ÏOANNIS 13:18 - Khasi CL Bible (BSI)

¹⁸ “Ngam shym kren shaphang jong phi baroh; nga tip ïa kito kiba nga la jied. Hynrei ka Jingthoh Bakhuid ka dei ban urlong shisha, kaba ong, ‘U briew uba la ïabam lang ïa ka jingbam jong nga u phai pyrshah ïa nga.’

KA BAIBL

¹⁸ Ngam kren shaphang jong phi baroh: nga, nga ithuh ïa kiba nga la jied, ba yn ïoh pyndep ïa kata Ka Jingthoh, ‘Uta uba bam jingbam lem bad nga u la rah ïa la ka khongdong'jat ban ïaleh ïa nga.’

ÏOANNIS 13:18 ပူးပေါင်းရင်းမြစ်များ

SALM 41:9

Wat u paralok babha tam jong nga, uta uba nga shaniah tam, uta uba ju ïadon bynta na ka jingbam jong nga, u la phai pyrshah ïa nga.

JEREMAÏAH 41:2

Katba ki dang ïabam jingbam lang, u Ishmael bad ki shiphew ngut ki rangbah lem bad u ki la sei ïa la ki waitlam bad ki la pynïap ïa u Gedalaïah.

MATHAÏOS 10:36

ki nongshun basniew tam jong u briew kin dei ki dkhot jong ka longïing jong u hi.

MATHAÏOS 26:21

Katba ki dang ïabam, U Jisu u la ong, “Nga ong ha phi, uwei na phi un shetkylla ïa nga.”

MATHAÏOS 26:23

U Jisu u la jubab, “Uta uba wieh ïa u kpu ha ka pliang lem bad nga, un shetkylla ïa nga.

MARKOS 14:17

Haba la janmiet, U Jisu u la wan ryngkat bad ki khat-ar ngut ki synran.

MARKOS 14:18

Katba ki dang don ha ka miej ban ïabam, U Jisu u la ong, “Nga ong ïa phi, ba uwei na phi un shetkylla ïa nga — uta uba dang ïabam bad nga.”

MARKOS 14:20

U Jisu u la jubab, “Un long uwei na phi ki khat-ar ngut, uta u ban wieh ïa u kpu jong u ha ka pliang bad nga.

LOUKAS 22:21

“Hynrei, ha khmih! Uta uba shetkylla ïa nga u don hangne ha ka miej lem bad nga!

ÏOANNIS 13:21

Hadien ba U Jisu u la ong ïa kane, u la khuslai jur bad u la pynbna da kaba shai, “Nga ïathuh ha phi ïa ka jingshisha: Uwei na phi un sa shetkylla ïa nga.”

ÏOANNIS 13:22

Ki synran ki la ïa-peit uwei ïa uwei pat da ka jinglyngngoh kaba jur, shaphang jongno u mut.

ÏOANNIS 13:26

U Jisu u la jubab, “Ngan wieh katto katne u kpu ha ka sos bad ngan ai ha u, uta ha uba nga ai; u dei uta u briew.” Kumta u la shim shi lyngkhot u kpu, u la wieh ha ka, bad u la ai ha u Judas, u khun jong u Simon Iskariot.

ÏOANNIS 15:16

Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 15:19

Lada phi long jong ka pyrthei, te ka pyrthei kan ieit ïa phi kum la ki jong hi. Hynrei nga la jied ïa phi na kane ka pyrthei, bad phim long shuh ki jong ka; na kata ka daw ka pyrthei ka shun ïa phi.

ÏOANNIS 15:25

Kane, pynban, kaba la dei ban jia, khnang ba ïa kaei kaba la thoh ha ka Hukum jong ki kan urlong shisha: ‘Ki la shun ïa nga khlem daw ei ei.’

ÏOANNIS 17:12

Mynba nga la don lem bad ki, nga la ri kyndong ïa ki da ka bor ka kyrteng jong me, ka kyrteng kaba me la ai ha nga. Nga la ïada ïa ki, bad ym don uwei ruh na ki uba la jah noh, lait tang u briew uba la dei ban jah — khnang ba ka Jingthoh Bakhuid kan urlong shisha.

ÏOANNIS 18:32

(Kane ka la jia, khnang ba ki ktien jong U Jisu kin urlong da shisha, ki ktien kiba u pyndonkam mynba u la pynpaw ïa ka jingïap kaba kumno u dei ban ïap.)

ÏOANNIS 19:24

Ki shipai ki la ong para ma ki, “To ngin ym tar pynkad ïa ka, to ngin ïakynting sbai ban shem mano ba ïoh ïa ka.” Kane ka la jia khnang ba ka Jingthoh Bakhuid kan urlong shisha: “Ki la pynïabynta ïa ki jaiñ jong nga hapdeng jong ki bad ki la ïakhalai ïa ka jaiñkup jong nga.” Kane ka long kaei kaba ki shipai ki la leh.

ÏOANNIS 19:36

Ïa kane la leh ban pynurlong ïa ka Jingthoh Bakhuid: “Yn ym pynkheiñ ïa kawei ruh na ki shyieng jong u.”

ÏOANNIS 21:17

Ha ka sien kaba lai U Jisu u la ong, “Ko Simon, u khun jong u Jona, me ieit ïa nga?” U Petros u la sngewsih namar ba U Jisu u la kylli ïa u ha ka sien kaba lai, “Me ieit ïa nga?” kumta u la ong ha u, “Ko Trai, me tip ïa kiei kiei baroh; me tip ba nga ieit ïa me!” U Jisu u la ong ha u, “To sumar ïa ki langbrot jong nga.

ÏOANNIS 6:70

U Jisu u la phai ktien, “Hato ngam shym la jied ïa phi baroh khat-ar ngut? Pynban uwei na phi u long u ksuid!”

KI KAM 1:16

“Ko hynmen ko para jong nga,” u la ong, “ka Jingthoh Bakhuid ka dei ban urlong shisha ha kaba U Mynsiem Bakhuid u kren lyngba u Dabid, u la pynlong ka jingïathuh lypa shaphang u Judas, uba la long u nongïalam ïa kito kiba la kem ïa U Jisu.

KI KAM 1:2

Ha shuwa ban shim noh shajrong ïa u, u la ai ki jingbthah da ka bor U Mynsiem Bakhuid ha ki rangbah kiba u la jied kum ki apostol jong u.

2 KORINTH 4:5

Naba ym dei ïa lade ba ngi ïalap; ngi ïalap ïa U Jisu Khrist kum U Trai, bad ma ngi kum ki shakri jong phi na ka bynta U Jisu.

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.