ÏOANNIS 13:31 - Khasi CL Bible (BSI)

³¹ Hadien ba U Judas u la mihnoh, U Jisu u la ong, “Mynta ïa ka burom U Khun U Briew la pynpaw; mynta ïa ka burom U Blei la pynpaw lyngba u.

KA BAIBL

³¹ Namar kata, ynda u la leit noh, U Jisu u ong, “Mynta la pyndonburom ïa U Khun u briew, bad la pyndonburom ïa U Blei ha u.

ÏOANNIS 13:31 ပူးပေါင်းရင်းမြစ်များ

MATHAÏOS 8:20

U Jisu u la jubab ïa u, “Ki myrsiang ki don ki krem, bad ki sim ki don ki skum, hynrei U Khun U Briew um don jaka hangno hangno ban dem bad ban pynjahthait.”

LOUKAS 12:50

Nga don ka jingpynbaptis ban ïohpdiang, bad katno nga sngewkhia mynsiem tad haduh ba kan da kut noh!

ÏOANNIS 11:4

Haba U Jisu u la ïohsngew ïa kata, u la ong, “Kaba kut jong kane ka jingpang kan ym dei ka jingïap jong u Lasaros; kane ka la jia khnang ban wallam ka burom ïa U Blei, bad kan long ka lad ha kaba U Khun U Blei un ïohpdiang ïa ka burom.”

ÏOANNIS 12:23

U Jisu u la jubab ïa ki, “Ka kynta ka la poi mynta ïa U Khun U Briew ban ïohpdiang ïa ka burom kaba khraw.

ÏOANNIS 12:28

Ko Pa, to pyndonburom ïa la ka kyrteng!” Te ka sur ka la kren na bneng, “Nga la wallam ka burom ïa ka, bad ngan leh biang kumta.”

ÏOANNIS 14:13

Bad ngan leh ïa kano kano kaba phi pan ha ka kyrteng jong nga, khnang ba ïa ka burom U Kpa yn ïoh pynpaw lyngba U Khun.

ÏOANNIS 16:14

Un ai burom ïa nga, namar un shim ïa kaei ba nga ong bad ïathuh ïa ka ha phi.

ÏOANNIS 7:39

U Jisu u la kren ïa kane shaphang U Mynsiem, uba kito kiba la ngeit ha u kin ïohpdiang. Ha kata ka por ïa U Mynsiem ym pat shym la ai, namar ïa U Jisu ym pat shym la kyntiew sha ka burom.

KI KAM 2:36

“Baroh ki paid Israel, te, ki dei ban tip da kaba thikna ba une U Jisu, uba phi la sahnarphna, u dei uta uba U Blei u la pynlong U Trai bad U Messaïah!”

KI KAM 3:13

U Blei jong u Abraham, u Isaak, bad jong u Jakob, U Blei ki kpa tymmen jong ngi, u la ai ïa ka burom ba kynja blei ha U Jisu u shakri jong u. Hynrei phi la aiti ïa u ha ki bor synshar, bad phi la kyntait ïa u ha khmat u Pilat, wat hadien ba u Pilat u la rai ban pyllait noh ïa u.

2 KORINTH 3:18

Te, baroh na ngi, ngi phalang ïa ka burom jong U Trai da ki durkhmat ba khlem tap; bad kata kajuh ka burom, kaba wan na U Trai, uba long U Mynsiem, ka pynkylla dur ïa ngi sha ka jingïasyriem ïa u ha kata ka kyrdan kaba kham khraw jong ka burom.

EPHESOS 1:12

Te ma ngi, kiba long kiba nyngkong ban kyrmen ha U Khrist, ngin ïaroh ïa ka burom U Blei!

EPHESOS 2:7

U la leh ïa kane ban pynpaw ha ki por baroh ki ban sa wan ïa ka jingkhraw tam eh ka jingaiei jong u ha ka jingieit ïa kaba u la pyn-i sha ngi ha U Khrist Jisu.

EPHESOS 3:10

khnang ba ha ka por ba mynta lyngba ka Balang, ki angel nongsynshar bad ki bor ha ka pyrthei ba kynja bneng ki lah ban tip ïa ka jingstad jong u ha baroh ki rukom ba-ïapher jong ki.

PHILIPPI 2:11

bad baroh kin pynbna shynna ba U Jisu Khrist u long U Trai, ïa ka burom U Blei uba U Kpa.

1 PETROS 1:21

Da u, phi ngeit ha U Blei, uba la pynmihpat ïa u na ka jingïap bad la ai ha u ïa ka burom; bad kumta ïa ka jingngeit bad ka jingkyrmen jong phi la pynskhem ha U Blei.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.

1 PETROS 4:11

Uno uno uba ïalap, u dei ban ïalap ïa ki khubor jong U Blei; uno uno uba shakri, u dei ban shakri da ka bor kaba U Blei u ai ïa u, khnang ba ha kiei kiei baroh yn ai ïa ka jingïaroh sha U Blei da U Jisu Khrist, ha uba ka burom bad ka bor ki long ki jong u junom la junom, Amen.