ÏOANNIS 13:15 - Khasi CL Bible (BSI)

¹⁵ Nga la pyn-i ka nuksa ïa phi, ba phin leh kumba nga la leh ma nga ïa phi.

KA BAIBL

¹⁵ Namar nga la ai ka rukom ha phi, ba phi ruh phin ïoh leh, kumba nga la leh ma nga ha phi.

ÏOANNIS 13:15 ပူးပေါင်းရင်းမြစ်များ

MATHAÏOS 11:29

To shim ïa ka lyngkor jong nga bad buh ïa ka halor jong phi, bad to hikai na nga, namar nga long uba jemnud bad uba sngewrit ha ka mynsiem; bad phin shem ka jingjahthait.

Ka Shithi U Paul Sha Ki Nong Rom 15:5

Bad to U Blei, uba long ka tyllong jong ka jingïaishah bad ka jingpynshlur, un pynlah ïa phi ban don kajuh ka jingmut hapdeng jong phi da kaba bud ïa ka nuksa U Khrist Jisu,

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

1 PETROS 2:21

Ka dei ïa kane ba U Blei u la khot ïa phi, naba U Khrist hi u la shahshitom na ka bynta jong phi bad u la iehnoh ha phi ïa ka nuksa, khnang ba phin bud ha ki dien'jat jong u.

1 PETROS 5:3

Wat pyrshang ban leh trai khlieh halor kito ha kiba la ai ïa phi ban sumar, hynrei to long ka nuksa ïa ka kynhun.

1 ÏOANNIS 2:6

Uno uno uba ong ba u ïaisah ha U Blei u dei ban im kumba U Jisu Khrist u la im.