ÏOANNIS 14:17 - Khasi CL Bible (BSI)

¹⁷ Uta u long U Mynsiem uba pynpaw ïa ka jingshisha shaphang U Blei. Ka pyrthei kam lah ban pdiang ïa u, namar ba kam ïohi ïa u lane ithuh ïa u. Hynrei phi ithuh ïa u, namar ba u ïaisah bad phi bad u don hapoh jong phi.

KA BAIBL

¹⁷ ïa U Mynsiem ka jingshisha keiñ; ïa uba ka pyrthei kam lah ban pdiang, naba kam ïohi ïa u, lymne kam ithuh ïa u: phi, hynrei, phi ithuh ïa u, namar u ïaisah bad phi, un long ruh ha phi.

ÏOANNIS 14:17 ပူးပေါင်းရင်းမြစ်များ

PROBERB 14:10

Ka jingkmen jong phi ka long ka jong phi hi; ka jingkthang jong phi ka long ka jong phi hi. Ym don uba lah ban ïasam ïa ki bad phi.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 59:21

Bad ngan pynlong ka Jutang bad phi: Nga la ai ha phi ïa ka bor jong nga bad ki jinghikai jong nga kin long bad phi junom, bad naduh mynta phi dei ban kohnguh ïa nga bad hikai ïa ki khun jong phi bad ïa ki pateng jong phi ban kohnguh ïa nga ha ki por baroh ki ban wan.”

ESEKIEL 36:27

Ngan buh ïa U Mynsiem jong nga hapoh jong phi bad ngan peit ba phi bud ïa ki aiñ jong nga bad sumar ïa ki hukum jong nga kiba nga la ai ha phi.

MATHAÏOS 10:20

Naba ki ktien kiba phin kren kim dei ki jong phi; kin wan na U Mynsiem jong U Kpa jong phi uba kren lyngba jong phi.

ÏOANNIS 14:16

Ngan pan na U Kpa, bad un ai ïa phi ïa uwei pat U Nongïarap, u ban shongsah bad phi junom.

ÏOANNIS 14:23

U Jisu u la jubab ïa u, “Uno uno uba ieit ïa nga un kohnguh ïa ka jinghikai jong nga. U Kpa jong nga un ieit ïa u, bad U Kpa jong nga bad ma nga ngin wan ha u bad sah hapoh jong u.

ÏOANNIS 15:26

“U Nongïarap un wan — U Mynsiem, uba pynpaw ïa ka jingshisha shaphang U Blei bad uba wan na U Kpa. Ngan phah ïa u na U Kpa, bad un kren shaphang jong nga.

ÏOANNIS 16:13

Pynban, haba U Mynsiem un wan, uba pynpaw ïa ka jingshisha shaphang U Blei, un ïalam ïa phi sha ka jingshisha baroh. Un ym kren ha ka bor jong u hi, hynrei un kren ïa kaei kaba u ïohsngew, bad un ïathuh ha phi ïa kiei kiei ki ban sa wan.

ÏOANNIS 6:40

Naba kaei kaba U Kpa jong nga u kwah, ka long ba baroh kiba ïohi ïa U Khun bad ngeit ha u, ki dei ban ïoh ïa ka jingim bymjukut. Bad ngan pynmihpat ïa ki ha ka sngi kaba khatduh.”

1 KORINTH 14:15

Te ngan leh kumno? Ngan duwai da ka mynsiem jong nga, hynrei ngan rwai ruh da ka jingmut jong nga; ngan rwai da la ka mynsiem, hynrei ngan rwai ruh da ka jingmut jong nga.

1 KORINTH 2:14

Uno uno u bym don U Mynsiem, um lah ban ïohpdiang ïa ki jingai kiba wan na U Mynsiem U Blei. Kum uta u briew da shisha um sngewthuh ïa ki; ki long ka jingbieit ha u, namar ïa ka dor jong ki lah ban bishar tang na ka nongrim kaba kynja mynsiem.

1 KORINTH 3:16

Da shisha phi tip ba phi long ka templ jong U Blei bad ba U Mynsiem U Blei u shong hapoh jong phi!

1 KORINTH 6:19

Hato phim tip ba ka met jong phi ka long ka jaka shong U Mynsiem Bakhuid, uba shong hapoh jong phi bad ïa uba la ai ha phi da U Blei?

2 KORINTH 13:5

To tynjuh ïa lade bad bishar hi da lade, ban shem la phi im ne em ha ka jingngeit. Hato da shisha phi tip ba U Khrist Jisu u don ha phi? — lymda phi la long kiba la shahjop noh.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

GALATIA 4:6

Ban pyn-i ba phi dei ki khun jong u, U Blei u la phah ïa U Mynsiem jong U Khun jong u ha ki dohnud jong ngi, U Mynsiem uba kyang, “Ko Pa, Pa jong nga.”

EPHESOS 2:22

Ha u, ïa phi ruh la tei lang lem bad kiwei pat da U Mynsiem jong u ha ka jaka ha kaba U Blei u shong.

EPHESOS 3:17

Nga duwai ban pynsuhthied ïa phi bad pynshong nongrim ha ka jingieit,

KOLOSSAI 1:27

Ka jingthmu jong U Blei ka long ban pyntip ïa ka jingmaïan jong u ha ki briew jong u, ïa kane ka jingmaïan basngewtynnat bad badonburom kaba u don na ka bynta ki briew baroh. Bad ka jingmaïan ka long, ba U Khrist u don hapoh jong phi, kaba mut, ba phin ïoh bynta ha ka burom jong U Blei.

2 TIMOTHI 1:14

Da ka bor jong U Mynsiem Bakhuid, uba im hapoh jong ngi, to sumar ïa kiei kiei kiba bha ïa kiba la pynkhamti ha me.

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.

1 ÏOANNIS 3:24

Uno uno uba kohnguh ïa ki hukum jong U Blei, u ïaisah ha U Blei bad U Blei u ïaisah ha u. Bad dei namar U Mynsiem uba U Blei u la ai ha ngi, ngi tip ba U Blei u ïaisah ha ngi.

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.

1 ÏOANNIS 4:6

Hynrei ngi, ngi long ki jong U Blei. Uno uno uba ithuh ïa U Blei, u shahshkor ïa ngi; uno uno u bym long u jong U Blei, um shahshkor ïa ngi. Kane te, ka long kumno ngi lah ban ïathuh ïa ka jingïapher hapdeng U Mynsiem ka jingshisha bad u mynsiem ka jinglamler.

1 ÏOANNIS 5:7

Ki don lai ki sakhi: U Mynsiem, ka um bad ka snam; bad kine baroh lai ki ai ïa kajuh ka jingphla.

JINGPYNPAW 2:17

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ha kito kiba ïoh ïa ka jingjop ngan ai katto katne ka manna ba la buhrieh. Ngan ai ruh ha uwei pa uwei na ki ïa u maw balieh ha uba la thoh ïa ka kyrteng bathymmai kaba ym don mano mano batip lait noh tang uta uba ïohpdiang ïa ka.