ÏOANNIS 14:13 - Khasi CL Bible (BSI)

¹³ Bad ngan leh ïa kano kano kaba phi pan ha ka kyrteng jong nga, khnang ba ïa ka burom U Kpa yn ïoh pynpaw lyngba U Khun.

KA BAIBL

¹³ Te kaei kaei ruh ba phin pan ha ka kyrteng jong nga, ïa kata ngan leh, ba yn ïoh pyndonburom ïa U Kpa ha U Khun.

ÏOANNIS 14:13 ပူးပေါင်းရင်းမြစ်များ

MATHAÏOS 21:22

Lada phi ngeit, phin ïohpdiang ïa kaei kaei kaba phi pan ha ka jingduwai.”

MATHAÏOS 7:7

“To pan, bad phin ïohpdiang; to wad, bad phin shem; to tied, bad ïa ka jingkhang yn plie ïa phi.

MARKOS 11:24

Namar kane ka daw nga ong ïa phi: Haba phi duwai bad pan ïa kaei kaei, ngeit ba phi la ïohpdiang ïa ka, bad yn ai ïa phi ïa kaei kaei kaba phi pan.

LOUKAS 11:9

“Bad kumta nga ong ha phi: To pan, bad phin ïohpdiang; to wad, bad phin shem; to tied, bad ïa ka jingkhang yn plie na ka bynta jong phi.

ÏOANNIS 10:30

U Kpa bad ma nga ngi long kawei.”

ÏOANNIS 12:44

U Jisu u la ong ha ka sur kaba jam, “Uno uno uba ngeit ha nga u ngeit ym tang ha nga hynrei ruh ha uta uba la phah ïa nga.

ÏOANNIS 13:31

Hadien ba U Judas u la mihnoh, U Jisu u la ong, “Mynta ïa ka burom U Khun U Briew la pynpaw; mynta ïa ka burom U Blei la pynpaw lyngba u.

ÏOANNIS 14:14

Lada phi pan na nga ïa kano kano ha ka kyrteng jong nga, ngan leh ïa kata.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 15:16

Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 15:7

Lada phi ïaineh ha nga bad ki ktien jong nga ki ïaineh ha phi, te phin pan ïa kaei kaei kaba phi kwah, bad phin ïoh ïa ka.

ÏOANNIS 16:23

“Haba kata ka sngi ka poi, phin ym pan ei ei na nga. Nga ïathuh ha phi ïa ka jingshisha: U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 16:26

Haba kata ka sngi kan poi, phin pan na u ha ka kyrteng jong nga; bad ngam ong ba ngan pan na u na ka bynta jong phi, naba U Kpa da lade hi u ieit ïa phi.

ÏOANNIS 16:7

Hynrei nga ïathuh ha phi ïa ka jingshisha: Ka kham bha ïa phi ba nga leit noh, namar lada ngam leit noh, U Nongïarap un ym wan sha phi. Hynrei lada nga leit noh, te ngan phah ïa u sha phi.

ÏOANNIS 4:10

U Jisu u la jubab, “Lada pha tang shu la tip ïa kaei kaba U Blei u ai bad uei uta uba pan umdih na pha, phan jin da la pan na u, bad u un jin da la ai ha pha ïa ka um kaba ai jingim.”

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

ÏOANNIS 5:19

Kumta U Jisu u la jubab ïa ki, “Nga ong ha phi ïa ka jingshisha: U Khun um lah ban leh ei ei na lade; u leh tang ïa kaei kaba u ïohi ba U Kpa jong u, u leh. Ïa kaei kaba U Kpa u leh, U Khun ruh u leh.

ÏOANNIS 7:37

Ha ka sngi kaba khatduh bad kaba khraw tam eh jong ka Jingkhawai Niam, U Jisu u la ïeng joit bad u la ong ha ka sur kaba jam, “Uno uno uba sliang u dei ban wan sha nga, bad uno uno uba ngeit ha nga u dei ban dih.

1 KORINTH 14:13

U briew uba kren ha ki thylliej bapher, te, u dei ban duwai khnang ban ïoh ïa ka jingai ban batai ïa kaei kaba u kren.

EPHESOS 2:18

Ka dei lyngba U Khrist ba baroh ma ngi, ki Jiw bad ki Jentil, ngi la lah ban wan ha uwei U Mynsiem sha ka jingdon ryngkat jong U Kpa.

EPHESOS 3:12

Ha U Khrist bad da ka jingngeit jong ngi ha u ngi don ka jingshlur ban leit sha ka jingdon ryngkat U Blei da ka jingsngewskhem baroh.

EPHESOS 3:14

Namar kane ka daw, nga dem khohsiew ha khmat U Kpa,

PHILIPPI 4:13

Nga don ka bor ban mad ïa baroh ki jinglong da ka bor kaba U Khrist u ai ïa nga.

KOLOSSAI 3:17

Nangta, ïa kaei kaei baroh kaba phi leh ne phi ong, dei ban leh ha ka kyrteng jong U Trai Jisu, ha kaba phi ainguh da u ïa U Blei uba U Kpa.

HEBRU 13:15

Namarkata, to ngin ai jingïaroh ïa U Blei khlem da pud kum ka jingkñia da U Jisu, kaba long ka jingainguh da ki rmiang shyntur kiba phla ïa u kum U Trai.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.

JAKOB 5:16

Namarkata, to phla ïa la ki pop iwei ha iwei pat, khnang ba yn pynkhiah ïa phi. Ka jingduwai jong u briew uba hok ka don ka bor kaba khraw.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.

1 ÏOANNIS 3:22

Ngi ïohpdiang na u ïa kano kano kaba ngi pan, namar ba ngi kohnguh ïa ki hukum jong u bad ngi leh ïa kaei kaba pynsngewbha ïa u.

1 ÏOANNIS 5:14

Ngi don ka jingshlur ha khmat U Blei, namar ngi sngewskhem ba u ïohsngew ïa ngi lada ngi kyrpad ïa u na ka bynta kano kano kaba long kat kum ka mon jong u.