiba kut jong ka pyrthei.”

KI KAM 11:16

Te nga la kynmaw ïa kaei kaba U Trai u la lah ong, ‘U Ïoannis u la pynbaptis da ka um, hynrei ïa phi yn pynbaptis da U Mynsiem Bakhuid.’

KI KAM 13:2

Katba ki dang ïashakri ïa U Trai bad shahjingit, U Mynsiem Bakhuid u la ong ha ki, “Pynkyrpang na ka bynta jong nga ïa u Barnabas bad u Saul, ban trei ïa ka kam sha kaba nga la khot ïa ki.”

KI KAM 13:4

Haba la phah da U Mynsiem Bakhuid, u Barnabas bad u Saul ki la leit sha Seleukia bad ki la leit da ka lieng nangta sha ka dewlynnong Sypros.

KI KAM 15:28

U Mynsiem Bakhuid bad ma ngi, ngi la ïamynjur ban ym buh kano kano ka jingkit halor jong phi nalor kine ki rukom kiba donkam:

KI KAM 15:8

Bad U Blei, uba tip ïa ki jingpyrkhat jong uwei pa uwei, u la pyn-i ïa ka jingmynjur ïa ki Jentil da kaba ai ïa U Mynsiem Bakhuid ha ki, kumba u la leh ha ngi.

KI KAM 16:6

Ki la leit lyngba ki thain ka Phrygia bad Galatia namar U Mynsiem Bakhuid um shym la shah ïa ki ban ïalap ïa ka khubor ha ka probins jong ka Asia.

KI KAM 2:33

La kyntiew ïa u sha ka liang kamon jong U Blei, U Kpa jong u, bad u la ïohpdiang na u ïa U Mynsiem Bakhuid, kumba u la lah kular. Kaei kaba phi ïohi bad ïohsngew mynta ka long ka jingai sngewbha kaba u la theh noh ha ngi.

KI KAM 2:4

La pyndap ïa ki baroh da U Mynsiem Bakhuid bad ki la sdang ban kren ha kiwei pat ki ktien, kat kumba U Mynsiem u pynlah ïa ki ban kren.

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

KI KAM 20:35

Nga la pyn-i ha phi ha kiei kiei baroh ba da kaba trei shitom ha kane ka rukom ngi dei ban ïarap ïa kiba tlot, da kaba kynmaw ïa ki ktien kiba U Trai Jisu da lade hi u la ong, ‘Ka don ka jingkmen kaba kham khraw ha kaba ai ban ïa kaba pdiang.’ ”

KI KAM 28:25

Kumta ki la leit noh, da ka jingbymïasngewthuh jingmut para ma ki, hadien ba u Paul u la lah ong ïa kane kawei: “Katno kaba dei ba U Mynsiem Bakhuid u la kren ha ki kpa tymmen jong ngi lyngba u Isaïah u nongïathuhlypa!

KI KAM 5:3

U Petros u la ong ha u, “Ko Ananias, balei me la shah ïa u Soitan ban bat synshar ïa me bad pynlong ïa me ban lamler ïa U Mynsiem Bakhuid da kaba bat noh katto katne ka pisa kaba me la ïohpdiang na kaba die ïa ka jaka?

KI KAM 7:51

“A katno phi long kiba eh ryndang!” u Stephan u bteng ban kren. “A katno ki dohnud jong phi ki long kum kiba mane blei thala, katno phi leh kyllut ïa ka khubor jong U Blei! Phi long kum ki kpa tymmen jong phi: Phi ruh phi la ïai ïaleh pyrshah ïa U Mynsiem Bakhuid!

KI KAM 7:55

Hynrei u Stephan, uba dap da U Mynsiem Bakhuid, u la khmied sha bneng bad u la ïohi ïa ka burom jong U Blei bad ïa U Jisu uba ïeng sha ka liang kamon jong U Blei.

Ka Shithi U Paul Sha Ki Nong Rom 14:17

Naba ka Hima U Blei kam long ha kaba bam bad kaba dih, hynrei ka long ka hok, ka jingsuk, bad ka jingkmen kiba U Mynsiem Bakhuid u ai.

Ka Shithi U Paul Sha Ki Nong Rom 15:13

To U Blei, uba long ka tyllong jong ka jingkyrmen, un pyndap ïa phi da ka jingkmen baroh bad ka jingsuk kaba long da ka jingngeit jong phi ha u, khnang ba ka jingkyrmen jong phi kan ïai san da ka bor jong U Mynsiem Bakhuid.

Ka Shithi U Paul Sha Ki Nong Rom 15:16

Nga shakri kum u lyngdoh ha kaba ïalap ïa ka Khubor Babha na U Blei, khnang ba ki Jentil ki lah ban long ka jingkñia ba la pdiang sha U Blei, ba la pynkyntang sha u da U Mynsiem Bakhuid.

Ka Shithi U Paul Sha Ki Nong Rom 5:5

Kane ka jingkyrmen ka ai ha ngi ka jingkmen, namar U Blei u la theh noh ïa ka jingieit jong u ha ki dohnud jong ngi lyngba U Mynsiem Bakhuid, uba long ka jingai sngewbha jong U Blei ïa ngi.

1 KORINTH 12:3

Nga kwah ba phin tip ba ym don uno uno uba la ïalam da U Mynsiem U Blei u lah ban ong “Long ba la tim ïa U Jisu!” bad ym don uno uno uba lah ban phla “U Jisu u long U Trai,” lymda la ïalam ïa u da U Mynsiem Bakhuid.

