ÏOANNIS 13:33 - Khasi CL Bible (BSI)

³³ Ko ki khun jong nga, ngan ym don shuh bad phi slem nangne. Phin ïawad ïa nga; hynrei nga ïathuh ïa phi mynta ïa kaei kaba ba nga la ïathuh ha ki nongsynshar jong ki Jiw, ‘Phim lah ban leit shano sha ba nga ngan leit.’

KA BAIBL

³³ Ko ki khun hep, shibit ar bit nga dang don lem bad phi; phin ïawad ïa nga: kumba nga la ong ruh ha kita ki Jiw, kumta nga ong mynta ha phi, ‘Sha kaba ngan sa leit ma nga, phi phim lah ban ïawan.’

ÏOANNIS 13:33 ပူးပေါင်းရင်းမြစ်များ

ÏOANNIS 13:36

“Ko Trai, shano men leit?” u Petros u la kylli ïa u. “Mem lah ban bud ïa nga mynta shano sha ba ngan sa leit,” U Jisu u la jubab; “hynrei hadien men sa bud ïa nga.”

ÏOANNIS 14:19

Sa tang shipor ka pyrthei kan ym ïohi shuh ïa nga, hynrei phin ïohi ïa nga; bad namar ba nga im, phi ruh phin ïoh im.

ÏOANNIS 14:2

Don shibun ki kamra ha ka ïing U Kpa jong nga, bad ngan leit ban pynkhreh ka jaka ïa phi. Ngan ym jin da la ïathuh ïa phi lada kam long kumta.

ÏOANNIS 7:36

U ong ba ngin wad ïa u hynrei ngin ym shem ïa u, bad ba ngim lah ban leit sha kaba un don. U mut aïu?”

GALATIA 4:19

Ko ki khun ba-ieit jong nga! Sa shisien, kum ka kmie kaba suh kha, nga sngew ïa kajuh ka jait jingsuh na ka bynta jong phi tad haduh ka jinglong U Khrist kan da thawdur ha phi.

1 ÏOANNIS 2:1

Nga thoh ïa kane ha phi, ko ki khun jong nga, khnang ba phin ym leh pop; hynrei lada uno uno u leh pop, ngi don uwei uba ïasaid bad U Kpa na ka bynta jong ngi — U Jisu Khrist, uta uba hok.

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.

1 ÏOANNIS 5:21

Ko ki khun jong nga, to phin ri kyndong ïa lade na ki blei ba-thala!