ÏOANNIS 14:21 - Khasi CL Bible (BSI)

²¹ “Uno uno uba pdiang ïa ki hukum jong nga bad ngeit ïa ki u long uta uba ieit ïa nga. U Kpa jong nga un ieit ïa uno uno uba ieit ïa nga; nga ruh ngan ieit ïa u bad ngan pynpaw ïa lade ha u.”

KA BAIBL

²¹ Uta uba don ki hukum jong nga, bad ba sumar ïa ki, uta u long uba ieit ïa nga; uta uba ieit te ïa nga, yn ieit ïa u da uta U Kpa jong nga; nga ruh ngan ieit ïa u, bad ngan pynpaw ïa lade ha u.”

ÏOANNIS 14:21 ပူးပေါင်းရင်းမြစ်များ

2 SYIEM 18:6

U long uba ïaineh ha U Trai bad um ju leh bymkohnguh ïa u, hynrei u husiar ban bat ïa ki hukum kiba U Trai u ai ha u Moses.

SALM 35:27

Ai ba kito kiba kwah ban ïohi ïa ka jingpynksan jong nga kin risa da ka jingkmen, bad kin ïai-ong, “Katno Uba khraw long U Trai! uba sngewbha ha ka jingjop u shakri jong u!”

EKSODOS 33:18

Nangta U Moses u kyrpad, “Sngewbha shah ngan ïohi ïa ka jingshai batyngshaiñ jong ka jingdon ryngkat jong me.”

PROBERB 8:17

Nga ieit ïa kito kiba ieit ïa nga; kita kiba wad ïa nga kin shem ïa nga.

JEREMAÏAH 31:31

U Trai u ong, “Ka por kan poi haba ngan sa pynlong ïa ka jutang bathymmai bad ki paid Israel bad ki paid Judah.

SEPHANAÏAH 3:17

U Trai U Blei jong pha u long bad pha; ka bor jong u ka ai ha pha ka jingjop. U Trai un shem jingsngewbha ha pha, bad ha ka jingieit jong u un ai ha pha ka jingim bathymmai. Un rwai bad un kmen halor jong pha,

LOUKAS 11:28

Hynrei U Jisu u la jubab, “Pynban, katno kaba kmen long kito kiba shahshkor ïa ka ktien jong U Blei bad kiba kohnguh ïa ka!”

ÏOANNIS 14:15

“Lada phi ieit ïa nga, phin sumar ïa ki hukum jong nga.

ÏOANNIS 14:18

“Ynda nga leit, phin ym sah tang marwei; ngan wan pat sha phi.

ÏOANNIS 15:14

Bad phi long ki paralok jong nga lada phi leh ïa kaei kaba nga hukum ïa phi.

ÏOANNIS 16:14

Un ai burom ïa nga, namar un shim ïa kaei ba nga ong bad ïathuh ïa ka ha phi.

ÏOANNIS 16:27

U ieit ïa phi namar ba phi ieit ïa nga bad ba phi la ngeit ba nga la wan na U Blei.

ÏOANNIS 17:23

Ma nga ha ki bad ma me ha nga, khnang ba ka pyrthei ka lah ban tip ba me la phah ïa nga bad ba me ieit ïa ki kumba me ieit ïa nga.

KI KAM 22:18

ha kaba nga la ïohi ïa U Trai, haba u la ong ha nga, ‘Pynkloi bad mihnoh kyrkieh na Jerusalem, namar ki briew hangne kin ym pdiang ïa ka jingsakhi jong me shaphang jong nga.’

2 KORINTH 12:8

Lai sien nga la duwai ha U Trai shaphang kane bad nga la kyrpad ïa u ban weng noh ïa ka.

2 KORINTH 3:18

Te, baroh na ngi, ngi phalang ïa ka burom jong U Trai da ki durkhmat ba khlem tap; bad kata kajuh ka burom, kaba wan na U Trai, uba long U Mynsiem, ka pynkylla dur ïa ngi sha ka jingïasyriem ïa u ha kata ka kyrdan kaba kham khraw jong ka burom.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

DEUTERONOMI 11:13

“Kumta, to kohnguh ïa ki hukum ba nga la ai ha phi mynta ka sngi; ieit ïa U Trai U Blei jong phi bad shakri ïa u da ka dohnud jong phi baroh.

DEUTERONOMI 7:13

Un ieit bad kyrkhu ïa phi, ba phin nang roi kyrhai. Un kyrkhu ruh ba phin ïoh shibun ki khun ki kti; un kyrkhu ïa ki lyngkha jong phi ba phin ïoh u kew, ka waiñ, bad ka umphniang Olib; bad un kyrkhu ruh ïa phi da kaba ai ha phi shibun ki masi bad ki langbrot, ha kata ka ri ïa kaba u la kular ha ki kpa tymmen jong phi ban ai ha phi.

2 THESSALONI 2:16

Ai ba U Jisu Khrist Uba U Trai jong ngi da lade hi bad U Blei uba U Kpa jong ngi, uba la ieit ïa ngi, bad ha ka jingaiei jong u un ai ha ngi ka jingshlur baneh bad ka jingkyrmen baskhem,

2 TIMOTHI 4:22

U Trai un long lem bad ka mynsiem jong phi. Ka jingaiei jong U Blei kan long bad phi baroh. Amen.

1 ÏOANNIS 2:5

Hynrei uno uno uba kohnguh ïa ka ktien jong u, u long uta uba ïa ka jingieit ïa U Blei la pynjanai da shisha. Dei da kane ba kumno ngi lah ban sngewskhem ba ngi long ha U Blei:

1 ÏOANNIS 3:1

Ha khmih haduh katno U Kpa u la ieit ïa ngi! Ka jingieit jong u ka long kaba khraw katta katta ba ïa ngi la khot ki khun U Blei — bad kumta, ha ka jingshisha, ngi long. Dei kane ba balei ka pyrthei kam ithuh ïa ngi: Kam pat la ithuh ïa U Blei.

1 ÏOANNIS 5:3

Naba ka jingieit jong ngi ïa U Blei, ka mut ba ngi kohnguh ïa ki hukum jong u. Bad ki hukum jong u kim long kiba eh katta katta ïa ngi,

2 ÏOANNIS 1:6

Kane ka jingieit kaba nga kren ka mut ba ngin ïaid ha ka jingkohnguh ïa ki hukum jong U Blei. Ka hukum, kumba phi baroh phi la ïohsngew naduh mynnyngkong, ka long ba baroh phi dei ban ïa-ïaid ha ka jingieit.

JINGPYNPAW 2:17

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ha kito kiba ïoh ïa ka jingjop ngan ai katto katne ka manna ba la buhrieh. Ngan ai ruh ha uwei pa uwei na ki ïa u maw balieh ha uba la thoh ïa ka kyrteng bathymmai kaba ym don mano mano batip lait noh tang uta uba ïohpdiang ïa ka.

JINGPYNPAW 22:14

Suk kito kiba sait pynkhuid ïa la ki jaiñkup bad kumta ki don ka hok ban bam ïa u soh na u dieng ka jingim bad ban leit lyngba ki khyrdop shapoh ka nongbah.

JINGPYNPAW 3:20

Shahshkor! Nga ïeng ha ka jingkhang bad nga tied; lada uno uno u sngew ïa ka sur jong nga bad plie ïa ka jingkhang, ngan wan rung shapoh ka ïing jong u bad ngan ïabam bad u, bad ma u ruh un ïabam lem bad nga.