ÏOANNIS 14:20 - Khasi CL Bible (BSI)

²⁰ Haba kata ka sngi ka poi, phin sa tip ba nga long ha U Kpa jong nga bad ba ma phi ha nga, kumba nga long ha phi.

KA BAIBL

²⁰ Ha kata ka sngi; phi, phin ïoh tip ba nga long ha uta U Kpa jong nga, bad ma phi ha nga, bad ma nga ha phi.

ÏOANNIS 14:20 ပူးပေါင်းရင်းမြစ်များ

ÏOANNIS 10:38

Hynrei lada nga leh ïa ki, wat lada phim ngeit ïa nga, phi la dei ban ngeit ïa ki kam jong nga, khnang ba phi lah ban tip shi syn tip ba U Kpa u long ha nga bad ba nga long ha U Kpa.”

ÏOANNIS 14:10

Hato mem ngeit, ko Philip, ba nga long ha U Kpa bad U Kpa u long ha nga? Ki ktien kiba nga la kren ha phi,” U Jisu u la ong ha la ki synran, “kim shym la wan na nga hi. U Kpa, uba ïaisah bad nga, u trei la ka jong ka kam.

ÏOANNIS 14:11

To ngeit ïa nga haba nga ong ba nga long ha U Kpa bad U Kpa u long ha nga. Lymda kumta, to ngeit namar kiei kiei kiba nga leh.

ÏOANNIS 16:23

“Haba kata ka sngi ka poi, phin ym pan ei ei na nga. Nga ïathuh ha phi ïa ka jingshisha: U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 16:26

Haba kata ka sngi kan poi, phin pan na u ha ka kyrteng jong nga; bad ngam ong ba ngan pan na u na ka bynta jong phi, naba U Kpa da lade hi u ieit ïa phi.

ÏOANNIS 17:11

Bad mynta nga wan noh sha me; ngam don shuh ha kane ka pyrthei, hynrei ma ki, ki don ha ka pyrthei. Ko Pa Bakhuid! To ri kyndong ïa ki da ka bor ka kyrteng jong me, ka kyrteng kaba me la ai ha nga, ba kin ïoh long kawei kumba ma me bad nga ngi ïalong kawei.

ÏOANNIS 17:26

Nga la pynithuh ïa me ha ki, bad ngan ïai leh kumta, khnang ba ka jingieit kaba me don ïa nga kan ïoh long bad ki, bad kumta nga ruh ngan ïoh long bad ki.”

ÏOANNIS 17:7

Ki la kohnguh ïa ka ktien jong me, bad mynta ki tip ba kaei kaei baroh kaba me la ai ha nga ka wan na me.

ÏOANNIS 6:56

Kito kiba bam ïa ka doh jong nga bad ba dih ïa ka snam jong nga ki ïaisah ha nga, bad ma nga ha ki.

Ka Shithi U Paul Sha Ki Nong Rom 16:7

Ki jingkhublei ruh ïa u Andronikos bad ka Junias, ki para Jiw kiba la ïadon lang bad nga ha byndi; ki long ïa kiba la ithuh bha hapdeng ki apostol, bad ki la long Khristan shuwa ïa nga.

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

2 KORINTH 12:2

Nga ithuh ïa u briew uba ngeit ïa uba khatsaw snem mynshuwa la rong noh sha ka bneng kaba jrong tam (ngam tip la kane ka da jia shisha ne u la ïoh ïa ka jingïohipaw — tang U Blei uba tip).

2 KORINTH 13:5

To tynjuh ïa lade bad bishar hi da lade, ban shem la phi im ne em ha ka jingngeit. Hato da shisha phi tip ba U Khrist Jisu u don ha phi? — lymda phi la long kiba la shahjop noh.

2 KORINTH 5:17

Uno uno ïa uba la pynïasoh ha U Khrist u long u jingthaw uba thymmai; kaba rim ka la leit noh, kaba thymmai ka la wan.

2 KORINTH 5:19

Ka khubor jong ngi ka long ba U Blei u la pynlong paralok ïa u bynriew baroh lyngba U Khrist. U Blei um shym la buh jingkheiñ ïa ki pop jong ki, bad u la ai ha ngi ka khubor kaba ïathuh kumno u pynlong ïa ki, ki paralok jong u.

GALATIA 2:20

khnang ba ym dei shuh ma nga uba im, hynrei dei U Khrist uba im ha nga. Kane ka jingim kaba nga im mynta, nga im da ka jingngeit ha U Khun U Blei, uba la ieit ïa nga bad uba la aiti ïa la ka jingim na ka bynta jong nga.

EPHESOS 2:10

U Blei u la pynlong ïa ngi kumba ngi long, bad ha U Khrist Jisu u la pynlong ïa ngi ban im na ka bynta ki kam babha, ïa kiba u la pynkhreh lypa ba ngin leh ïa ki.

KOLOSSAI 1:19

Naba ka la long da ka jingrai ka jong U Blei hi ba U Khun u la don ha lade hi ïa ka jinglong ba-pura jong U Blei.

KOLOSSAI 1:27

Ka jingthmu jong U Blei ka long ban pyntip ïa ka jingmaïan jong u ha ki briew jong u, ïa kane ka jingmaïan basngewtynnat bad badonburom kaba u don na ka bynta ki briew baroh. Bad ka jingmaïan ka long, ba U Khrist u don hapoh jong phi, kaba mut, ba phin ïoh bynta ha ka burom jong U Blei.

KOLOSSAI 2:9

Naba ka jingdap pura jong ka jinglong Blei ka shong tylli ha U Khrist, ha ka jinglongbriew jong u, bad la ai ha phi ïa ka jingim ba-dap pura ha u.

1 ÏOANNIS 4:12

Ym don uno uno uba la ïohi ïa U Blei mynno mynno ruh, hynrei, lada ngi ïa-ieit iwei ïa iwei pat, U Blei u im hapoh jong ngi, bad ïa ka jingieit jong u la pynjanai noh ha ngi.