ÏOANNIS 14:16 - Khasi CL Bible (BSI)

¹⁶ Ngan pan na U Kpa, bad un ai ïa phi ïa uwei pat U Nongïarap, u ban shongsah bad phi junom.

KA BAIBL

¹⁶ Nga ruh ngan duwai ïa U Kpa, te un ai ha phi ïa uwei pat U Nongpyntngen, ba un ïoh ïaisah lem bad phi ha la ka rta,

ÏOANNIS 14:16 ပူးပေါင်းရင်းမြစ်များ

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

ÏOANNIS 14:14

Lada phi pan na nga ïa kano kano ha ka kyrteng jong nga, ngan leh ïa kata.

ÏOANNIS 14:18

“Ynda nga leit, phin ym sah tang marwei; ngan wan pat sha phi.

ÏOANNIS 14:26

Uta U Nongïarap, U Mynsiem Bakhuid, ïa uba U Kpa un phah ha ka kyrteng jong nga, un hikai ïa phi ïa kiei kiei baroh bad un pynkynmaw ïa baroh kaba nga la ïathuh ha phi.

ÏOANNIS 15:26

“U Nongïarap un wan — U Mynsiem, uba pynpaw ïa ka jingshisha shaphang U Blei bad uba wan na U Kpa. Ngan phah ïa u na U Kpa, bad un kren shaphang jong nga.

ÏOANNIS 16:22

Kumta kan long bad phi: Mynta phi ïasngewsih, hynrei ngan sa wan khmih pat ïa phi, bad ki dohnud jong phi kin dap da ka jingkmen; ka jingkmen kaba yn ym don uba lah ban shim noh na phi.

ÏOANNIS 17:15

Ngam kyrpad ba men shim noh ïa ki na ka pyrthei, hynrei nga da kyrpad ba men ri kyndong ïa ki na uta u bymman.

ÏOANNIS 17:20

“Nga duwai ym tang na ka bynta jong ki, hynrei na ka bynta kito ruh kiba ngeit ha nga namar ka khubor jong ki.

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

ÏOANNIS 7:39

U Jisu u la kren ïa kane shaphang U Mynsiem, uba kito kiba la ngeit ha u kin ïohpdiang. Ha kata ka por ïa U Mynsiem ym pat shym la ai, namar ïa U Jisu ym pat shym la kyntiew sha ka burom.

KI KAM 1:4

Bad haba ki la ïawanlang, u la ai ha ki ïa kane ka hukum: “Wat leit noh na Jerusalem, hynrei ap ïa ka jingkular kaba nga la ïathuh, ka jingai kaba U Kpa jong nga u la kular.

KI KAM 13:52

Ki riewngeit ha Antiokh ki la dap da ka jingkmen bad da U Mynsiem Bakhuid.

KI KAM 9:31

Bad kumta ka la long ba ka balang ha kylleng ka Judia, Galilaïa bad Samaria ka la ïoh shongsuk. Da ka jingïarap jong U Mynsiem Bakhuid la pynshaitbor ïa ka bad ka la nang san ha ka jingbun briew, haba ka ïaid ha ka jingsheptieng ïa U Trai.

Ka Shithi U Paul Sha Ki Nong Rom 14:17

Naba ka Hima U Blei kam long ha kaba bam bad kaba dih, hynrei ka long ka hok, ka jingsuk, bad ka jingkmen kiba U Mynsiem Bakhuid u ai.

Ka Shithi U Paul Sha Ki Nong Rom 15:13

To U Blei, uba long ka tyllong jong ka jingkyrmen, un pyndap ïa phi da ka jingkmen baroh bad ka jingsuk kaba long da ka jingngeit jong phi ha u, khnang ba ka jingkyrmen jong phi kan ïai san da ka bor jong U Mynsiem Bakhuid.

Ka Shithi U Paul Sha Ki Nong Rom 5:5

Kane ka jingkyrmen ka ai ha ngi ka jingkmen, namar U Blei u la theh noh ïa ka jingieit jong u ha ki dohnud jong ngi lyngba U Mynsiem Bakhuid, uba long ka jingai sngewbha jong U Blei ïa ngi.

Ka Shithi U Paul Sha Ki Nong Rom 8:34

Mano te, ki ban pynrem ïa ki? Ym U Khrist Jisu, uba la ïap, lane, ïa uba la pynmihpat bad uba don ha ka liang kamon jong U Blei, uba ïasaid bad u na ka bynta jong ngi!

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

PHILIPPI 2:1

Ka jingim jong phi ha U Khrist ka pynlong khlaiñ ïa phi, bad ka jingieit jong u ka pyntngen ïa phi. Phi don ka jingïasyllok lem bad U Mynsiem, bad phi don ka jingsbun bad ka jingsngewsynei iwei ïa iwei pat.

2 THESSALONI 2:16

Ai ba U Jisu Khrist Uba U Trai jong ngi da lade hi bad U Blei uba U Kpa jong ngi, uba la ieit ïa ngi, bad ha ka jingaiei jong u un ai ha ngi ka jingshlur baneh bad ka jingkyrmen baskhem,

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

1 ÏOANNIS 2:1

Nga thoh ïa kane ha phi, ko ki khun jong nga, khnang ba phin ym leh pop; hynrei lada uno uno u leh pop, ngi don uwei uba ïasaid bad U Kpa na ka bynta jong ngi — U Jisu Khrist, uta uba hok.

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.

2 ÏOANNIS 1:2

namar ka jingshisha ka ïaisah ha ngi bad kan long lem bad ngi junom.