ÏOANNIS 13:20 - Khasi CL Bible (BSI)

²⁰ Nga ïathuh ha phi ïa ka jingshisha, uno uno uba pdiang ïa uno uno uba nga phah, u pdiang ïa nga ruh; bad uno uno uba pdiang ïa nga, u pdiang ïa uta uba la phah ïa nga.”

KA BAIBL

²⁰ Shisha, shisha nga ong ha phi, uta uba pdiang ïano ïano ruh ïa uba ngan phah, u pdiang ïa nga; uta te uba pdiang ïa nga, u pdiang ïa uta uba la phah ïa nga.”

ÏOANNIS 13:20 ပူးပေါင်းရင်းမြစ်များ

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

MARKOS 9:37

“Uno uno uba pdiang sngewbha ha ka kyrteng jong nga ïa uwei na kine ki khynnah rit, u pdiang sngewbha ïa nga; bad uno uno uba pdiang sngewbha ïa nga, u pdiang sngewbha ym tang ïa nga hynrei ïa uta ruh uba la phah ïa nga.”

LOUKAS 10:16

U Jisu u la ong ha ki synran jong u, “Uno uno uba shahshkor ïa phi u shahshkor ïa nga; uno uno uba kyntait ïa phi u kyntait ïa nga; bad uno uno uba kyntait ïa nga u kyntait ïa uta uba la phah ïa nga.”

LOUKAS 9:48

“Uno uno uba pdiang sngewbha ïa une u khynnah ha ka kyrteng jong nga, u pdiang sngewbha ïa nga; bad uno uno uba pdiang sngewbha ïa nga, u pdiang sngewbha ruh ïa uta uba la phah ïa nga. Naba uta uba rit tam napdeng jong phi baroh u long uba khraw tam.”

GALATIA 4:14

Hynrei wat la ka jinglong ka met jong nga ka la long ka jingtynjuh bakhraw ïa phi, phim shym la ibeiñ ne kyntait ïa nga. Pynban phi la pdiang ïa nga kumba phi pdiang ïa u angel na bneng; phi la pdiang ïa nga kumba phi pdiang ïa U Khrist Jisu hi.

KOLOSSAI 2:6

Naduh ba phi la pdiang ïa U Khrist Jisu kum U Trai, to im ha u.

1 THESSALONI 4:8

Kumta te, uno uno uba kyntait ïa kane ka jinghikai, um kyntait ïa u briew, hynrei ïa U Blei, uba ai ha phi ïa U Mynsiem Bakhuid jong u.