1 KORINTH 6:19

Hato phim tip ba ka met jong phi ka long ka jaka shong U Mynsiem Bakhuid, uba shong hapoh jong phi bad ïa uba la ai ha phi da U Blei?

2 KORINTH 13:14

Ka jingaiei jong U Jisu Khrist uba U Trai, ka jingieit jong U Blei bad ka jingïasyllok jong U Mynsiem Bakhuid kin long lem bad phi baroh.

2 KORINTH 6:6

Da ka jinglong sngur jong ngi, ka jingtip, jingïaishah, bad jingsbun ngi la pyn-i ïa lade ba ngi long ki shakri U Blei — da U Mynsiem Bakhuid, da ka jingieit bashisha jong ngi, da ka khubor jong ka jingshisha jong ngi, bad da ka bor U Blei.

EPHESOS 1:13

Bad ma phi ruh, kiba la kylla long ki briew jong U Blei mynba phi la ïohsngew ïa ka khubor kaba shisha, ka khubor babha kaba wallam ïa phi ka jingpynim. Phi la ngeit ha U Khrist, bad U Blei u la buh ïa ka jingshonshab ka jinglong trai ha phi da kaba ai ha phi ïa U Mynsiem Bakhuid uba u la kular.

EPHESOS 1:17

Nga kynmaw ïa phi ha ki jingduwai jong nga; bad nga kyrpad na U Blei jong U Jisu Khrist uba U Trai jong ngi, u Kpa uba dap da ka burom, ba un ai ha phi ïa U Mynsiem, u ban pynlong ïa phi kiba stad bad un pynpaw ha phi ïa U Blei, khnang ba phin ïoh tip ïa u.

EPHESOS 4:30

Bad to wat pynsngewsih ïa U Mynsiem Bakhuid jong U Blei; naba U Mynsiem u long ka dak jong ka jinglong trai jong U Blei ïa phi, ka jingbahkhlieh ba ka Sngi kan poi haba U Blei un pyllaitluid ïa phi.

1 THESSALONI 4:8

Kumta te, uno uno uba kyntait ïa kane ka jinghikai, um kyntait ïa u briew, hynrei ïa U Blei, uba ai ha phi ïa U Mynsiem Bakhuid jong u.

2 TIMOTHI 1:14

Da ka bor jong U Mynsiem Bakhuid, uba im hapoh jong ngi, to sumar ïa kiei kiei kiba bha ïa kiba la pynkhamti ha me.

TITOS 3:5

Ym namar kano kano na ki kam babha kiba ma ngi hi ngi la leh, hynrei namar ka jingisynei jong u hi ba u la pynim ïa ngi, lyngba U Mynsiem Bakhuid, uba ai ïa ngi ka jingkha thymmai bad ka jingim kaba thymmai da kaba sait ïa ngi.

HEBRU 10:15

Bad U Mynsiem Bakhuid ruh u ai ha ngi ïa ka sakhi jong u. Nyngkong u ong,

HEBRU 2:4

Ha kajuh ka por, U Blei ruh u la ai shuh ïa la ki sakhi ha ki, da kaba leh bun ki kambah bad ki kamphylla bad da kaba ïasam ïa ki jingai U Mynsiem Bakhuid kat kum ka mon jong u.

HEBRU 3:7

Kumta te, kumba U Mynsiem Bakhuid u ong; “Lada phi ïohsngew ïa ka sur ka jong U Blei ha kane ka sngi,

HEBRU 9:8

U Mynsiem Bakhuid u pyn-i shai na kine ki rukom pynbeit, ba ïa ka lynti sha ka Jaka kaba Kyntang Tam ym pat lah ban plie, katba kata ka Ïingjaiñ kaba ha khmat ka dang ïeng.

1 PETROS 1:12

U Blei u la pynpaw ha kine ki nongïathuhlypa ba ka jingtrei jong ki kam shym la long na ka bynta ka jingmyntoi jong ki hi, hynrei na ka bynta jong phi, katba ki dang lah kren shaphang kito kiei kiei ïa kiba phi la ïohsngew mynta na ki nonglamktien kiba la pynbna ïa ka Khubor Babha da ka bor U Mynsiem Bakhuid ba la phah na bneng. Kine ki long kiei kiei kiba wat ki angel ki thrang ban shemphang.

2 PETROS 1:21

Naba ym don khubor jingïathuhlypa kaba la ju wan tang na ka mon u briew, hynrei ki briew ki la long hapoh ka jingpynïaid jong U Mynsiem Bakhuid katba ki dang kren ïa ka khubor kaba la wan na U Blei.

1 ÏOANNIS 2:20

Hynrei ma phi, phi la lah don ïa U Mynsiem Bakhuid ba la theh ha phi da U Khrist, bad kumta phi baroh phi tip ïa ka jingshisha.

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.

1 ÏOANNIS 5:7

Ki don lai ki sakhi: U Mynsiem, ka um bad ka snam; bad kine baroh lai ki ai ïa kajuh ka jingphla.

JUDAH 1:20

Hynrei ma phi, ko ki paralok jong nga, to ïai tei ïa lade halor ka jingngeit bakyntang tam. To duwai ha ka bor U Mynsiem Bakhuid,

JINGPYNPAW 2:11

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ïa kito kiba ïoh ïa ka jingjop, yn ym pynsniew ïa ki da ka jingïap kaba ar.